1 Samuel 16:5 - Qullan Arunaka DC

⁵ Samuelux sarakïnwa: —Jïsa, sumankañampiwa. Tatituru mä wilañcha luqtiriw jutta. Jichhax q'umachasipxam, ukatsti nayamp chika wilañcha luqtir sarapxam —sasa. Ukatsti Samuelux jank'akiw Jesé chachampiru, yuqanakapampirux q'umachäna, ukatsti wilañcha luqtir sarañatakiw jawsarakïna.

Aymar Bibliia 1986

⁵ —Jïsa, uqhamawa. Tatitur mä sacrificio loktiriw jutta. Jichhajj k'omachasipjjam ucatsti nayampi chica sacrificio loktir sarapjjaraquim —sasaw Samuelojj saraquïna. Ucat janc'aquiraquiw Samuelojj Isaí chachampiru, yokanacapampiru k'omachäna, ucat sacrificio loktiri sarañataquiw jupanacarojj jawsaraquïna.

Qullan Arunaca

⁵ —Jïsa, uqhamawa. Tatitur mä sacrificio loktiriw jutta. Jichhajj k'omachasipjjam ucatsti nayampi chica sacrificio loktir sarapjjaraquim —sasaw Samuelojj saraquïna. Ucat janc'aquiraquiw Samuelojj Isaí chachampiru, yokanacapampiru k'omachäna, ucat sacrificio loktiri sarañataquiw jupanacarojj jawsaraquïna.

1 Samuel 16:5 Jak'a apnaqawi uñst'ayäwi

Génesis 35:2

Ukat Jacobux wila masinakaparu, jupampi chika jakirinakarus säna: —Kuna yaqha diosanakatix jumanak taypin utjchi ukanak apanukupxam, ukatsti taq jariqasipxam, yaqha isinakampi uchasipxarakim.

1 Reyes 2:13

David reyin jiwxatapatsti, Adonías chachax Salomonan Betsabé taykapan ukaruw saräna. Jupasti jiskt'änwa: —¿Suma amtäwimpikiti juttaxa? —sasa. Adoniasasti sänwa: —Jïsa —sasa.

1 Crónicas 12:18

18 (19) Ukhamasti Amasai sat kimsa tunka jaqinakan irpiripax Tatitun ajayupan phuqhantatax akham sasaw art'asïna: “¡David, Jesé chachan yuqapa! ¡Sumankañax jumatakïpan! ¡Sumankañax jumampïpan! ¡Sumankañax jumataki, yanapirinakamampitakïpan, Diosamaw jumarux yanapasktam!” sasa. Davidasti jupanakarux katuqänwa, ukatsti jilïrinak taypin lurañanak churäna.

Job 1:5

Uka manq'äwi qhipatsti, Job chachax wawanakap jawsayasinxa, wali willjtat sartasin nakt'at wilañchanak luqtirïna, ukhamat sapa mayni jupanakan juchanakapat q'umachatäñapataki, jupax chuymapan sänwa: “inampisa wawanakaxax jucha lurapxchi chuymanakapan Tatitur ñanqhachasina” sasa.

Éxodo 19:10

Tatitusti Moisesarux saskakïnwa: —Saram, ukatsti markar wakichanim jichhüru, qharüru jupanakax q'umachasipxpan. Isinakap t'axsusipxpan,

Joel 2:16

Tatitun markapar tantacht'apxam, ukatsti q'umachapxarakim; chuyman jaqinakaru, wawanakaru, ñuñuskir wawanakamppachar tantacht'apxam. ¡Jichha jaqichasirinakas jaqichasiñ utapat mistunipxpan!

Sofonías 1:7

¡Tatit nayraqatan amukt'apxam, Tatitun mutuyañ urupaw jak'achasini! ¡Taqi kunas wakicht'atawa! ¡Jawsatanakax akankxapxiwa, ¡Markaxarux q'al jiwarayä!

Números 11:8

mallt'atasti aceitemp chaputa jak'ut lurat t'ant'jamänwa. Jaqinakax ukanak apthapiriw mistüna, ukatsti ukanak k'iyapxäna, ukatsti ch'axt'asisaw phayasipxäna, jan ukax, t'ant'anak lurasipxarakïna.

1 Corintios 11:28

Ukalayku, janïr uka t'ant'a manq'kasa, uka qirut umkasax sapa mayniy chuymap uñantaspan.

Josué 3:5

Josué chachasti jupanakarux sänwa: “Q'umachasipxam, Tatitux qharüru willjtax muspharkañ luräwinak jumanak taypin lurani” sasa.

Josué 7:13

Sartasim, ukatsti Israel markar tantacham. Jupanakasti wakichasipxpan, nayan nayraqataxan qharüru uñstapxañapataki. Naya, Israelan Tatitu Diosapaw akham arsta: ‘Jumax Israel marka, kunatix taqi tukjatäñapäkän ukat apaqastaxa, janitix jumax ukanak tukjkäta, jaqunukkarakïta ukaxa, janiw uñisirinakamarux saykatkasmati.’

1 Samuel 20:26

Uka urusti Saúl reyix janiw kunsa kamskänti, amuyupansti sänwa “Kuna jan wali q'añuchasïwiruw purpacha, ukat jichhax q'umachasiskpacha” sasa.