1 Samuel 16:21 - Qullan Arunaka DC

²¹ Ukhamaw Davidax Saúl reyin nayraqatapar uñstäna, ukat jupar luqtarakïna. Saúl chachasti wal Davidarux munasïna, ukat jupan yanapiripat uchasïna.

Aymar Bibliia 1986

²¹ Uqhamaw Davidajj Saúl reyin nayrakataparu uñstäna, ucat jupar sirviraquïna. Saúl chachasti wali Davidarojj munasiraquïna, ucat jupan yanapiripatwa uchasiraquïna.

Qullan Arunaca

²¹ Uqhamaw Davidajj Saúl reyin nayrakataparu uñstäna, ucat jupar sirviraquïna. Saúl chachasti wali Davidarojj munasiraquïna, ucat jupan yanapiripatwa uchasiraquïna.

1 Samuel 16:21 Jak'a apnaqawi uñst'ayäwi

Génesis 41:46

Joseasti kimsa tunka maranïnwa, kunapachatix Egiptonkir faraón reyin nayraqataparu irpapkän ukkhaxa. Joseasti faraonan ukat mistuwayxasaxa, taqi Egipto uraqpach sarañ qalltäna.

1 Reyes 10:8

¡Warminakamax wali kusisitäpxpachawa, aka uywatanakamas juma thiyan yatiñan arunakam isch'ukisax wali kusisitaw jikxatasipxpacha!

Salmos 118:9

Jilïr jaqinakar alkatañat sipanxa, Tatitur alkatañaw juk'amp sumaxa.

Salmos 146:3

Jilïr jaqinakarux jan alkatapxamti, jiwir jaqïpxatap laykux janiw qhispiyapkaspati,

Salmos 62:9

9 (10) Jaqix mä samsumpi sasikiwa, qamirisa, jan kunanisa; jupanakarutix balanzampi waytasispaxa, mä samsut sipan phisnakïspawa.

Proverbios 22:29

Lurañap sum lurir jaqix, reyinakan luqtiripäniwa, janiw jan yäqat jaqinakan luqtiripäkaniti.

Deuteronomio 1:38

Juma lantisti Josué yanapirimaw mantani. Jichhasti jupar ch'amañcht'am, jupaw aka uraqinak Israel markar katuyani.

Deuteronomio 10:8

Ukapachaw Tatitux Leví ayllurux ajllïna, suma arust'äwi arca apañapataki, Tatitun nayraqatapankapxañapataki yupaychäwinak luqtañataki, jupan sutipxar aski waxt'äwinak churañataki, kamisatix jichhürkam lurasipki ukhama,

Jueces 9:54

Abimélec chachasti ukspachaw yanapiriparux jawsäna, ukatsti sänwa: “Espadam apsusim ukat jiwayita, janiw nayat ‘Mä warmikiw jiwayi’ sapxañap munkti” sasa. Uka yanapiripasti iyawsasaw espadapampi chhuqhuntäna, ukhamaw Abimélec chachax jiwxäna.

1 Samuel 16:22

Saúl reyix Davidar wali munasitap laykusti, mä iwxa Jesé chachar apayäna, Davidan jupamp chika qhiparañapataki.

1 Samuel 17:15

Saúl reyin campamentoparuw sarirïna, ukatsti awkipan ovejanakap awatiriw Belenar kuttirïna.

1 Samuel 17:55

Kunapachatix David waynax Goliat jaqimpi nuwaskäna ukkhaxa, Saúl reyix ejercitopan jilïripäkän uka Abneraruw jiskt'äna: —Abner, ¿khitis uka waynan awkipaxa? —sasa.

1 Samuel 19:7

Ukhamasti Jonatanax Davidar jawsasinxa, kuntix Saúl reyimpi parlkatayna taqi ukanak yatiyäna. Ukatsti Saúl reyin ukaruw irpäna; Davidasti Saúl reyirux yanapaskakïnwa, kamisatix nayrax luqtirïkän ukhama.