1 Samuel 16:20 - Qullan Arunaka DC

²⁰ Ukat Jesé chachax David yuqaparux Saúl reyin ukaruw khithäna. Jupampi chiksti mä asno irpayarakïna, t'ant'as khumt'ata, mä lip'ichi wayaqa vinompi, mä cabritompi kuna.

Aymar Bibliia 1986

²⁰ Ucat Isaí chachajj David yokaparojj Saúl reyin ucaruw qhitanïna. Jupampi chicasti mä asno irpayaraquïna, t'ant'as qhumt'ata, mä lip'ichi wayaka vinompi, mä cabritompi cuna.

Qullan Arunaca

²⁰ Ucat Isaí chachajj David yokaparojj Saúl reyin ucaruw qhitanïna. Jupampi chicasti mä asno irpayaraquïna, t'ant'as qhumt'ata, mä lip'ichi wayaka vinompi, mä cabritompi cuna.

1 Samuel 16:20 Jak'a apnaqawi uñst'ayäwi

Génesis 43:11

Ukat awkipax ukxar sarakïna: —Ukham wakischi ukax jilamar irpapxakchïtaya, uka jaqin ukar jank'ak kuttapxarakim. Ukampis akham lurapxam: Costalanakamar mä waxt'äwi uka jaqitak aparapipxam. Kunatix uraqisan utjki ukanakat mä juk'akama: Bálsamo, misk'i, q'apkir qullanaka, mirra, nueces, almendra ukanaka.

Proverbios 18:16

Mä suma churäwimpix kawkhakamas mantañakiwa, wali aytat jaqin nayraqatapkamaw puriyi.

1 Samuel 10:27

Ukampis jan wali parliri jaqinakax utjapunïnwa, jupanakasti sapxarakïnwa: “¿Jupat qhispiypachïstani?” sasa. Juparux wal jisk'achapxäna, janirakiw reyirjamas yäqapkänti; ukampis Saulux jan ist'iriw tuküna.

1 Samuel 10:4

Jupanakasti aruntapxätamwa, ukatsti pä t'ant'a churapxätam, jumasti uk katuqasïtawa.

1 Samuel 16:19

Ukat Saúl reyix mä khithanak Jesé chachan ukar khithäna, akham sapxañapataki: “Ovejanak awatirïki uka David yuqamar nayan ukar khithanita” sasa.

1 Samuel 17:18

Ejerciton jilïripatakisti aka tunka quesompi apawayam. Ukatsti kunjamäskis jilanakamax uk uñjt'anim, ukat nayatak mä kunsa apanirapita jupanakan walikïskatap yatiñaxataki —sasa.

1 Samuel 25:18

Ukatsti jank'akiw Abigail warmix apxarüna: pä patak t'ant'a, pä lip'ichi wayaqa vinompi, phisqa oveja kankatampi, pusi tunka kilo grano jamp'itampi, waña uvat lurat patak tortampi, waña higot lurat pä pataka tortampi; ukanaksti asnonakaruw khumxatawayi,