1 Samuel 16:13 - Qullan Arunaka DC

¹³ Ukspachaw Samuelux aceiten uchat waxra aptasin uka waynarux jilanakapan nayraqatapan aceitempi p'iqipxar warxatasin reyïñapatak yaqhachxäna, uka waynasti David satänwa. Ukat uksarusti Tatitun ajayupaw jupxankäna. Ukatsti Samuelux Ramá chiqaruw sarxäna.

Aymar Bibliia 1986

¹³ Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.

Qullan Arunaca

¹³ Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.

1 Samuel 16:13 Jak'a apnaqawi uñst'ayäwi

2 Samuel 12:7

Ukat Natanax jupar sarakïna: —¡Jumätaw uka jaqixa! Jichhasti Israelan Tatitu Diosapax akham qhanañchi: ‘Nayaw jumarux Israelan reyipat ajllissma, Saúl reyin amparapat qhispiyaraksma;

2 Samuel 2:4

Uka qhipatsti Judá uraqinkir jaqinakaw ukar purintanipxarakïna, ukatsti ukan Davidarux Judá markan reyipäñapatak utt'ayapxäna. Juparusti Galaad chiqankir Jabés markankir jaqinakan Saúl reyir imt'xapxatap yatiyapxäna,

2 Samuel 23:1

Aka arunakax Davidan qhip qhipa arunakapawa: “David, Jesé chachan yuqapa, Tatitun jach'ar aptat jaqi, Jacob chachan Diosapan ajllisit reyi, Israelan suma q'uchunakap q'uchuri, jupasti siwa:

2 Samuel 5:3

Ukhamaw Israelankir taqpach jilïr jaqinakapax Hebrón markar David reyimp parlir sarapxäna, jupasti Tatitun nayraqatapan mä arust'äwi jupanakamp lurarakïna. Ukatsti jupanakax Israelan reyipat Davidar utt'ayapxäna.

2 Reyes 9:6

Ukspachaw Jehú capitanax sartasisin utar mantäna. Ukat profetax jupan p'iqipxar aceitempi warxatäna, akham yatiyasa: —Israelan Tatit Diosapax siwa: “Nayaw Israel markaxan reyipat utt'aysma.

1 Crónicas 11:3

Ukhamaw Israel markan jilïr jaqinakax Hebrón chiqar David reyimpi parlir sarapxäna, Tatitun nayraqatapansti, Davidampix mä arust'äwi lurapxäna. Ukatsti Davidarux Israel marka apnaqiripat utt'ayapxäna, kunjämtix Diosax Samuel tuqi arskän ukhamaru.

Salmos 89:20

20 (21) ¡David uywataxaruw jikxatta! qullan aceitempi jawintasaw reyit utt'ayta;

Salmos 89:21

21 (22) yanapaxax janipuniw jupatak pist'kaniti. Ch'amaxampiw jupar ch'amañchä,

Números 11:17

Nayax saraqanisin jumar parläma, ukatsti juman ajayumat apaqasaw uka jilïr jaqinakar churä, jumar aka marka apnaqañ yanapt'añapataki; jan juma sapak taqi kun luraskañamataki.

Números 27:18

Tatitusti Moisesarux sarakïnwa: —Josué sat Nun chachan yuqapar irpanim, jupax suma chuyman jaqiwa. Jupar amparamamp luqxatam,

Juan 3:34

Diosan khithanitapax Diosan arunakap parli, Diosax Ajayup jilarkir churatap layku.

Hechos 13:22

Uka qhipatsti Diosax Saúl reyir reyi qunuñapat jaqunukünwa, ukatsti Davidaruw reyit utt'ayäna. Diosax Davidat akham säna: ‘Nayax Jesé chachan David yuqaparux chuymaxar purkirïtap jikxatta, jupax taqi kuntix nayax munkta uk lurani’ sasa.

Hebreos 1:9

Aski kankañarux munastawa, ñanqharusti uñistawa; ukat Diosamax jumar ajllistam, masinakam taypin kusisiñampiw phuqhanttam.”

Hebreos 11:32

¿Kunat juk'ampirak arsüsti? Gedeón, Barac, Sansón, Jefté, David, Samuel taqi jupanakat arsuñ janiw tukuykiristti, ukhamarak profetanakatsa.

Jueces 11:29

Uka qhipatsti Tatitun ajayupaw Jefté chachxarux jutäna, ukat jupax Galaad, Manasés uraqinak sarakipäna, Galaad chiqankir Mispá sarakipasa, amonitanakan uraqip katuntasiñataki.

Jueces 13:25

Mä urusti, Sansonax Sorá, Estaol chiqanak taypina, Dan chiqankir campamentonkkipan, Tatitun ajayupax jupa tuqi uñacht'ayasiñ qalltäna.

Jueces 14:6

Ukapachaw Tatitun ajayupax Sansonar purïna, ukat mä cabritökaspas ukhamak leonarux jisk'a jisk'a tukjäna; ukampis ukxa janiw awkip taykaparux yatiykänti.

Jueces 3:10

Tatitun ajayupaw Otoniel chachxaru jutäna, jupaw israelitanakarux irptäna; nuwasiriw mistüna, ukatsti Tatitux Cusán-risataim reyiruw atipt'ayäna.

1 Samuel 1:19

Qhipürusti, Elcaná chachampi, wila masinakapampix willjtat sartasipxäna, Tatitur yupaychasinsti, Ramá sat chiqankki uka utaparuw kuttanxapxäna. Uka qhipatsti Elcaná chachax Ana warmipampiw mayachasïna, Tatitusti Ana warmin mayisitaparux ist'änwa.

1 Samuel 10:1

Ukhamasti Samuel profetax aceiten wayucha katusinxa, Saúl waynan p'iqipxaruw warxatäna, jamp'att'asinsti sarakïnwa: —Tatituw jichhürux Israel markan apnaqiripat jumar ajllistam. Jumaw jupanakar apnaqäta, uñisirinakapan amparapatsa qhispiyarakïta. Tatitun jumaru Israel markap apnaqañamatak ajllisitapax akhamat yatisini:

1 Samuel 10:6

Ukapachaw Tatitun ajayupax jumxaru jutani, jupanakamp chikaw profecía arunak arsüta, yaqha jaqiruw tukurakïta.

1 Samuel 11:6

Ukanak ist'asinsti, Saúl waynax Diosan ajayupampi phuqt'atäsinxa, wal phiñasïna.

1 Samuel 16:18

Ukatsti jupanakat mayniw säna: —Nayax uñjtwa, Belenankir Jesé chachan mayni yuqapaw sum toct'añ yati; ukhamarus nuwasiñatakix jan axsaririwa, kunapachatix kuns parlki ukkhaxa, wali suma amuyumpiw parli, ukhamarus wali suma uñnaqt'an waynawa, Tatitusti juparux yanapt'apuniwa —sasa.

1 Samuel 18:12

Saúl reyisti Davidarux axsaränwa, Tatitusti Davidarukiw yanapäna, Saulurusti janiw yanapkxänti.

1 Samuel 2:35

Ukatsti, nayax mä suma sacerdote utt'ayä, chiqapar apnaqiri, nayan munañax phuqhiri, ukhamarak nayan amtäwixarjam luriri; wila masinakaparusti walja maranak jakayä, ukatsti nayan ajllit reyiru luqtir tukt'ayarakï.