1 Samuel 16:1 - Qullan Arunaka DC

¹ Tatitusti Samuelurux sänwa: —¿Kunapachkamarak Saúl reyit llakisïtasti? Janiw nayax jupan Israel markan reyikïskañap munkxti. Jichhax uka waxraru aceitempi phuqhantam, ukatsti Belenankir Jesé chachan utapar sarañam munta, nayasti maynïr wawaparuw reyïñapatak ajllista —sasa.

Aymar Bibliia 1986

¹ Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

Qullan Arunaca

¹ Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 16:1 Jak'a apnaqawi uñst'ayäwi

1 Reyes 8:16

‘Kunüruttix Israel markaxar Egipto markat irpsunkta uka urutxa, janiw nayax Israelan taqi ayllunakapatxa, kawkïr marksa chhijllaskti ukan mä uta lurasiñapataki, sutixas ukankañapataki. Ukampis Israel markaxar apnaqañapatakix Davidaruw ajllista’ sasa.

2 Reyes 9:1

Mä urusti, Eliseo profetax profetanakan tamapat maynïriruw jawsäna, juparusti akham säna: —Sarañatak wakt'ayasim. Aceiten wayucha apxarusiwayam, ukatsti Galaadankir Ramot chiqar saram;

2 Reyes 9:3

ukatsti aceite wayuch katusin p'iqipxaruw warxatäta, akham sasa: Tatitux akham siwa: “Nayaw Israelan reyipat utt'aysma” sasa. Ukatsti punku jist'arasin jan sayt'asaw jaltxäta —sasa.

2 Reyes 9:6

Ukspachaw Jehú capitanax sartasisin utar mantäna. Ukat profetax jupan p'iqipxar aceitempi warxatäna, akham yatiyasa: —Israelan Tatit Diosapax siwa: “Nayaw Israel markaxan reyipat utt'aysma.

1 Crónicas 11:3

Ukhamaw Israel markan jilïr jaqinakax Hebrón chiqar David reyimpi parlir sarapxäna, Tatitun nayraqatapansti, Davidampix mä arust'äwi lurapxäna. Ukatsti Davidarux Israel marka apnaqiripat utt'ayapxäna, kunjämtix Diosax Samuel tuqi arskän ukhamaru.

1 Crónicas 28:4

Ukampis Israelan Tatit Diosapax taqi wila masix taypit ajllisitu, Israel markan wiñayat apnaqañaxataki. Ukhamasti jupax Judá aylluruw apnaqañapatakix ajllisïna; Judá ayllutsti utankir wila masixaruw ajllisi; jilanakax taypitsti nayaruw Israel marka apnaqañaxatakix ajllisitu.

Isaías 11:1

Mä jaya maran k'ullu tunuttix mä jisk'a alix külltanchixa, ukhamarakiw Davidan wila masipatxa mä machaq reyix uñstani.

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Isaías 55:4

Nayaw juparux markanakat arsuri uskta, markanakatak mä jilïr yatichirirak uskta.

Jeremías 11:14

Ukhamasti jumax Jeremías, jan nayarux aka markataki mayistati; jupanakarusti janiw ist'käti kunapachatix jan walt'añanak taypinkkasin yanap mayipkitani ukapachaxa.

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 6:30

Jupanakarux “Apanukut qullqi” sasay sutichañächispa, juman jupanakar apanukutam layku.

Jeremías 7:16

“Jichhasti Jeremías, sum ist'ita: aka markatakix jan nayar achikt'istati. Jan ist'asis achikt'askakitäta ukkhasti, janiw nayax ist'kämati.

Zacarías 4:14

Jupasti sarakituwa: “Uka pä olivox Zorobabelampi, Josué chachampiwa. Taqi aka uraqini Tatituw jupar luqtiritak jupanakar ajllisi” sasa.

Romanos 15:12

Isaías profetax qillqarakïnwa: “Jesé chachat saphix sartani, jupasti markanakar apnaqiriw sartani, markanakasti juparuw suyt'apxani” sasa.

Hebreos 11:32

¿Kunat juk'ampirak arsüsti? Gedeón, Barac, Sansón, Jefté, David, Samuel taqi jupanakat arsuñ janiw tukuykiristti, ukhamarak profetanakatsa.

1 Juan 5:16

Maynitix jilapar jiwañar jan puriyir jucha lurir uñjkchi ukaxa, Diosar mayiñapawa, Diosasti uka jilarux jakañ churani, janitix uka juchax jiwañar apkchi ukapacha. Jiwañar puriyir juchaw utji, janiw uka juchatak mayipxañamäkiti.

1 Samuel 10:1

Ukhamasti Samuel profetax aceiten wayucha katusinxa, Saúl waynan p'iqipxaruw warxatäna, jamp'att'asinsti sarakïnwa: —Tatituw jichhürux Israel markan apnaqiripat jumar ajllistam. Jumaw jupanakar apnaqäta, uñisirinakapan amparapatsa qhispiyarakïta. Tatitun jumaru Israel markap apnaqañamatak ajllisitapax akhamat yatisini:

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.

1 Samuel 15:23

Jupar kutkatirixa, layqasiñanak luririmpi sasiwa; jan ist'asirïki ukasti, yaqha diosanakar yupaychirimpi sasiwa. Juman arunakapar jan jaysatamatsti, jupax janirakiw juman reyïñam munkiti” sasa.

1 Samuel 15:26

Samuelusti sarakïnwa: —Janiw jumamp chik sarkiristti, jumax Tatitun arunakapar janiw jaysktati, ukat jichhax Israelan reyipäñat jumar apanukxtam —sasa.

1 Samuel 15:35

Samuelusti janipuniw mayampsa Saúl reyirux uñjkxänti, chuymapansti jupat wal llakt'asiskäna, ukhamarakiw Tatitux Saúl reyiru Israel markan reyipat utt'ayasax llakisïna.

1 Samuel 16:15

Ukat jupan luqtirinakapax sapxäna: —Tatitux mä ñanqha ajayu jumxarux apayani, uka ajayuw jumarux t'aqhisiyasktam.

1 Samuel 16:23

Ukhamasti kunapachatix Tatitun khithanita uka ñanqha ajayux Saúl reyir t'aqhisiykän ukkhaxa, Davidax arpa toct'arapirïna. Ukampiw Saúl reyix kutjtirïna, uka ñanqha ajayusti jupat jithiqtxarakirïnwa.

1 Samuel 17:12

Mä jaqiw Belén markan utjäna Jesé sutini, Saúl reyin urunakapansti jupax niya awkïxänwa. Uka jaqisti kimsaqallqu yuqanakanïnwa, maynïristi David satänwa.

1 Samuel 9:16

“Qharürux Benjamín uraqit mä jaqiruw khithanïma, jumasti juparuw Israel markaxa apnaqañapatak utt'ayäta. Jupaw filisteonakan amparapat qhispiyani, nayax t'aqhisitanakap uñjasin markaxat khuyapt'ayastwa, arnaqasitanakapax nayakamaw purini” sasa.