1 Samuel 15:29 - Qullan Arunaka DC

²⁹ Israelan jach'a Tatitu Diosapäki ukaxa, janiw k'ariskaspati, janirakiw amtkaspasa, jupasti amtañatakix janiw aliqa jaqikïkiti —sasa.

Aymar Bibliia 1986

²⁹ Israelan jach'a Diosapäqui ucajja, janiw c'ariscaspati, ni amtcaraquispasa, jupasti janiwa aleka jakequïquiti amtañataquejja.

Qullan Arunaca

²⁹ Israelan jach'a Diosapäqui ucajja, janiw c'ariscaspati, ni amtcaraquispasa, jupasti janiwa aleka jakequïquiti amtañataquejja.

1 Samuel 15:29 Jak'a apnaqawi uñst'ayäwi

1 Crónicas 29:11

¡Tatay, jach'a kankañasa, ch'amanïñasa, jach'ar aptatäñasa, apnaqañasa, munañanïñasa jumankiwa! Kunatix alaxpachana, akapachansa utjki ukax jumankiwa. Ukhamarak aka markas jumankiwa, ukampis Tatitu, jumaw taqi ukanakat jilïrïtaxa.

Salmos 29:11

Tatituw markaparux ch'am churi; jupaw markaparux sumankañ churi.

Salmos 68:35

35 (36) Diosax qullan utapan muspharkayapuniwa; jupaw Israelan Diosapaxa, jupaw markaparux ch'am churi. ¡Diosax jach'añchatäpan!

Salmos 95:11

Ukat q'apisiñaxan juramento lurta: janiw samarañaxar mantapkaniti” sasa.

Isaías 45:24

Ukat taqinis sapxani: ‘Tatitukiw ch'amsa, atipt'añsa churistaspa’ sasa. Taqi khitinakatix uñisipkitu ukanakaxa, jisk'achjataw uñjasipxani.

Ezequiel 24:14

Naya, Tatituw uk arsta, ukasti ukhamapunïniwa. Naya kipkaw ukanak lurä, ukanaksti phuqhapunïwa; janipuniw khuyapt'ayaskäti, janirakiw chuymaxansa amtkäti. Taqi sarnaqäwimata, luräwinakamat mutuyapunïmawa. Naya, Tatituw uk arsta.’ ”

Joel 3:16

16 (16) Uka urun Tatitux Sión qulluta, Jerusalenatpach art'atap ist'asiyani, ukkhasti, alaxpachas, akapachas khathatiniwa. Ukampis israelitanakarux Tatitun markapätapatxa, arxataniwa.

Números 23:19

Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

2 Corintios 12:9

ukampis Tatitux situwa: “Munasiñaxampix phuqhatakïtawa; ch'amaxax t'ukhasiñan qhanpach uñsti” sasa. Ukhamasti t'ukhasiñaxat jach'añchastwa, ukhamat Criston ch'amapax nayan uñstañapataki.

Deuteronomio 33:27

Diosax wiñay jakir Diosawa, jumarux imaskapunïtamwa; jupaw juma nayräxat uñisirimarus jaltayani, juman jupanakar t'unjañamataki.

Filipenses 4:13

Criston ch'amapampix taqi kunaruw saykatirista.

2 Timoteo 2:13

janitix chiqa chuymamp arkkañänixa, Cristox janiw armaskistaniti, jupa pachpa jan armasirïtap layku.

Tito 1:2

ukhamarak wiñay jakañ suyt'äwirusa. Uka wiñay jakañ churañatakix Tatitux janïr aka uraqi qalltaskipan phuqhañatakiw arsuwayi, Tatitusti ukham arsutap phuqhapuniwa.

Hebreos 6:18

Aka pä luräwix janiw mayjt'kaspati, ukanakat Diosax janiw k'ariskaspati; khitinakatix Diosan imantasiñap thaqhapktan ukanakax mä jach'a chuymachasïwi katuqtan, jupax churkistu uka suyt'äwirus iyawsaraktan.

Hebreos 7:21

ukampis Tatitux mä juramentompi utt'ayatänwa, Qillqatansti akham siwa: “Tatitux mä juramento luri, janiw mayjt'aykaniti: ‘Jumaw wiñayatak sacerdotëtaxa,’ ” sasa.