1 Samuel 15:19 - Qullan Arunaka DC

¹⁹ ¿kunatarak jumasti Tatitun arsutanakapar jan ist'asin kuntix uñisirimat aparapkta uk jumatak katuntastasti? —sasa.

Aymar Bibliia 1986

¹⁹ ucapachasti, ¿cunataraqui arsutanacaparusti jan phoktasti, ucat cuntejj enemigot aparapcta ucjja jumataqui catuntastasti, uqhamat Tatitun nayrakatapan jan walinac lurasa? —sasaw Samuelojj säna.

Qullan Arunaca

¹⁹ ucapachasti, ¿cunataraqui arsutanacaparusti jan phoktasti, ucat cuntejj enemigot aparapcta ucjja jumataqui catuntastasti, uqhamat Tatitun nayrakatapan jan walinac lurasa? —sasaw Samuelojj säna.

1 Samuel 15:19 Jak'a apnaqawi uñst'ayäwi

2 Samuel 12:9

¿Kunatarak arunakaxar jisk'achta, ukatsti kunatix nayatak jan walïki uk luraraktasti? Amonita jaqinakampiw Urías hitita jaqirux jiwayaytaxa, warmipsa katuntasiraktawa.

2 Crónicas 33:2

Ukampis jupan luräwinakapax Tatit nayraqatan janiw walïkänti, jupasti kawkïr markanakarutix Tatitux israelitanakan nayraqatapat jaqunukkän uka markanakan axtkañ luräwinakap luräna:

2 Crónicas 33:6

Ben-hinom qhirwa chiqansti, wawanakaparuw wilañcha luqtasa nakhantayäna, ukatsti ajayunakaru, yatirinakar jiskt'asisaw sarnaqäna, ch'amakaninaka, layqasiñanak utt'ayarakïna. Tatit nayraqatan uka luräwinakapax sinti jan walïnwa, ukham lurasaw Tatitur q'apisiyäna.

2 Crónicas 36:12

Jupan luräwinakapasti Tatit Diosapan nayraqatapan janiw walïkänti. Jupax Dios tuqit parlir Jeremías profeta nayraqatanxa janiw jisk'ar tukt'känti.

Proverbios 15:27

Walja yänak munapayirix pachpa utapankirinakaruw tukji, qullqi chilltañar uñisiristi, jakaniwa.

Jeremías 7:11

Aka utax nayar luqtat utawa, ukampis jumanakax lunthatanakan putup tukuyxapxatäta. ¡Naya pachpaw ukham uñjta! Naya, Tatituw taqi ukanak arsta.

Números 14:41

Ukampis Moisesax jupanakar sänwa: —¿Kunatarak Tatitun arunakapar jan jaysapxtasti? ¡Uka amtäwix inaruw tukuni!

2 Timoteo 4:10

Demasax jaytanukuwayxituwa, jupasti aka uraqin yänakaparuw juk'amp munäna, ukat Tesalónica markar sarawayxi. Crescentex Galacia tuqiruw sarxi. Titosti Dalmacia tuqiruw sarxaraki.

1 Samuel 14:32

ukhamasti kuntix ejercitox uñisirinakapat aparkatayna ukaruw jalxatapxäna; ukat ovejanaka, vacanaka, vaca qallunaka katusin kharirapxäna, aychapsti wilamppach manq'antapxäna.

1 Samuel 15:20

Saúl reyix sarakïnwa: —Nayax Tatitun arsutanakaparux jaystwa, kuna lurañtix churkitu uksa phuqharaktwa: Amalec markan Agag reyiparus katuntasin apanirakta, amalecitanakarusti q'al tukjarakta.