1 Samuel 13:4 - Qullan Arunaka DC

⁴ Israelitanakasti, Saúl reyin filisteo soldadonakar tukjatap yatipxäna, ukat filisteonakax israelitanakar wal uñisipxäna, ukhamasti soldadonakax Saúl reyimpiw Guilgal chiqan tantachasipxäna.

Aymar Bibliia 1986

⁴ Take israelita jakenacasti yatipjjaraquïnwa, Saúl reyejj filisteo soldadonacarojj k'ala tucjatapa, ucat filisteo jakenacajj israelitanacaru wali uñisipjjäna, ucatpï ejercitojj Saúl reyimpi tantacht'asïnjja Gilgal sisqui uca chekana.

Qullan Arunaca

⁴ Take israelita jakenacasti yatipjjaraquïnwa, Saúl reyejj filisteo soldadonacarojj k'ala tucjatapa, ucat filisteo jakenacajj israelitanacaru wali uñisipjjäna, ucatpï ejercitojj Saúl reyimpi tantacht'asïnjja Gilgal sisqui uca chekana.

1 Samuel 13:4 Jak'a apnaqawi uñst'ayäwi

Génesis 34:30

Ukat Jacobux Simeonampiru, Levimpirux säna: —Ukham luratanakamampixa, jumanakax jan walt'añanak utjayarapipxistaxa. Jichhax aka chiqankir cananeonakasa, ferezeonakasa uñisipxitaniwa. Mayacht'asisax nayatakiw sayt'asipxani, jiwasax juk'anikïtanwa, taqinirupuniw jiwarayistani —sasa.

Génesis 46:34

ukapachasti jumanakax sapxätawa: “Nanakax nayra awkinakaxatpach oveja awatirïpxtwa” sasa. Ukhamat jumanakax Gosen uraqin jakasipxäta, egipcionakatakisti oveja awatirinakampi jak'a pura jakañax janiw walïkiti —sasa.

2 Samuel 10:6

Amonita jaqinakasti Davidampi wali uñisiyasipxatap amuyasisinxa, qullqi layku nuwasir pä tunka waranqa sirio soldadonak anthapipxäna Rehob, Sobá chiqankirinakata; Maacá markan reyipat waranqa jaqinak achikapxäna; Tob sat reyitsti tunka payani waranqa jaqinak achikapxarakïna.

Éxodo 5:21

jupanakarusti sapxänwa: —¡Tatitux jumanakar mutuypan nanakar jan wali luratanakamata! Reyimpi, jaqinakapampix nayrat sipan juk'amp jichhax nanakar uñisipxitu. ¡Jumanakaw nanakar jiwarayañapatak amtayapxtaxa! —sasa.

Zacarías 11:8

Mä phaxsinak kimsa awatirinakar alisnukta, jupanakatak munasiñaxan pist'atapata, ukhamarak nayar uñisipxatapata.

Josué 5:9

Ukatsti Tatitux Josué chacharux sänwa: “Aka circuncisión lurañampix jumanakat Egipto markan p'inqachat uywatar tukupxatamat apaqapxsma” sasa. Ukat uka chiqax jichhürkam Guilgal sutimpi uñt'ata.

1 Samuel 10:8

Jichhasti Guilgal chiqar nayraqat sarkam, ukan nayax jumampi jikisï nakt'ayat waxt'äwinaka, sumankthapiñ wilañchanak luqtañataki. Nayan puriniñaxkamasti paqallqu uruw ukan suyäta, ukapachaw nayax jumar kuntix lurañamäki uk saskäma —sasa.

1 Samuel 27:12

Aquís reyisti Davidarux suma jaqit uñt'äna, chuymapansti sarakïnwa: “Davidax israelitanakar uñisxiwa, jichhakuchaw nayan luqtirixäni” sasa.