1 Samuel 13:16 - Qullan Arunaka DC

¹⁶ Saúl reyix Jonatán yuqapampi, jupanakamp chika sarir tamanakampix Benjamín uraqin Guibeá chiqaruw qhiparapxäna, ukchañkamasti filisteonakax Micmás chiqaruw utjnuqtapxäna,

Aymar Bibliia 1986

¹⁶ Saúl reyimpi, Jonatán yokapampi, jupanacampi chicäcän uca tropanacasti, Benjamín oraken Gabaa sisqui uca chekaruw kheparapjjäna, filisteonacasti Micmas sisqui uca chekaruw purintapjjaraquïna.

Qullan Arunaca

¹⁶ Saúl reyimpi, Jonatán yokapampi, jupanacampi chicäcän uca tropanacasti, Benjamín oraken Gabaa sisqui uca chekaruw kheparapjjäna, filisteonacasti Micmas sisqui uca chekaruw purintapjjaraquïna.

1 Samuel 13:16 Jak'a apnaqawi uñst'ayäwi

Isaías 10:29

k'ullk'u thakhi chiq sarakipanipxi, Gueba siski uka chiqaruw qurpachasipxi, Ramá markankirinakasti mulljasipxiwa, Saúl chachan Guibeá markapan jakirinakasti jaltxapxarakiwa.

1 Samuel 13:2

Saúl reyix israelita jaqinak taypit kimsa waranqa soldadonak ajllïna. Pä waranqa soldadonakasti jupamp chikaw Micmás, Betel qullunak tuqin qhiparäna, waranqa soldadonakasti Jonatanampi chikarakiw Guibeá chiqan Benjamín uraqin qhiparäna, ukat jilt'iri jaqinakarusti Saúl reyix utanakaparuw khithanukxäna.

1 Samuel 13:3

Ukatsti Jonatanax Guibeá chiqankir filisteo soldadonakarux q'al tukjäna, filisteonakasti taqi ukanak yatipxäna. Ukatsti Saúl reyix taqi Israel markpachan trompetanak phust'ayäna, ukhamat hebreonakan jank'akïpxañapataki.

1 Samuel 14:2

awkipasti mä qullu thiyan granado sat quqa k'uchunkaskänwa, trigo jawq'asipkän uka chiqana, suxta patak chachanakarakiw jupamp chikt'atäskäna.