1 Samuel 12:20 - Qullan Arunaka DC

²⁰ Samuelusti jupanakarux sänwa: —Jan axsarapxamti. Chiqpachansa jumanakax sinti jan wal lurapxtaxa; ukampis jichhax Tatitut jan saraqapxamti, jan ukasti taqi chuymampi yupaychapxam.

Aymar Bibliia 1986

²⁰ Samuelosti saraquïnwa: —Jan ajjsarapjjamti. Chekpachansa jumanacajj sinti jan wali lurapjjatätajja; ucampisa jichhajj jan Tatitutjja sarakapjjamti, jan ucasti take chuymampi jupar yupaychapjjam.

Qullan Arunaca

²⁰ Samuelosti saraquïnwa: —Jan ajjsarapjjamti. Chekpachansa jumanacajj sinti jan wali lurapjjatätajja; ucampisa jichhajj jan Tatitutjja sarakapjjamti, jan ucasti take chuymampi jupar yupaychapjjam.

1 Samuel 12:20 Jak'a apnaqawi uñst'ayäwi

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

Salmos 101:3

ñanqha amtäwinakarux janipuniw uñtkäti. Diosat saraqtirinakarux uñisipuntwa; ¡janipuniw jupanakampix jak'achayaskäti!

Salmos 125:5

jan wali thakhinjam saririnakarusti, ñanqha luririnakampi chik aynacht'ayam. ¡Israel markansti samarañax utjpan!

Salmos 40:4

4 (5) ¡Taqpach chuymamp Tatitur alkatir jaqix kusisiñaniwa, jupax janiw qallasirinakar thaqkiti, janirakiw k'ari diosanakar yupaychirinakarus thaqkiti!

Éxodo 23:25

Tatit Diosamaruw yupaychäta, jupasti t'ant'amaru, umamaruw aski waxt'äwimp phuqt'ani. “Nayaw taqi usunak jumat apaqäma.

Éxodo 32:30

Qhipürusti, Moisesax jaqinakaruw säna: —Jumanakax wali jach'a jucha lurapxtaxa. Jichhasti nayax Tatitun ukaruw qullur makhatä, inach jupax uka juchat pampachapxiristam —sasa.

Jeremías 3:1

Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Hageo 2:5

Egipto markat mistunipkta ukapachax jumanakampïñatakiw nayax arsüyäta, ukasti phuqhasiskiwa. Ajayuxaw jumanakampïski, jan axsarapxamti.

Deuteronomio 10:12

“Jichhasti israelit jaqinaka, ¿kunarak Tatitu Diosamasti jumanakan lurapxañam munisti? Jupax jupar jach'añchañanakam muni, jupan thakhipanjam arkañanakama; ukatsti jupar munañanakama, taqi chuymamampi, taqi jakañamamp jupar yupaychañanakama,

Deuteronomio 11:16

Ukampis jumanakax amuyasipxam, jan sallqjayasipxamti, janirak Diosat jayan sarnaqapxamti, yaqha diosanakarus yupaychapxamti, jupanakatakis alt'asipxarakimti,

Deuteronomio 31:29

Nayax yattwa, jiwxä uka qhipatxa, jan wali lurañanakaruw katuyasipxäta, nayax uñachayapksma uka thakhi apanukupxäta, jutir urunakansti chijinakaruw puripxäta, Tatitun nayraqatapan jan walinak lurapxatamata, ukampi jupar q'apisiyapxatamata.”

Josué 23:6

“Moisesan kamachipan qillqatäki uka arunakar phuqhañatak chamañcht'asipxam; uka arunakat janirak ch'iqa tuqirusa, kupi tuqirus saranukupxamti.

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.

1 Samuel 12:19

Ukat Samuelurux taqiniw sapxäna: —Jumax Tatitu Diosamar achikt'am, aka luqtirinakamax jan jiwarapxañaxataki; nanakan taqi jucha luratanakaxarusti mä reyi mayitaxampiw yapt'apxta —sasa.