1 Samuel 12:15 - Qullan Arunaka DC

¹⁵ Ukampisa janitix kamachi arunakapar jaysapkät ukaxa, Tatitux jumanakarusa reyimarusa mutuyapxätamwa.

Aymar Bibliia 1986

¹⁵ Ucampisa janitejj Tatituru ist'apcäta, jan ucasti camachi arunacapsa apanucupjjaraquïta, ucapachajj jupajj jumanacarusa, reyimarusa mutuyäpjjaraquïtamwa.

Qullan Arunaca

¹⁵ Ucampisa janitejj Tatituru ist'apcäta, jan ucasti camachi arunacapsa apanucupjjaraquïta, ucapachajj jupajj jumanacarusa, reyimarusa mutuyäpjjaraquïtamwa.

1 Samuel 12:15 Jak'a apnaqawi uñst'ayäwi

2 Crónicas 15:2

jupasti Asá reyir jikxatiriw saräna, juparusti sänwa: “¡Asá, ukhamarak Judá, Benjamín markankir jaqinaka, ist'apxita! Tatitux jumanakampïskiwa, jumanakatix jupampïpxäta ukaxa. Jumanakatix jupar thaqhapxäta ukaxa, jikxatapxätawa; ukampis jumanakatix jupar apanukupxäta ukasti, jupax jumanakar apanukupxarakïtamwa.

Isaías 1:20

nayatak sayt'asisipkakïta ukasti, mä nuwasïwin jiwarapxäta.” Pachpa Tatituw uk arsu.

Isaías 3:11

¡Ay, kunakïkan ñanqha jaqitakixa, taqi kunas jupatakix janipuniw walt'kaniti! Tatitusti luratanakapatjam churarakini.

Lamentaciones 1:18

Tatitux kunatix askïki uk luraski, nayan kamachi arunakapar jan yäqataxata. ¡Taqi markanaka, ist'apxita; t'aqhisitaxsa uñjapxarakim! ¡Markaxankir waynanakasa, tawaqunakasa, katuntat apataw uñjasipxi!

Deuteronomio 31:27

Nayax yattwa jumanakan jan ist'asiri, saykatasiri jaqinakäpxatama. Jumanakax nay jakaskipansa Tatitutakix sayt'asipxtawa, ¿kunjämarakïni nay jiwxä ukkhasti?

Josué 24:20

Jumanakatix Tatitut armasis yaqha diosanakar luqtapxät ukkhaxa, Tatitux jan walt'añanak apayanipxätam, jumanakar askinak lurkasin t'unjapxarakïtamwa —sasa.

Jueces 2:15

Israelitanakax sapa kuti nuwasir sarapkän ukkhaxa, Tatitux janiw jupanakampïkxänti, ukhamïpansti jupanakax jan walt'añan jikxatasipxäna, ukhama jan walt'apxañapatakisti Dios pachpaw arsüna. Ukampis Tatitux israelitanakar walja jan walt'añanak apayankchïn ukasa,

1 Samuel 12:9

Ukampis jupanakax Tatitu Diosapat armasxapxänwa, ukat jupax Sisaran amparapar katuyäna, jupasti Jabín ejerciton jilïripänwa, Hasor markan reyipa, ukhamarak filisteonakana, moabitanakan reyipan amparaparuw katuyäna, ukanakaw jupanakampix nuwasipxäna.

1 Samuel 5:9

Ukampis Tatitun arcapa uka markar puripansti, Tatitux uka markan kunayman jan walt'añanak sartayäna, jaqinakarusti taqiniruw kunayman ch'uphu usunakampi chhuxriñchjäna, jach'a jaqinakaru, ukhamarak wawanakarusa.