1 Samuel 11:13 - Qullan Arunaka DC

¹³ Ukampisa Saúl waynax sarakïnwa: —Jichhürux janiw khitis jiwayatäkaniti, Tatituw Israel markar qhispiyi —sasa.

Aymar Bibliia 1986

¹³ Ucampisa Saúl waynajj saraquïnwa: —Jichhürojj janiw qhitis jiwayatäcaniti, jichhüru Tatitojj Israel marcaparu khespiyatap laycu —sasa.

Qullan Arunaca

¹³ Ucampisa Saúl waynajj saraquïnwa: —Jichhürojj janiw qhitis jiwayatäcaniti, jichhüru Tatitojj Israel marcaparu khespiyatap laycu —sasa.

1 Samuel 11:13 Jak'a apnaqawi uñst'ayäwi

2 Samuel 19:22

22 (23) Davidasti ukxaruw säna: —¡Seruiá jaqin yuqanakapa, akax janiw jumanakan lurañanakamäkiti! ¿Kunatarak arunakaxar jaysañ jan munapktasti? Jichhax nayax Israelan reyipätwa, janiw khitis Israel markan jichhürux jiwkaniti —sasa.

2 Samuel 19:23

23 (24) Ukatsti, Simí jaqiruw sarakïna: “Janiw jiwkätati” sasa, reyix juramentompiw arsurapïna.

2 Samuel 23:10

ukampis Eleazarax ch'amampiw sayt'asïna, filisteonakarusti ampar t'ukjayasiñkamaw jiwarayäna, amparapas espadaruw lip'kattäna. Khä uruw Tatitux atipjayäna. Ukatsti ejercitox Eleazararuw arkäna kuntix uñisirinakat aparanipkatayna ukanak katuntasiñataki.

Éxodo 14:13

Ukampis Moisesax ukxaruw jupanakar säna: —Jan axsarapxamti. Ch'amañchasipxam, jichhüruw uñjapxäta kuntix Tatitux jumanakar qhispiyañatak lurkani uka. Jichhür uñjapkta uka egipcionakarux janiw mayampsa uñkatkxapxätati.

Éxodo 14:30

Uka urusti Tatitux ukhamwa israelitanakar egipcionakan amparapat qhispiyäna, israelitanakasti egipcio jaqinakan jiwarat janchip quta thiyanakankaskir uñjapxäna.

Isaías 59:16

Tatitusti musphataw uñjasi jan khitis aka ñanqha lurañ chiqachañ munatapatxa; ukat pachpa ch'amapampix sarti, atipjañsti jupa pachpaw jikxataraki.

1 Corintios 15:10

Ukampis Diosan khuyapayasiñap laykukiw kunäktix ukätxa; munasiñapasti nayatakix janiw inamayäkiti. Jan ukasti, nayax taqi apostolunakat sipan juk'amp irnaqawayta; janiw nayat irnaqktxa, jan ukasti, Diosawa, jupasti munasiñapan nayarux yanapitu.

1 Samuel 10:27

Ukampis jan wali parliri jaqinakax utjapunïnwa, jupanakasti sapxarakïnwa: “¿Jupat qhispiypachïstani?” sasa. Juparux wal jisk'achapxäna, janirakiw reyirjamas yäqapkänti; ukampis Saulux jan ist'iriw tuküna.

1 Samuel 14:45

Markasti Saúl reyirux sarakïnwa: —¡Janiw wakiskiti Jonatanan jiwañapaxa, jupaw Israel markarux mä jach'a atipjäwi churistu! ¡Janiw jiwkaspati! ¡Tatit layku, janiw mä ñik'utapas uraqirux jalaqtkaniti! Kuntix jichhüru lurki uksti Tatitun yanapapampiw luraraki —sasa. Ukhamat markax Jonatanarux jiwañat qhispiyäna.

1 Samuel 19:5

filisteo jaqir jiwayañatakix jakañapsa apt'asirpachänwa, ukhamat Tatitux taqi israelitanakar qhispiyi. Juma munañan reyix ukham uñjasax kusisïyätawa. Ukhamasti, ¿kunatarak juma munañan reyisti jan juchani Davidar jiwayasin juchañchjasiñ muntasti? —sasa.