1 Samuel 10:22 - Qullan Arunaka DC

²² ukat Tatiturux wasitat jiskt'apxäna, Saúl waynax ukankaskpachati janicha uk yatiñataki. Tatitusti Saúl waynan q'ipinak manqhan imantatäskatap uñacht'ayäna.

Aymar Bibliia 1986

²² Ucatwa wasitat Tatituru jisct'apjjäna, Saúl waynajj ucanti jicjjatasi janicha uc yatiñataqui. Tatitusti Saúl waynan ucancascatapjja yatiyänwa, k'epinaca mankhan imantasiscatapa uñacht'ayaraquïna.

Qullan Arunaca

²² Ucatwa wasitat Tatituru jisct'apjjäna, Saúl waynajj ucanti jicjjatasi janicha uc yatiñataqui. Tatitusti Saúl waynan ucancascatapjja yatiyänwa, k'epinaca mankhan imantasiscatapa uñacht'ayaraquïna.

1 Samuel 10:22 Jak'a apnaqawi uñst'ayäwi

Génesis 25:22

Jupasti ispa wawanïñ amuyasïna, purak manqhan wawanakan nuwasipxatapata. Ukat jupax lup'irakïna: “Akatix ukhamäskanixa, ¿kunatakirak jakästi?” sasa. Ukatsti Tatituruw jiskt'asïna,

2 Samuel 2:1

Uka qhipatsti, Davidax Tatituruw jiskt'asïna, jupar sänwa: ——¿Kawkïri markanakatix Judá tuqinkki ukanakar sarañax wakisispati? —sasa. Tatitusti sarakïnwa: —Jïsa, sarañamax wakisiwa —sasa. Ukat Davidax jiskt'asïna: —¿Kawkirus saräxa? —sasa. Tatitusti ukxaruw sarakïna: —Hebrón markar saram —sasa.

2 Samuel 21:1

Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.

Números 27:21

Josué chachax Eleazar sacerdoten nayraqataparuw uñstañapa, Eleazarasti Urim tuqiw sutipxar nayar jiskt'itani. Josué chachaw israelitanakar apnaqani taqi kuna lurañanakapansa —sasa.

Lucas 14:11

Khititix jach'a jach'a tukurïki ukaxa, jisk'ar tukuyatäniwa, ukampis jisk'ar tukurïki ukasti jach'ar tukuyatäniwa.

Jueces 1:1

Josué chachan jiwxatapatsti, israelitanakax Tatituruw jiskt'apxäna, kawkïr ayllus nayraqata cananeo jaqinakampi nuwasispa uk yatiñataki.

Jueces 20:18

Israelitanakasti Betel markaruw sarapxäna, ukawjan Diosarux jiskt'asipxäna, kawkïr ayllusa Benjamín ayllunkirinakar nayraqat katuntaspa uk yatiñataki. Tatitusti Judá ayllunkiri nayraqat sarañapa yatiyäna.

1 Samuel 10:21

Uka qhipatsti Benjamín aylluruw jak'achasiñapatak mayïna, suertesti Matrí siski ukan wila masiparuw wakt'äna, ukatsti Quis chachan Saúl yuqapaw suerte tuqit ajllit uñjasïna. Ukampis jupar thaqtasax janiw jikxatapkänti,

1 Samuel 14:37

Ukat Saúl reyix Tatitur jiskt'äna: —¿Filisteonakar arktañaxax wakisiti? ¿Jupanakarusti israelitanakan amparapar katuyätati? —sasa. Ukampis Tatitux janiw uka urux jupar jayskänti.

1 Samuel 15:17

Ukat Samuelux säna: —¿Janit jumasti jan yäqatjam amuyaskäyätasti? Ukampis jichhax israelita ayllunakan jilïripaw tukxtaxa, Tatitusti Israelan reyipat utt'ayaraktamxa.

1 Samuel 22:10

Ahimélec sacerdotesti Tatiturux Davidxat jiskt'äna, ukatsti juparux manq'añanaka, ukhamarak Goliat filisteon espadap churarakïna —sasa.

1 Samuel 23:9

Ukampisa, Davidax Saúl reyin ukham nuwantañ amtatap yatisax Abiatar sacerdoteruw mayïna efod isi aptaniñapataki, ukat Tatitur jiskt'añataki.

1 Samuel 30:7

ukatsti Abiatar sacerdoteruw achikt'asis säna: —Efod isi apanirapita —sasa. Abiatar sacerdotesti Davidatakix jank'akiw uka isi aparapïna,

1 Samuel 30:8

Davidasti Tatituruw jiskt'asïna: —¿Uka lunthat tama jaqinakarux arktiristti? ¿Arktasin jupanakarux jikxatiristti? —sasa. Tatitusti sänwa: —Arktaskakim, jikxatätawa, uka katuntat jaqinakarus kuttayanxarakïtawa —sasa.

1 Samuel 9:21

Saúl waynasti muspharataw säna: —¡Nayax Benjamín ayllunkirïtwa, ukasti Israel markan utjir taqi ayllunakat sipan sinti jisk'akiwa! Ukhamarusa, wila masinakaxax Benjamín ayllunkirinak taypin jan yäqat jaqinakakiwa. ¿Kunatarak taqi ukanak sistasti? —sasa.