1 Samuel 1:22 - Qullan Arunaka DC

²² ukampis Anax janiw jupanakamp sarañ munkänti, ukat chachaparux säna: —Janiw nayax sarkäti, wawaru ñuñu t'aqañaxkama, ukatsti naya pachpaw Tatitun ukar irpä, ukat ukan qhiparañapataki.

Aymar Bibliia 1986

²² ucampis Anajj janiw sarcänti, jan ucasti chachaparojj sänwa: —Janiw nayajj sarcäti, aca wawaru ñuñu t'akañajjcama. Ucapachaw nayajj wawarojj irpjjä Tatitur churjjañataqui, ucat ucan wiñaya kheparjjañapataqui.

Qullan Arunaca

²² ucampis Anajj janiw sarcänti, jan ucasti chachaparojj sänwa: —Janiw nayajj sarcäti, aca wawaru ñuñu t'akañajjcama. Ucapachaw nayajj wawarojj irpjjä Tatitur churjjañataqui, ucat ucan wiñaya kheparjjañapataqui.

1 Samuel 1:22 Jak'a apnaqawi uñst'ayäwi

Salmos 110:4

Tatitux mayak arsu, arsutapatsti janiw yaqha amtkiti: “Jumaw wiñay sacerdotëtaxa, Melquisedec sacerdotjama” sasa.

Salmos 23:6

Munasiñamampi khuyapayasiñamampix sapürupuniw nayampi chikäski, Tatay, utamansti wiñayapuniw jakä.

Salmos 27:4

Tatitur mä mayisiñaxakiw utji, ukakirak munta: jakañaxkam utapan utjasiña, utapan jupar yupaychañataki, qhapaq kankañap uñjasin kusisiñataki.

Éxodo 21:6

uywiripax Diosan nayraqataparuw irpani, ukatsti uta punkur irpkatasin mä p'iyañampiw uywat jaqin jinchup p'iysuni. Ukhamat uka uywat jaqix wiñayatak jupankxani.

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Levítico 25:23

“Uraqisti janiw wiñayatak aljatäñapäkiti, uka uraqix nayankiwa; jumanakasti uka uraqinxa sart'ir jaqinakakïpxtawa.

Lucas 2:22

Moisesan kamachinakaparjam jupanakan q'umachasïwi urunakap phuqhasxipansti, Jerusalén markaruw Tatitur uñstayañatak wawarux apapxäna.

Deuteronomio 16:16

“Taqi chachaw Tatit Diosam nayraqatan maran kimsa kuti uñstani, kawkha chiqtix jupax ajlliskani uka chiqana, aka urunak uruyañataki: Jan Levaduran T'ant'a manq'añ uruyañ uruna, Semananaka sat uruyañ uruna, ukhamarak Chhujllanakan sat uruyañ uruna. Jupanakasti janiw Tatitun nayraqatapar ch'usa amparaki uñstkaniti,

Josué 4:7

jumanakasti akham sapxätawa: ‘Kunapachatix Tatitun arust'äwi arcapax Jordán jawir makhataskän ukkhaxa, jawir umanakax arca nayraqatan payaruw jaljtäna. Aka qalanakax israelitanakatakix kunatix akan luraskäna ukanak amtasiñatakiw uchata’ ” sasa.

1 Samuel 1:11

akham sasa: “Taqi ch'aman Tatay, jumatix aka luqtiriman t'aqhisitap uñtanïtaxa, ukat nayat amtasisin mä wawsa apayarakitätaxa, nayax uka wawan jakäwip jumar luqtiritakiw katuyäma, uka arsüwi phuqhañatakisti janiw ñik'utapas khuchhuratäkaniti” sasa.

1 Samuel 1:28

Nayax Tatituruw aka yuqall wawa katuyta, jakañapkamasti jupar luqtat wawäñapataki —sasa. Ukatsti Elí sacerdotex Tatit nayraqatan uraqkamaw p'iqip alt'asïna.

1 Samuel 13:13

Samuelusti juparux sarakïnwa: —¡Luqhir uñtataw lurtaxa! Tatitux kuntix sisktam uka arunakarutix jaysasamänxa, juman Israel markar apnaqañamax wiñayatakïsapänwa.

1 Samuel 2:11

Ukatsti, Elcaná chachax utaparuw kuttawayxäna Ramá sat chiqaru, ukampis Samuel wawax Elí sacerdotempiw Tatitur luqtañatak qhiparäna.

1 Samuel 2:18

Samuel waynasti efod sat lino isimpi isthapt'ataw Tatitun nayraqatapan luqtaskäna.

1 Samuel 28:2

Davidasti sänwa: —Walikiwa. Jichhaw juma jach'a reyix yatïta, aka luqtirimax kun lurañatakis wali ch'ikhiwa —sasa. Ukxarusti Aquís reyix Davidarux sänwa: —Ukhamax nayar uñjiritak utt'ayäma —sasa.

1 Samuel 3:1

Samuelusti Elí sacerdoten arsutanakap phuqhasaw Tatiturux luqtaskakïna. Uka urunakansti Tatitux janiw kuna arunaksa aliqaki khitirus yatiyirïkänti, janirakiw khitis aliqaki kuna unañchäwinaksa uñjirïkänti.