1 Reyes 8:3 - Qullan Arunaka DC

³ Ukarusti Israelan taqpach jilïr jaqinakapaw purinipxäna, ukat sacerdotenakax arca apxarupxäna,

Aymar Bibliia 1986

³ Ucatsti Israel marcana chuymani awquinacaw purinipjjäna, ucatjja sacerdotenacajj arcwa apjjarupjjäna.

Qullan Arunaca

³ Ucatsti Israel marcana chuymani awquinacaw purinipjjäna, ucatjja sacerdotenacajj arcwa apjjarupjjäna.

1 Reyes 8:3 Jak'a apnaqawi uñst'ayäwi

2 Samuel 6:12

Kunapachatix Davidar yatiyapxäna, kunjämtix Tatitux Obed-edom jaqimpiru, taqi wila masinakapampir aski waxt'äwinakamp phuqt'katayna arcan utapankatap layku, ukapachasti Davidax jach'a kusisiñampiw Diosan arcap Obed-edom jaqin utapat aptawayxäna Davidan Markaparu.

1 Reyes 8:6

Ukxarusti sacerdotenakax Tatitun utap manqhiruw arust'äwi arca apapxäna Qullanansa Qullanapa chiqawjkama, querubines sat chhiqhap manqhïxaru,

1 Crónicas 15:2

Ukhamasti sänwa: “Janiw khitis levitanakat yaqhax Diosan arcap apañapäkiti, Tatituw jupanakarux arcap apañatak ajllisi, ukhamarak jupar wiñayatak luqtapxañapataki” sasa.

Números 4:15

Aaronampi, wawanakapampix taqi uka qullan yänak llawthapiñ tukuyxapxani, sarantañatakis niya jank'akïpxarakini ukapachasti, Quehat chachan wawanakapaw jutapxani, taqi uka yänak apañataki. Ukampis kunatix qullanäki ukxa janiw llamkt'apxañapäkiti, jupanakan jan jiwapxañapataki. Quehat chachan wawanakapax, taqi aka qullan yänak Tatitump Jikisiñ Carpat apapxañapa.

Números 7:9

Ukampis Quehat chachan wawanakaparux janiw kuna carretanaksa, urqu vacanaksa churkänti, jupanakan luräwinakapasti qullan yänaka kallachipxar apapxañapänwa uka layku.

Deuteronomio 31:9

Moisesasti aka kamachinak qillqantasin Diosan arust'äwi lurat arcap apiri levita sacerdotenakaruw churäna, Israelan taqpach jilïri jaqinakaparux churarakïnwa.

Josué 3:3

ukatsti israelitanakarux akham sapxäna: “Kunapachatix Tatitun arust'äwi arcap levita sacerdotenakar apaskir uñjapkät ukkhaxa, kawkhankapktatix ukkhat mistunipxäta, ukatsti qhipap arkapxäta,

Josué 3:6

Sacerdotenakarusti sarakïnwa: “Tatitun arust'äwi arcap aptawayapxam, ukatsti jaqinakan nayräxap jawir makhatapxam” sasa. Sacerdotenakasti Tatitun arust'äwi arcap apxaruwayapxäna, ukatsti jaqinakan nayräxap apapxäna.

Josué 4:9

Ukhamarusa, Josué chachax yaqha tunka payan qalanak ucharakïna, kawkha chiqarutix arust'äwi arca apir sacerdotenakax sayt'asipkän uka chiqaru. Uka qalanakasti jichhürkamaw ukankaski.

Josué 6:6

Josué chachax sacerdotenakar jawsasinxa sänwa: “Tatitun arust'äwi arcap apapxam, jumanakat paqallqunix waxrat lurat trompetanak apt'ata arcan nayräxap sarapxam” sasa.