1 Reyes 7:2 - Qullan Arunaka DC

² Ukxarusti “Bosque del Líbano” sat jach'a uta lurarakïna, ukasti sayt'urux pusi tunka phisqan metronïnwa, iranarusti pä tunka payan metro chikatani, alayarusti tunka kimsan metro chikatanirakïnwa, ukasti pusi siqi sayt'ayata cedro lawanakampi apxäsitänwa, cedro lawat lurat q'irunakax ukanakxar takxatatarakïnwa.

Aymar Bibliia 1986

² Ucjjarusti lurayaraquïnwa “Bosque del Líbano” sat palacio, ucasti largorojja pusi tunca pheskani metronïnwa, anchorusti pä tunca payani metro chicatanïnwa, altorusti tunca quimsani metro chicataniraqui, ucanacasti apjjäsitänwa pusi seke sayt'ayata cedro maderanacampi, ucanacjjaruraquiwa cedro viga maderanacajja tacjjatatäna.

Qullan Arunaca

² Ucjjarusti lurayaraquïnwa “Bosque del Líbano” sat palacio, ucasti largorojja pusi tunca pheskani metronïnwa, anchorusti pä tunca payani metro chicatanïnwa, altorusti tunca quimsani metro chicataniraqui, ucanacasti apjjäsitänwa pusi seke sayt'ayata cedro maderanacampi, ucanacjjaruraquiwa cedro viga maderanacajja tacjjatatäna.

1 Reyes 7:2 Jak'a apnaqawi uñst'ayäwi

1 Reyes 10:17

Ukxarusti kimsa patak jisk'a jark'aqasiñanak lurayarakïna, sapa mayarusti mä kilo chikatan jila quriw mantäna, ukanaksti “Bosque del Líbano” sat reyi utaruw uchäna.

1 Reyes 10:21

Ukhamarusa, reyin taqpach qirunakapax quritkamakïnwa, “Libanonkir Ch'umi” sat jach'a utan utjir chuwanakapasa qurit luratkamakïnwa. Janiw qullqit lurat yänakax utjkänti, Salomonan urunakapanxa qullqit lurat yänakax janiw yäqatäkänti.

1 Reyes 7:3

Uka q'iru lawanakasti pusi tunka phisqanïnwa, ukasti tunka phisqankam jaljatänwa, ukanakasti uka sayiri lawanakar takxatayatänwa. Uka q'iru lawanakasti cedro lawata k'achachatanakampi luratänwa.

1 Reyes 9:1

Kunapachatix Salomón reyix Diosan utapampi, reyi utampi, ukhamaraki taqi kunanaktix jupax lurañ munkäna ukanak tukuyxäna ukkhaxa,

1 Reyes 9:19

Ukhamarusa, kawkhanakarutix manq'añanak imapxirïki uka markanak wasitat lurayäna, ukxarusti nuwasïwir sarañ carronak imaña, caballería imañ cuartelanak wasitat lurayarakïna. Taqi kuntix Salomonax Jerusalenana, Líbano uraqinsa, jupan apnaqat uraqpachan lurañ amtkatayna ukanakxa lurayänwa.

2 Crónicas 9:16

Ukatsti kimsa pataka jisk'a jark'aqasiñanak lurayarakïna, sapa mayni jark'aqasiñarux kimsa kilo jila quriw mantäna, ukanaksti “Bosque del Líbano” sat reyi utaruw uchayäna.

Cantar de los cantares 7:4

4 (5) Kunkamax marfilat lurat torrer uñtatawa; nayranakamax Hesbón markankir uma jalsur uñtataw paqi; nasamasti Líbano qullunkir torrer uñtatawa, Damasco marka tuqir uñxatata.

Isaías 22:8

Judá markax jan jark'aqasiñaniw jikxatasi. Uka urux jumanakax amuyapxtawa, cedro quqanakat lurat utanxa, nuwasiñatak yänakan walja utjatapa,