1 Reyes 5:1 - Qullan Arunaka DC

¹ 1 (15) Tironkir Hiram sat reyix, Salomonar David awkip lanti reyit utt'ayapxatap yatisinxa, yatiyirinakap Salomonan ukar khithäna, Hiram reyix munasiñ chuymampipuniw Davidar uñjirïtayna.

Aymar Bibliia 1986

¹ Tironquiri Hiram reyejj cunapachatï yatïna Salomonaru reyit utt'ayapjjatapa, David awquipa lanti ucqhajja, yatiyirinacapwa qhitäna Salomonan ucaru, Hiram reyejj Davidarojj munapunïnwa uca laycu.

Qullan Arunaca

¹ Tironquiri Hiram reyejj cunapachatï yatïna Salomonaru reyit utt'ayapjjatapa, David awquipa lanti ucqhajja, yatiyirinacapwa qhitäna Salomonan ucaru, Hiram reyejj Davidarojj munapunïnwa uca laycu.

1 Reyes 5:1 Jak'a apnaqawi uñst'ayäwi

Génesis 15:18

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

2 Samuel 5:11

Ukat Tiro markan Hiram sat reyipax Davidan ukar jaqinak khithäna; ukhamarus lawat yänak luririnaka, qala ch'iyirinak khithäna, jupanakasti cedro lawanak apapxäna, ukatsti David reyin jach'a utap utachapxäna.

2 Samuel 8:10

Joram yuqaparuw khithäna, David reyir aruntiri, jallallt'iri, Hadad-ézer reyir atipjatap layku, jupatakisti qullqita, qurita, broncet lurat yänak apayäna; Toi sat reyisti Hadad-ézer reyimpix ch'axwankarakitaynawa.

1 Reyes 10:25

ukatsti jupatakix taqiniw sapa mara mä churäwi aparapipxäna: qullqi, quri yänaka, isinaka, nuwasiñ yänaka, suma q'apkir qullanaka, caballonaka, mulanaka.

1 Reyes 5:10

10 (24) Ukhamasti, Hiram reyix qawqhtix cedro lawanaka, pino lawanak munkän uk Salomonar churäna,

1 Reyes 5:13

13 (27) Salomón reyisti kimsa tunka waranqa israelit chachanakaruw Tatitun utap lurapxañapatak wayt'äna,

1 Crónicas 14:1

Tiro markankir Hiram reyix khithanak Davidan ukar jupa lanti khithäna, ukhamarus uta luririnakampi, k'ullu khithurinakampi, jupanakasti cedro lawanak reyin utap lurañatak apapxäna.

2 Crónicas 17:11

Filisteo jaqinakat yaqhipanakax, churäwinaka, ukhamarak qullqi Josafat reyitakix apanirapipxäna, árabe jaqinakasti, jupatakix paqallq waranqa paqallq patakani urqu ovejanaka, cabritonakatsa mä ukkharak aparapipxäna.

2 Crónicas 2:3

3 (2) Ukatsti Salomonax Tiro markankir Hiram reyirux akham yatiyäwi apayäna: “Jumax kunjämtix David awkixampix lurkäyäta ukham nayampi lurarakim, juparux reyi utap lurayañapatakix cedro lawanak apayanïyätaxa.

2 Crónicas 9:26

Salomón reyisti kawkïr reyinakatix, Éufrates jawirat qalltasa filisteonakan uraqipkama, Egipto qurpakamarak utjkäna uka reyinakaruw apnaqäna.

Esdras 4:20

Ukatsti, Jerusalén markan ch'aman reyinakan utjatapas uñstarakiwa, uka reyinakax Éufrates jawirata inti jalant tuqin utjir markanakxar munañanïpxänwa, khitinakarutix impuestonaka, kuna churañanakatix wakt'ki ukanak churapxirïna.

Salmos 45:12

12 (13) Tiro markankir reyin phuchhapa, qamir markanakax churäwipampiw suma chuymam jikxatañ munapxi.

Salmos 72:8

¡Maysa lamar qutat maysa lamar qutkam apnaqpan, Éufrates jawirat qalltasa, aka uraq tukuskama!

Salmos 80:12

12 (13) ¿Kunatarak muyuntat pirqanakap tinkunukuytasti? ¿Kunatarak thakhi saririnakampi uva alinak jik'iraytasti?

Éxodo 34:24

Nayaw jumanakan nayraqatamat yaqha markanakar alisnukü, ukatsti jumanakan uraqinakam jach'aptayä. Ukhamat Tatit Diosamar maran kimsa kuti yupaychir sarapkäta ukkhakamax, jan khitis uraqinakam katuntasiñapataki.

Isaías 23:1

Tiro markataki profecía arunaka: Tarsisankir barco apnaqirinaka, ayqupxam, barco mistuniñ chiqax q'ala t'unjatawa. Chipre tuqit puriniña uka barco mistuñasti q'ala t'unjatarakiwa.

Ezequiel 19:11

Layminakapasti wali thurunakaw jilantxäna, reyinakan thujrup lurañatakjama, ukham jilatapampisti qinayanakkamaw purïna. Yaqha alinakat sipan wali jach'aw tuküna, walja layminïtap laykusti taqinin uñjkañänwa.

Amós 1:9

Tatitux akham siwa: “Tiro markankir jaqinakax wali ñanqhanakpun lurawayapxi, ukat jupanakarux mutuyarakï; mä markpachar t'aqhisiyat luqtiritak Edom markar aljantapxatapata, kawkïr markanakampitix jilapurjam jakasiñatak arust'äwix utjkäna ukar jan phuqhapxatapata.

Números 24:7

Israel markax jilarkir umanïniwa, yapunakap qarpañataki, umt'añataki. Reyipax Agag reyiruw atipjani; marka apnaqäwipax jach'aptaniwa.

Lucas 7:5

jupax markasar muniriwa, jupa kipkaw jiwasan sinagogas lurayaraki —sasa.

Deuteronomio 20:11

Ukatsti uka markankir jaqinakatix sumankañ munapxani, markaparus mantayapxarakïtam ukapachax, jupanakar wali ch'ama irnaqañanak lurayasaw luqtayasipxäta.

1 Samuel 10:27

Ukampis jan wali parliri jaqinakax utjapunïnwa, jupanakasti sapxarakïnwa: “¿Jupat qhispiypachïstani?” sasa. Juparux wal jisk'achapxäna, janirakiw reyirjamas yäqapkänti; ukampis Saulux jan ist'iriw tuküna.