1 Reyes 3:7 - Qullan Arunaka DC

⁷ Juma, Tatit Diosaxawa, David awkix lanti markam apnaqañatak nayar uchistaxa, nayax jan yatiñan mä waynäkipana.

Aymar Bibliia 1986

⁷ Juma Tatit Diosajjawa reyita uchistajja David awquejj lanti, nayajj mä wawa waynaquïctsa jan yatiñani ucasa.

Qullan Arunaca

⁷ Juma Tatit Diosajjawa reyita uchistajja David awquejj lanti, nayajj mä wawa waynaquïctsa jan yatiñani ucasa.

1 Reyes 3:7 Jak'a apnaqawi uñst'ayäwi

2 Samuel 5:2

chiqpachansa Saúl reyix nanakan reyixäkchïna ukasa, jumaw Israel markarux nuwasïwinakapan sarayaskäyätaxa. Ukhamarus Tatitux jumaruw arsuwaytam Israel markapar sarayañamataki, apnaqañamatakiraki” sasa.

1 Crónicas 22:5

Davidasti akham amuyäna: “Salomón wawaxax jisk'äskiwa, Tatitutak luraskani uka utasti wali jach'äñapawa, taqi markanakansa wali uñt'ata, jiwakiraki; ukhamasti taqi kunsa suma wakicht'at jaytañaxaw wakisi” sasa. Ukat Davidax janïr jiwkasax taqi kunsa wakicht'äna.

1 Crónicas 22:9

Ukampis jumax mä yuqall wawanïyätawa, jupasti sumankayir jaqïniwa; ukhamarus nayaw uñisirinakaparux taqi chiqansa sumankañan sarnaqayañapatakix tukt'ayä. Sutipax Salomón satäniwa. Israel markarux pachaparuw samaraña, sumankaña churäxa.

1 Crónicas 29:1

Uka qhipatsti David reyix tantacht'at jaqinakaruw säna: “Tatitux Salomón wawaxarukiw ajllisi, jupax wawa waynakïskiwa, ukampis lurañax wali jach'awa, lurañasti janiw jaqitaki uta lurañäki ukhamakïkiti, jan ukasti Tatit Diosatak uta lurañawa.

Salmos 121:8

Tatituw mistutamsa, mantatamsa uñjaskani, jichhürut wiñaykama.

Proverbios 18:12

Jach'a jach'a tukuñax, aynacht'añawa; llamp'u chuyma tukuñasti, jach'ar aptatäñawa.

Eclesiastés 10:16

¡Ay kunakïkani, kawkïr markatix reyipas mä jisk'a wawakïki, jilïr jaqinakapas jach'a manq'äwinakan qhantatisipki ukanakatakixa!

Jeremías 1:6

Nayasti saraktwa: “¡Tatay! ¡Nayax wawäsktwa, janiw jaqinak taypin parlañ yatkti!” sasa.

Jeremías 1:7

Ukampis Tatitux saskakituwa: “Jan jumax ‘Wawäsktwa’ samti. Kawkirutix nayax khitkäma ukaruw jumax saräta. Kuntix nayax siskäma uk parlarakïta.

Daniel (hebreo) 2:21

Jupaw pachanaksa, maranaksa mayjt'ayi, jupaw reyinakar utt'ayi, juparakiw jaquqaraki. Yatiñaninakarux juk'amp yatiñ churi, ch'ikhinakarusti juk'amp ch'ikhi chuyma churaraki.

Daniel (hebreo) 4:25

25 (22) Juma reyix jaqinak taypit yaqhachatäxätawa, pampa laq'unakamp chikaw jakarakïta, vacanakjamaw quranak manq'äta, janchimxarus sullaw sullantarakini. Ukhamaw juma jach'a reyix paqallq mara jakäta, alaxpachankir Diosan taqi akapachan marka apnaqäwinakxarus munañanïtapa yatiqañamkama, khitirutix jupax munki ukaru marka apnaqirit utt'ayatapa.

Daniel (hebreo) 4:32

32 (29) jaqinak taypit apanukutäyätawa, paqallq maraw pampa jach'a laq'unakamp jakäta, vacanakjamaw quranak manq'äta, alaxpachankir Diosan aka uraqin utjir taqi markanakxarus munañanïtap uñt'käta ukkhakama, khitirutix jupax munki ukar marka apnaqirit utt'ayatapa” sasa.

Daniel (hebreo) 5:18

“Alaxpachankir Diosaw Nabucodonosor awkimarux churäna marka apnaqaña, jach'a kankaña, qamir kankaña, taqi jach'añchäwinaksa.

Daniel (hebreo) 5:21

Jaqinak taypit yaqhachatäxänwa, mä pampa laq'uruw tuküna; monte asnonakamp chikaw jakäna, uywanakjamaw quranak manq'äna, sullaw jañchiparus ch'aranjäna; alaxpach Diosax taqi jaqinakxarus munañanïtapa, juparaki marka apnaqirinaksa khitirutix munki ukarus utt'ayatapa uk yatiñapkama.

Juan 10:9

Nayätwa punkuxa; naya tuqi mantirix qhispiyatäniwa. Kunjämatix mä ovejax uyuru manti, misturaki, ukatsti ch'ijinak jikxati, ukhamäniwa.

Deuteronomio 31:2

“Nayax patak pä tunkan maranïxtwa, janirakiw ch'amaxas maysat maysar sarnaqañatak utjkxiti, ukhamarus Tatit Diosax situwa: ‘Janiw jumax Jordán jawir khurkatar makhatkätati’ sasa.

1 Samuel 18:16

Ukampis Davidax taqi Israel markana, Judá uraqinsa wali munatänwa, jupaw nuwasir sarañsa, kutt'aniñsa sarayäna.