1 Reyes 3:3 - Qullan Arunaka DC

³ Salomonax Tatitur munasïnwa, David awkipan utt'ayat kamachinakarjamaw phuqharakïna, jupasa qullu patanakaruw wilañchanak luqtiri, incienso nakt'ayir saräna.

Aymar Bibliia 1986

³ Salomonajj Tatituruwa munäna, uqhamaraqui David awquipan leyinaca utt'ayätaqui ucanacsa phokharaquïnwa, jupa pachpasa alto kollu patanacana sacrificionaca, inciensonaca loktcchïna ucasa.

Qullan Arunaca

³ Salomonajj Tatituruwa munäna, uqhamaraqui David awquipan leyinaca utt'ayätaqui ucanacsa phokharaquïnwa, jupa pachpasa alto kollu patanacana sacrificionaca, inciensonaca loktcchïna ucasa.

1 Reyes 3:3 Jak'a apnaqawi uñst'ayäwi

1 Reyes 11:34

Ukampisa, janiw taqpach marka apnaqäwi apaqkäti, jan ukasti jakañapkamax marka apnaqayaskakïwa, David luqtirixar khuyapayasitax layku, Davidarux nayaw ajllista, jupasti kamachi arunakaxaru, arsüwinakaxarus phuqhiwa.

1 Reyes 11:38

Jumatix ist'itäta kunanaktix luram siskäma ukanakaru, luräwinakamas naya nayraqatan chiqapäni, ukatsti kamachinakaxsa, kamachi arunakaxsa phuqharakïta, kunjämtix David luqtirixax lurkäna ukhamxa, nayax jumampïyäwa, jumat saraqir reyinakarusti ch'aman sayt'ayä, kunjämatix Davidan saraqirinakapar ch'aman sayt'aykta ukhama; Israel marksti jumaruw katuyäma.

1 Reyes 11:4

Salomonax ch'ama qarit awkïxäna ukkhasti, warminakapax chuymap yaqha diosanak tuqiruw uñtayäna, Salomonax janiw Tatit Diosaparux David awkipjama taqi chuyma luqtaskataynati.

1 Reyes 11:6

Salomonasti Tatit nayraqatan jan walinak luräna, jupasti janiw kunjämtix David awkipax lurkatayna ukham chiqpach chuymampi Tatitur arkkänti.

1 Reyes 14:23

Jupanakasti, yaqha diosanakatakiw yupaychañ utanak lurasipxäna, ukatsti qullu patanakan qalanakata, lawanakat diosanak sayt'ayapxäna, ukhamaraki walja laphinakani quqanakan kayunakaparusa.

1 Reyes 14:8

Nayaw Davidan saraqiripat marka apnaqäwi apaqta jumar churañataki. Ukampis jumax janiw Davidjamäktati, jupax kamachinakaxarux phuqhawayiwa, ukatsti taqi chuymampiw arkitäna, jupan luratanakapasti naya nayraqataxan chiqapänwa;

1 Reyes 15:11

Asá reyin luratanakapasti Tatitun nayraqatapan askïnwa, David, nayra awkipanjama.

1 Reyes 15:14

Ukampisa, Asá reyix janiw qullu patanakan utjir yupaychañ utanak apanukuykänti. Ukhamäkipansa, jupax taqi jakañapan Tatitur katuyasïna,

1 Reyes 15:3

Abiam reyix awkipjamarakiw pachpa juchanak luratayna, janiw Tatit Diosapatakix chiqa chuymanïkänti, kamisatix David achachilapax chiqa chuymanïkatayna ukhama.

1 Reyes 15:5

Davidax Tatitun nayraqatapan suma askin sarnaqatayna, janipuniw jakañapan Tatitun arsüwinakapat saraqkataynati. Davidan jan wali luratapax mayaw utjäna, ukasti Urías hitita chachar jiwayapxañapatak khitkatayna ukänwa.

1 Reyes 22:44

44 (45) Josafat reyisti Israelan reyipampix sumankañ arust'äwi luräna.

1 Reyes 3:14

Jumatix nayan munañax luräta, kamachinakaxsa, arunakaxsa phuqharakïta, kunjämtix David awkimax lurkäna ukhamxa, jaya maranak jakañ churäma” sasa.

1 Reyes 3:6

Salomonasti ukxaruw säna: “Tatay, juman luqtirima David awkixarux wali suma chuymampiw uñjäyätaxa, jupax juma nayraqataman chiqa aski chuymampiw sarnaqäna, taqi kunan jaysarakïyätam. Ukat jumax wali khuyapayasiñampi jupar uñjaraktaxa, mayni yuqaparusa reyi qunuñaparuw qunt'asiytaxa, kamisatix jichhürun uñjaski ukhama.

1 Reyes 8:25

Ukhamasti Israelan Tatit Diosapa, kuntix David awkixa luqtirimaru arsktas uk phuqharakimaya: ‘Wawanakamatix naya nayraqatan askin sarnaqapxani, kunjämtix jumax nayraqataxan sum sarnaqkta ukhamxa, jumat saraqir mayni wawamax Israelan reyi qunuñapar qunt'asirix nayraqataxan utjapuniniwa’ sasa.

1 Reyes 8:61

Ukhamasti, jumanakax Tatit Diosasampix chiqa chuymanïpxam, kamachinakap phuqhapxam, kamachi arunakaparus jaysapxarakim, kunjämtix jichhürun lurasipkta ukhama” sasa.

1 Reyes 9:4

Jichhasti, jumatix nayraqataxan David awkimjam sum sarnaqäta, jan kamskay chiqa chuymamampi, arsutaxarjam taqi kuns lurarakïta, ukatsti kamachinakaxarusa, arsüwinakaxarus ist'arakïta ukaxa,

2 Reyes 12:3

3 (4) Ukampis yaqha diosanakar yupaychañ utanakax janiw apaqatäkänti, jan ukasti markax uka utanakan wilañchanak luqtaskakïnwa, inciensonaksa nakhayaskakïnwa.

2 Reyes 12:4

4-5 (5-6) Mä urusti, Joasax sacerdotenakaruw säna: —Jumanakax Tatitun utapar apanipki uka taqi qullqinak apthapipxam, sapa mayni churañapäki uksa, ukhamarak sapa maynisa chuymapatjama Tatitun utapar qullqi apanki ukanaksa. Uksti qullqi imirinakar mayipxam, Tatitun utapan taqi kunanakatix askichañ wakiski ukanakataki —sasa.

2 Reyes 14:3

Amasías reyin luratanakapasti Tatit nayraqatan chiqapänwa, ukampis janiw David nayra awkipanjamäkänti. Jupax kunjämtix Joás awkipax lurkäna uka pachparak luräna,

2 Reyes 14:4

yaqha diosanakar yupaychañ utanakax janiw apaqatäkänti, jaqinakasti uka utanakan wilañchanak luqtasipkakïnwa, inciensonaksa nakhayasipkakïnwa.

2 Reyes 15:35

jupasti Tatitun utapana amsta tuqinkir punkup luräna. Ukampisa, qullu patanakan yupaychañ chiqanak janiw apaqkänti, ukansti jaqinakax wilañchanak luqtasipkakïnwa, inciensonaksa nakhayasipkakïnwa.

2 Reyes 15:4

Ukampis qullu patanakan yupaychañ chiqanakax janiw apaqatäkänti, markachirinakax uka altaranakan wilañchanak luqtasipkakïnwa, inciensonaksa nakhayasipkakïnwa.

2 Reyes 18:22

Jumanakatix sapxitasma: ‘Nanakax Tatit Diosaxaruw alkatasipxta’ sasaxa, ¿janiti Ezequías reyisti qullu patanakan yupaychañ altaranak apanukki, ukat Judá markampiru, Jerusalén markampir siskaraki Jerusalenan utjir altar nayraqatanaki Tatitur yupaychapxäta sasasti?

2 Reyes 18:4

Jupaw qullu patanakan yupaychañ chiqanak apaqäna, yupaychañ qalanaksa jisk'a jisk'a tukjäna, Astarté diosan lantinakapsa taqpach p'akiräna, ukatsti Moisesax broncet mä katari lurkatayna uksa jisk'a jisk'a tukjarakïna; uka urunakkamasti israelitanakax inciensonak uka katarir yupaychasin nakhayapxäna, Nehustán sasaw sutichapxarakïna.

2 Crónicas 15:17

Israelan qullu patanakapan utjkäna uka yupaychañ utanakax janis tukjatäkchïn ukasa, Asá reyix taqi chuymaw Tatitur arkäna,

Salmos 145:20

Tatitux jupar munirinakarux imiwa, ñanqha luririnakarusti t'unjiwa.

Salmos 31:23

23 (24) Tatitur iyawsirinaka, jupar munasipxam. Tatitux aski arkirinakaparux imiwa, jach'a jach'a tukurinakarusti lurataparjamaruw juchañchi.

Levítico 17:5

Aka kamachisti kawkïri uywanaktix Israelitanakax pampan jiwayapki ukanak Tatitur luqtapxañapatakiwa, ukatsti Tatitump Jikisiñ Carpäkis uka nayraqatar apanisin sacerdoter churapxañapawa, ukhamat sacerdoten jupanakan Tatitumpi sumankthapiñatak wilañcha luqtxañapataki.

Mateo 22:37

Jesusasti juparux sänwa: —‘Tatit Diosamaruw munäta: taqi chuymamampi, taqi ajayumampi, taqi amuyumampi.’

Juan 14:15

“Jumanakatix munapxchistaxa, kamachinakax phuqhapxam.

Juan 14:21

Khititix kamachinakax katuqki, ukatsti phuqkaraki ukax, chiqpach nayar munatap uñacht'ayi. Awkixasti khititix nayar munaskitu ukarux munasirakiniwa, nayasti juparux munasirakïwa, ukatsti uñacht'ayasirakïwa.”

Romanos 8:28

Diosan jupar munirinakatak taqi kunsa askïñapatak wakichatap yattan, amtataparjam jawsatäpki ukanakataki.

1 Corintios 8:3

Ukampis maynitix Diosar munchixa, Diosax juparux uñt'iwa.

Deuteronomio 10:12

“Jichhasti israelit jaqinaka, ¿kunarak Tatitu Diosamasti jumanakan lurapxañam munisti? Jupax jupar jach'añchañanakam muni, jupan thakhipanjam arkañanakama; ukatsti jupar munañanakama, taqi chuymamampi, taqi jakañamamp jupar yupaychañanakama,

Deuteronomio 10:13

kusisit sarnaqapxañamatakisti, kamachi arunakapa, kamachinakap phuqhañanakam muni.

Deuteronomio 11:13

“Jumanakatix jichha uruna churapksma uka kamachi arunakaru phuqhapxäta, ukatsti Tatit Diosamar munasipxäta, ukat taqi chuymampi, taqi jakañamampi yupaychapxarakïta ukkhaxa,

Deuteronomio 30:16

Jumanakatix jichhürun iwxapksma ukar jaysapxäta, Tatit Diosamarus munasipxäta, thakhipanjam arkapxäta, kamachi arunakapsa phuqhapxarakïta ukaxa, jakapxätawa, walja wawanakamaw utjapxarakïtam, Tatit Diosamasti aski waxt'äwinakap churapxätam, katuqapkäta uka uraqina.

Deuteronomio 30:20

Tatit Diosamar munasipxam, jupar ist'apxam, suma iyawsañamp arkapxarakim, ukankiw jumanakan jakañamaxa, Tatitux Abrahamaru, Isaacaru, Jacob nayra awkinakamar churañ amtkatayna uka uraqin walja maranak jakañamasa.”

Deuteronomio 30:6

Tatituw jumanakan chuymanakamampiru, saraqirinakaman chuymapampir uka suma arust'äwin chimpup uchapxätam, juparu taqi chuymamampi, taqi jakañamampi munasiñamataki, ukhamat walja maranak jakapxañamataki.

Deuteronomio 6:5

“Tatit Diosamarux taqi chuymamampi, taqi jakañamampi, taqi ch'amamampi munam.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

1 Samuel 9:12

Tawaqunakasti sapxänwa: —Jïsa, jichhakiw markar purisinki, markax qullu patan utjir qullanawjan Tatitur wilañcha luqtani.