1 Reyes 21:3 - Qullan Arunaka DC

³ Ukampis Nabot chachax Ahab reyir sänwa: —¡Diosas jan munkpati! Janiw nayax kuntix awkinakaxat katuqkta ukxa churkirismati —sasa.

Aymar Bibliia 1986

³ Ucampis Nabot chachajj Acab reyirojj sänwa: —Jan Diosajj munpati jumar churjjañajja, cuntï nayajj awquinacajjata herencia catokcta ucjja —sasa.

Qullan Arunaca

³ Ucampis Nabot chachajj Acab reyirojj sänwa: —Jan Diosajj munpati jumar churjjañajja, cuntï nayajj awquinacajjata herencia catokcta ucjja —sasa.

1 Reyes 21:3 Jak'a apnaqawi uñst'ayäwi

Génesis 44:17

Ukampis Joseax sänwa: —Janiw ukhamäkaspati. Khititix qullqi qiru apkatayna jupakiw luqtirixäni. Mayninakax jan kuna llakin awkiman utapar kuttxapxam. Janiw khitis kuns sapkätamti —sasa.

Génesis 44:7

Ukampis jupanakax ukxaruw sapxarakïna: —¿Kunatsa jumax ukham parlxayapxista? ¡Janipuniw nanakax kunäkipansa ukxa lurapkiristti!

1 Crónicas 11:19

akham sasa: “¡Diosax aka uma nayan umt'añax jan munkpati! ¡Aka jaqinakan wilapsa umt'kirista ukhamäspawa, jupanakax jan axsart'asaw uma aptirix sarapxi!” sasa. Ukatsti jupax janiw umt'añ munkänti. Uka kimsa jan axsarir chachanakaw ukham lurapxäna.

Job 27:5

Jakañaxkamax, jan juchanïtaxat arsusiskakipunïwa; ¡janiw jumanakan juchañchatanakamarux jayskäti!

Ezequiel 46:18

Marka apnaqiristi janiw khititsa uraqip aparkaspati. Kuntix wawanakapar tuti waxt'askani uksti pachpa uraqipat churasiskani; ukhamat janiw khitis jan uraqinix uñjaskaniti, janirakiw markaxas yaqha tuqinakar saratatkaniti” sasa.

Levítico 25:23

“Uraqisti janiw wiñayatak aljatäñapäkiti, uka uraqix nayankiwa; jumanakasti uka uraqinxa sart'ir jaqinakakïpxtawa.

Números 36:7

Israelan sapa maynir wakt'ki uka uraqinakax, janiw mä ayllut yaqha ayllur sarakipkaniti; taqi israelit jaqiw uraqipa pachpa ayllupan katxäsiñapa.

Números 36:9

Janiw katuqat uraqix, mä ayllut yaqha ayllurux sarakipkaniti. Israelan sapaqat ayllunakapaw wakt'ki uka uraqinak katxäsiñapa.

Romanos 3:31

Ukhamasti, ¿iyawsäwi laykut kamachir ina ch'usar tukuytansti? ¡Janiw kunäkipansa! Jan ukasti juk'amp ch'amani kamachirux tukuytan.

Romanos 3:4

¡Janiw kunäkipansa armaskaspati! Jan ukasti, Diosax chiqaparjamapuniw luri, jaqinakax k'arisisipkpansa; Qillqatasti siwa: “Arunakam laykuw chiqapat uñt'atäyäta. Taripapkätam ukkhasti atipätawa” sasa.

Romanos 3:6

¡Janiw kunäkipansa ukhamäkaspati! Diosatix jan chiqapar uñjkaspa ukkhasti, ¿kamisarak akapachar taripaspasti?

Romanos 6:15

Ukhamasti, janiw kamachirjam jakapktanti, jan ukasti Diosan khuyapayasiñapan jakapxtan sasax, ¿juch luraskakiñäniti? ¡Janiw ukhamäkaspati!

Romanos 6:2

¡Janiw ukhamäkaspati! Jiwasax juchatakix jiwatäxtanwa; ¿kamisarak juchan jakaskakiñänisti?

Romanos 7:13

Ukhamasti, ¿kunatix askïki ukat jiwañar puriyitusti? ¡Janiw ukhamäkaspati! Juchasti, chiqpach juchätap uñacht'ayañatakiw askit katxarusisin jiwañar puriyitu. Ukhamat kamachi tuqix juchan jan walïtap uñacht'ayasi.

Romanos 7:7

Ukhamïpansti ¿kamachix juchaw sañäniti? ¡Janiw ukhamäkaspati! Ukampis, kamachitix jan utjkasapän ukkhasti, janiw nayax kunäkitix juchax uk yatkiriskäyätti. Kunäkitix munapayañax uk janiw kunäkipansa yatkiriskäyätti, kamachitix jan siskasapäna: “Jan munapayamti” sasa.

1 Corintios 6:15

¿Janit yatipkta, janchinakamax Cristonkatapsti? ¿Criston janchipat apaqasin wachuq juchan sarnaqir warmirux churarakiristti? ¡Janiw ukhamäkaspati!

Gálatas 6:14

Ukampis nayax janiw kunatsa jach'achasiñ munkti, jan ukasti, Tatit Jesucristosan cruzan jiwatap iyawsataxat jach'achasiñaxax utjitu. Criston cruzap tuqiw nayatakix akapach luräwinakax jiwatäxi, nayasti akapach luräwinakatakix jiwatäxaraktwa.

Josué 22:29

Tatitutak sayt'añ amuyusa, jupat saraqañ amuyusa nanakat jayankpan, janiw Tatitu Diosasan altarapat yaqha altara lurañax wakiskiti; nakt'at waxt'äwinaka, wilañchanak luqtañataki. Tatitu Diosasan altarapax, jupampi Jikisiñ Carpa nayraqatankiwa.

Josué 24:16

Ukatsti markax sänwa: —¡Tatitux jan munkpati, yaqha diosanakar luqtañ layku jiwasan juparu apanukuñasxa!

1 Samuel 12:23

Nayasti jumanakatak Tatitur mayiñxa janipuniw armaskäti, jan maykirista ukax juchaspäwa. Ukampis jumanakarux suman jakaña, chiqapan sarnaqañ yatichapxäma.

1 Samuel 24:6

6 (7) ukat jaqinakaparux sarakïna: —¡Tatitux nayan reyixatak amparax jan aytaykitpati! ¡Tatituw jupan reyïñapatak chhijllasi! —sasa.