1 Reyes 2:9 - Qullan Arunaka DC

⁹ Jumax, nayar uka jan wal luratapat jan khuyapayasimti. Ch'ikhïtawa, jumaw jupar kun lurañsa yatïta, ukampis t'aqhisis jiwañap wakt'ayäta.”

Aymar Bibliia 1986

⁹ Jumasti janiw perdonätati. Ch'iqhïtawa, ucatsti jumaw yatïta jupampi cunjäm lurañsa. Ucampis wact'ayjjätaw jiwañapajj janc'aquïñapataqui.”

Qullan Arunaca

⁹ Jumasti janiw perdonätati. Ch'iqhïtawa, ucatsti jumaw yatïta jupampi cunjäm lurañsa. Ucampis wact'ayjjätaw jiwañapajj janc'aquïñapataqui.”

1 Reyes 2:9 Jak'a apnaqawi uñst'ayäwi

Génesis 42:38

Ukampisa Jacobux ukxaruw sarakïna: —Benjamín wawaxax janiw jumanakamp sarkaniti. José jilapax jiwxiwa, Benjamín sapakiw qhiparxaraki. Kuna jan walt'añarutix thakhin puriyapxasma ukax, jumanakaw juchanïpxäta nayan llakiskäwi jiwañaxatakixa —sasa.

Génesis 9:6

“Maynitix mä jaqir jiwayanixa, juparux yaqha jaqiw jiwayarakini, jaqin Diosar uñtasit irnuqt'atätap layku.

2 Samuel 16:5

David reyix Bahurim chiqar purkän ukapachasti, Saúl reyin wila masinakapat mayni jaqiw ukat mistunïna. Jupasti Guerá jaqin Simí sat yuqapänwa, uka jaqisti kunayman jan wali arunakampiw Davidarux arnaqäna,

2 Samuel 3:39

Ukat nayax Tatitun ajllita reyïkasinsa, Seruiá jaqin yuqanakapan jan wali luratanakap uñjasax t'ukhaw uñjasta. ¡Tatitux ukham ñanqha luririrux luratapatjam mutuypan! —sasa.

1 Reyes 2:6

Jichhasti, jumax wali amuyt'ampi luram, janiw mä suman jiwañapakxa munätati.

1 Reyes 3:12

nayax mayitamarjamaw phuqhä: Nayax yatiñ kankaña, ch'ikhi kankañ chursma, janiw khitis jumat nayrxa ukham yatiñan utjkänti, janirakiw juma qhipatsa utjkaniti.

1 Reyes 3:28

Ukatsti Israel markpachaw reyin ukham chiqapar uñjatap yatïna. Ukatsti Salomón reyirux axsartañampiw jaqinakax uñjapxäna, Diosan jupar uka yatiñ kankañ chiqapar uñjañataki churatap layku.

Job 9:28

ukapachax ukataqi t'aqhisitaxax axsarayituwa, Dios nayaraqatan jupatak juchanipunïtax yatiraktwa.

Éxodo 20:7

“Janiw Tatit Diosaman sutip inamayatak aytasïtati, jupasti inamay sutip aytasirirux mutuyaniwa.

Éxodo 22:27

27 (26) thayat jarkt'asiñatakix uka isipakiw jupan utji. Jan kutt'ayankasma ukaxa, ¿kuna isimpirak janxatasispasti? Jupax nayaruw art'asinitaspa, nayasti khuyapayasirïtax laykux ist'äwa.

Éxodo 22:28

28 (27) “Janipuniw Diosar ñanqhachätati, janirakiw markam apnaqir jilïrirus ñanqhachätati.

Números 32:23

Ukampis janitix ukham lurapkätaxa, Diosatakiw juchachasipxäta, uka jucha luratat mä uruw mutuñax jumanakatak purinini.