1 Reyes 2:4 - Qullan Arunaka DC

⁴ Tatitusti kuntix nayar arsuwaykitu uk phuqharakini: “Wawanakamatix naya nayraqataxan chiqa kankañampi, taqi chuymampi, taqi jakañapampirak sum sarnaqapxani ukkhaxa, janipuniw wila masim taypit Israel markan reyi qunuñankañax tukuskaniti” sasa.

Aymar Bibliia 1986

⁴ Uqhamaraqui Tatitojj phokhañapataqui cuna arsüwtejj nayampi lurcäna, cunapachatï wawanacajjajj sum sarnakapjjani, uqhamarac jupan nayrakatapana cheka cancañampi sarnakapjjani, take chuymampi, uqhamarac take jacañapampiraqui ucqhajja, janipuniw familiajj taypita tucuscaniti Israelan trononcañapajja.

Qullan Arunaca

⁴ Uqhamaraqui Tatitojj phokhañapataqui cuna arsüwtejj nayampi lurcäna, cunapachatï wawanacajjajj sum sarnakapjjani, uqhamarac jupan nayrakatapana cheka cancañampi sarnakapjjani, take chuymampi, uqhamarac take jacañapampiraqui ucqhajja, janipuniw familiajj taypita tucuscaniti Israelan trononcañapajja.

1 Reyes 2:4 Jak'a apnaqawi uñst'ayäwi

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 18:19

Nayaw juparux ajllirakta, wawanakaparu, ukhamarak taqi wila masinakaparu nayan yatichäwinakaxar jaysañ yatiqapxañapataki, ukhamarus kunatix chiqapäki, askïkaraki uk lurapxañapataki, ukhamat nayan taqi arsüwinakaxar phuqhañaxataki” sasa.

2 Samuel 7:25

“Ukhamasti, Dios Tatay, luqtirimataki, wawanakapatak arsutanakam wiñayatak amxäsikimaya, uka arsutam phuqhapunimaya.

1 Reyes 1:48

akham sasa: “Yupaychatäpan Israelan Tatitu Diosapaxa, jupan jichhüru reyi qunuñaxar saraqiri wawanakaxat maynir qunt'ayatapata, nayan uñjkata” —sasa.

1 Reyes 11:36

Yuqapatakisti mä aylluki jaytä, David luqtirixan qhanapax Jerusalén markan naya nayraqatan nakhaskakiñapataki, nayaw uka marka ajllista sutixan ukankañapataki.

1 Reyes 3:14

Jumatix nayan munañax luräta, kamachinakaxsa, arunakaxsa phuqharakïta, kunjämtix David awkimax lurkäna ukhamxa, jaya maranak jakañ churäma” sasa.

1 Reyes 3:3

Salomonax Tatitur munasïnwa, David awkipan utt'ayat kamachinakarjamaw phuqharakïna, jupasa qullu patanakaruw wilañchanak luqtiri, incienso nakt'ayir saräna.

1 Reyes 6:12

“Niyakixay aka uta lurañ qalltstaxa, yatiyañ munsma, jumatix kamachinakax imäta, kamachi arunakaxarus phuqhäta, iwxanakaxarjam sarnaqarakïta ukkhaxa, nayax David awkimar arskäyäta ukxa juma tuqiw phuqhä;

1 Reyes 8:23

“Israelan Tatit Diosapa, janiw alaxpachansa, aka uraqinsa jumjam yaqha Diosax utjkiti, jumax arust'äwimar phuqtawa, taqi chuymampi jumar jaysirinakarux khuyapayasiñam uñacht'ayaraktaxa;

1 Reyes 8:25

Ukhamasti Israelan Tatit Diosapa, kuntix David awkixa luqtirimaru arsktas uk phuqharakimaya: ‘Wawanakamatix naya nayraqatan askin sarnaqapxani, kunjämtix jumax nayraqataxan sum sarnaqkta ukhamxa, jumat saraqir mayni wawamax Israelan reyi qunuñapar qunt'asirix nayraqataxan utjapuniniwa’ sasa.

1 Reyes 9:5

nayax wiñayatakiw Israel marka apnaqañamatak reyi qunuñam utt'ayä, David awkimar arsutaxarjama, kunapachatix jupar siskäyäta: ‘Israel markar apnaqañ reyi qunuñamas jumat saraqir wawamatakix utjapuniniwa’ sasa.

2 Reyes 20:3

“Tatay, achikt'assmawa, nayat amtasikitaya, nayax chiqa chuymampi, kunatix jumar kusisiyktam ukhamarjamaw luqtawaysma” sasa. Ukatsti jupax walpun jachäna.

2 Reyes 23:25

Janipuniw khiti reyisa jupat nayraxa, jupat qhipatsa, Josías reyjamax utjkänti, Moisesan kamachi arunakaparjam ñanqhanakat jithiqtata, taqi chuymampi, taqi amuyumpi, taqi ch'amamp Tatitur jaysirixa.

2 Reyes 23:3

Uka qhipatsti reyix Tatitun utapan sayirinakap jak'aru sayt'asisin, Tatit nayraqatan jupar jaysañatak arsüna, kamachi arunakaparjama, iwxanakaparjam chiqa kankañamp sarnaqañataki, ukhamaraki arust'äwi lurat amtäwinakar qillqatarjam phuqhañataki. Ukxarusti taqpach markachirinakarakiw uk phuqhañataki arsupxäna.

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

2 Crónicas 17:3

Tatitux Josafat reyimpiskänwa, jupax kunjämtix qalltan David nayra awkipax lurkäna ukham luraskäna. Janiw Baal diosan lantinakaparux yupaychkänti,

2 Crónicas 6:16

Ukhamasti, Israelan Tatit Diosapay, kuntix juman luqtirima David awkixaru arskta ukampix phuqhamaya: jupat saraqir wawanakapat Israel reyin qunuñapar makhatirix khuyapayasiñam layku utjañapapuni, jupanakatix sum sarnaqapxani, kamachinakapsa phuqhapxarakini ukkhaxa” sasa.

2 Crónicas 7:18

nayax juman marka apnaqäwim sum sayt'ayä, David awkimampi suma amtäwir mantkäyät ukhamarjama, juparusti arsuyätwa jupat saraqir wawanakapax Israel markar apnaqirix utjapuniniwa sasa.

Salmos 119:9

¿Kunjämatarak mä waynasti q'uma jakañanïspasti? Arunakamarjam sarnaqasaki.

Salmos 37:22

Tatitun qullanaptayat jaqinakax suma uraqi katuqasipxani, jupan ñanqhachatanakasti jaqunukutäpxaniwa.

Salmos 37:9

Ñanqha luririnakax markat jaqunukutäpxaniwa, Tatitur katuyasirinakasti suma uraqi katuqapxani.

Salmos 39:1

1 (2) Nayax sum sarnaqañatakiw arsta, arsutaxampis juch jan lurañataki, uñisirixan nayraqatapansa lakaxsa llupt'asiñataki.

Jeremías 33:17

Naya, Tatitusti, saraktwa: Davidan wawanakapatxa utjapuniniwa Israel markan mayni reyipaxa,

Levítico 26:3

“Jumanakatix nayan kamachinakaxarjam sarnaqapxäta, arunakaxsa phuqhapxarakïta ukasti,

Zacarías 14:2

Uka uruw Tatitux taqi markanakar tantachthapini, Jerusalenampi nuwasipxañapataki. Markaru katuntasasti, utanakapat yänakap lunthatsupxani, warminakaparus warmisipxaniwa, chikatpach jaqinakaparux katuntat apapxarakini. Jilt'irinakakiw ukan qhiparani.

Mateo 22:37

Jesusasti juparux sänwa: —‘Tatit Diosamaruw munäta: taqi chuymamampi, taqi ajayumampi, taqi amuyumampi.’

Lucas 1:6

Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna.

Deuteronomio 10:12

“Jichhasti israelit jaqinaka, ¿kunarak Tatitu Diosamasti jumanakan lurapxañam munisti? Jupax jupar jach'añchañanakam muni, jupan thakhipanjam arkañanakama; ukatsti jupar munañanakama, taqi chuymamampi, taqi jakañamamp jupar yupaychañanakama,

Deuteronomio 11:13

“Jumanakatix jichha uruna churapksma uka kamachi arunakaru phuqhapxäta, ukatsti Tatit Diosamar munasipxäta, ukat taqi chuymampi, taqi jakañamampi yupaychapxarakïta ukkhaxa,

Deuteronomio 6:5

“Tatit Diosamarux taqi chuymamampi, taqi jakañamampi, taqi ch'amamampi munam.

Deuteronomio 7:12

“Jumanakatix uka arsutanak ist'asin phuqhapxäta, uka kamachinakarjam sarnaqapxarakïta ukkhaxa, Tatit Diosax munasiñampiw phuqhani nayra awkinakamamp lurat suma arust'äwipampi, arsutapampi.

Judas 1:24

Mä sapa Tatitu, jiwasan Qhispiyirisax, jumanakar imañatak ch'amaniwa, ukhamat jan tinkupxañamataki, ukatsti jan juchani, kusisiñan phuqt'ata, jupan nayraqatapan k'ajkir uñstapxañamatakis ch'amanirakiwa. Juparuy churatäpan yupaychañasa, jach'a kankañasa, ch'amasa, jilïr kankañasa, Jesucristo Tatitus layku, nayra pachasa, jichhasa, wiñayan wiñayapataki. Ukhamäpan.