1 Reyes 19:3 - Qullan Arunaka DC

³ Uk yatisasti, Eliasax jan walt'añankatap amuyasïna, jakañap qhispiyasiñatakisti Judá uraqinkir Beerseba chiqaruw jaltxäna, uywataparusti pachparuw jaytawayxäna.

Aymar Bibliia 1986

³ Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

Qullan Arunaca

³ Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

1 Reyes 19:3 Jak'a apnaqawi uñst'ayäwi

Génesis 21:14

Qhipärmanthi willjtasti, Abrahamax Agar warmirux t'ant'ampi, mä uman lip'ichi wayaqampi churäna, ukanak q'ipxaruyasasti, Ismael wawapar irpxaruyasaw khithanukxäna. Agarasti sarawayxänwa, Beerseba wasara tuqinarak khuy aka sarnaqäna.

Génesis 21:31

Ukat uka chiqax Beerseba sutimpi uchata, uka chiqan panpachani juramento lurapxatapata.

1 Reyes 4:25

25 (5) Salomón reyin jakañapkamax Judá markankir jaqinakampi, Israel markankir jaqinakampix sumakiw jakasipxäna, Dan uraqit qalltasina Beerseba uraqkama. Jupanakax uva yapunaka, higo yapunak yapuchasipxäna.

Éxodo 2:15

Chiqpachansa, faraonax Moisesan mayni egipcior jiwayatap yatisinxa, jiwayañatakiw thaqhayäna. Ukampis Moisesax jaltxänwa, Madián chiqaruw sarxäna. Uka chiqar purisasti, mä uma phuch'u jak'aruw samart'ir qunt'asïna.

Jeremías 20:9

Nayatix siristxa: “Janiw juk'ampi Tatitut amtkxäti, janirakiw jupan sutipatsa parlkxäti” sasa, ukapachasti arunakamax chuymaxan ninjamaw nakhantitu, ch'akhanakaxamppach nakhantitu. Janiw arunakam parlkxäti sistwa, ukampis janiw amukt'añjamäkiti.

Mateo 26:56

Ukampis taqi akanakax profetanakan arsutanakap phuqhasiñapatakiw lurasi —sasa. Ukapachaw yatiqirinakax Jesusar sapak jaytawayasin jaltxapxäna.

2 Corintios 12:7

ukhamarak jan khitinsa uka muspharkañ qhanañchäwinakat nayar taripaskañapataki. Ukat nayan jan jach'achasiñaxatakix mä t'aqhisiñ katuqta, janchir mä ch'aphimpi jununtatäkaspas ukhama, ukasti Supayan mä khithapjamaw nayar t'aqhisiyitu.

1 Samuel 27:1

Ukampis Davidax lup'iskakïnwa: “Jichhasa, jan ukax akat qhiparus Saúl reyix jiwayakipunitaniwa. Nayatakisti filisteonakan uraqipar jaltxañaxakiw walïspa, ukhamat Saúl reyix Israel uraqin jan arkanaqkitaniti, ukatsti walikiw jakasïxa” sasa.

1 Samuel 8:2

Jilïri yuqapasti Joel satänwa, sullkïristi Abías sataraki, jupanakasti Beerseba markan apnaqapxäna.