1 Reyes 13:2 - Qullan Arunaka DC

² Uka profetasti Tatitun munañapat altaratak jach'at parläna, akham sasa: “Altar, altar: Tatitux siwa: ‘Davidan saraqiripat mä wawaw yurini, jupasti Josías satäniwa, jach'äxani ukkhasti, juma patxan incienso nakhayir sacerdotenakaruw jiwayani, idolonakan yupaychañ utanakapan jumxar incienso nakhayiri jaqinakaru; juma patxan jaqinakan ch'akhanakapaw nakhani’ ” sasa.

Aymar Bibliia 1986

² Ucatjja Tatitun munañapatwa jach'a arumpi altar toke parläna, aqham sasa: “Altar, altar: Tatitojj aqham siwa: “Davidan familiapatwa mä wawajj yurini, ucasti Josías satäniwa, ucatsti juma patjjanjja yakha diosanacan santuario utanacapan sacerdotenacaparuwa sacrificiota loktani, qhitinacatejj jumjjaru incienso nact'ayapqui ucanacaru; ucatsti juma patjjarojja jakenacan ch'aqhanacapwa naqhantayapjjani” sasa.

Qullan Arunaca

² Ucatjja Tatitun munañapatwa jach'a arumpi altar toke parläna, aqham sasa: “Altar, altar: Tatitojj aqham siwa: ‘Davidan familiapatwa mä wawajj yurini, ucasti Josías satäniwa, ucatsti juma patjjanjja yakha diosanacan santuario utanacapan sacerdotenacaparuwa sacrificiota loktani, qhitinacatejj jumjjaru incienso nact'ayapqui ucanacaru; ucatsti juma patjjarojja jakenacan ch'aqhanacapwa naqhantayapjjani’ ” sasa.

1 Reyes 13:2 Jak'a apnaqawi uñst'ayäwi

1 Reyes 13:32

chiqpachansa, kuntix jupax Tatitur jaysasin Betel chiqankir altaratak qhanañchawayki ukax phuqhasiniwa, ukhamaraki Samarian taqi markanakapana utjir yupaychañ utanakapatak qhanañchatanakapasa —sasa.

2 Crónicas 34:1

Josías reyix kimsaqallqu maranïkän ukkhaw Judá marka apnaqañ qalltäna, jupasti Jerusalenan kimsa tunka mayan maraw marka apnaqäna.

2 Crónicas 34:3

Kimsaqallq mara marka apnaqkän ukkhasti, waynäkasawa Josías reyix David nayra awkipan Diosaparu thaqtañ qalltäna. Tunka payan mara marka apnaqkän ukkhasti, jupax Judá, Jerusalén markanakaruw q'umachäna, qullu amstan utjir yaqha diosanakar yupaychañ utanakap apaqayasa, ukhamarak Astarté diosan uñtasitanakapa, idolonakapa, ninamp umatatayas lurat diosanakap apaqayasa,

Isaías 1:2

Alaxpachampi, akapachampi, ist'apxam kuntix Tatitux siski uka: “Wawanak jilarañapkamaw uywasta, ukampis jupanakax nayatakikiw sayt'asxapxi.

Isaías 42:9

Kuntix nayratpach yatiykta ukax phuqhasiwayxiwa, jichhasti machaq yatiyäwinak yatiyapxäma, ukanakas akat qhiparux phuqhasirakiniwa.”

Isaías 46:10

Nayaw taqi kunan tukusiñapsa, qalltatpach yatiyta; nayratpach kunatix qhipat luraskani ukanaksa yatiyta. Nayasti sistwa: Amtatanakaxax phuqhasipuniniwa; taqi kuntix amtkta ukanak lurapunïwa.

Isaías 58:1

Tatitux situwa: “Jan axsarasa, wali jach'at art'am, kunkamax mä trompetäkaspas ukham art'asim; Israel markaxarusti jan wali luratanakapat juchañcham.

Jeremías 1:2

Kunapachatix Amón jaqin yuqapa, Josías sat reyix tunka kimsan mara Judá uraqi apnaqkäna, ukapachaw Tatitu Diosax aka yatiyäwi churitu.

Jeremías 22:29

Uraqi, uraqi, uraqi: Tatitun arunakap ist'am.

Ezequiel 36:1

“Jumasti Ezequiel, nayan sutixar Israel markar parlam, arunakaxsti sum ist'apxpan.

Ezequiel 36:4

Ukhamasti, Israelankir jaqinaka, kuna arunaktix Tatitux jach'a qullunakaru, jisk'a qullunakaru, jawiranakaru, qhirwanakaru yatiyki ukanak ist'apxam; Israel uraqin ch'usa wasara tukuyata markanakaru, uka jak'ankir yaqha markanakampi lunthatjatäki, jisk'achañampi uñjatäpki uka markanakax ist'apxpan.

Ezequiel 38:4

Jichhax jumar kuttayanïmawa, lakamarusti ganchonakampiw uskuntäma, jumarusa, caballonakar kachxatat suma isthapt'at soldadonakamarusa, espadanakampi, kunayman jark'aqasiñanakampi wakicht'ata uka jach'a ejercitorus apsunirakïwa.

Lucas 19:40

Jesusasti jupanakarux sarakïnwa: —Nayax sapxsmawa, jupanakatix amukt'apxanixa, qalanakaw art'apxani —sasa.

Deuteronomio 32:1

“Alaxpacha, ist'am, nayaw parlä; uraqi, arunakax ist'am.