1 Reyes 11:2 - Qullan Arunaka DC

² Diosasti israelitanakarux uka markanakankir warminakat sataynawa: “Janiw jupanakamp jaqichasipxätati, jupanakas janirakiw jumanakampi jaqichasiñapäkiti, chuymanakam yaqha diosanakar arkañatak jan saranukuyaskañapataki” sasa. Ukampis Salomonax uka warminakar munasin, jupanakampi mayachasïna.

Aymar Bibliia 1986

² cawquïr marcanacanquir warminacampitejj Diosajj jan muncänjja, israelitanacana casarasipjjañanacapa, jupanacan chuymanacapasti jan yakha diosar apatäpjjañapataqui. Ucampis Salomonajj uca warminacaru munasinwa jupanacampi mayachasïna.

Qullan Arunaca

² cawquïr marcanacanquir warminacampitejj Diosajj jan muncänjja, israelitanacana casarasipjjañanacapa, jupanacan chuymanacapasti jan yakha diosar apatäpjjañapataqui. Ucampis Salomonajj uca warminacaru munasinwa jupanacampi mayachasïna.

1 Reyes 11:2 Jak'a apnaqawi uñst'ayäwi

Génesis 2:24

Ukatpï chachax awkipsa, taykapsa jaytxanixa, warmipampi mayachasxañataki, panpachanisti mä sapa janchïpkaspas ukhamäniwa.

Génesis 34:3

Ukampisa Siquem jaqix sintpun Dinarux munatayna, ukatsti kunayman tuqit munayasiñ munäna.

1 Reyes 11:9

Israelan Tatit Diosapasti Salomonatakix q'apisïnwa, jupa Diosar munañ chuymapax jan utjxatapata, pä kuti jupar uñstkatayna ukasa,

2 Crónicas 19:2

Ukampis Hananí chachan Jehú profeta yuqapaw jupar jikxatasin jiskt'äna: “¿Kunatarak jumasti, jan wali jaqir yanaptasti, ukatsti Tatitur uñisipki ukanakampi sumankaraktasti? Tatitux jumatak wali q'apisitawa.

2 Crónicas 21:6

Ukampis jupax kunjämtix Israelan reyinakapasa, Ahab chachat saraqir wawanakapas sarnaqapkän ukanakan thakhipa arkäna, warmipax Ahab chachat saraqirïnwa; ukhamïpansti jupan luräwinakapax Tatit nayraqatan janiw askïkänti.

Esdras 9:12

Sapxarakistawa, phuchhanakaxax uka jaqinakan yuqanakapamp jan jaqichasipxañapataki, janirak jupanakan phuchhanakapas yuqanakaxamp jaqichasipxañapataki. Janipun kunapachas uka jaqinakan samarañanakapsa, sumankañapsa munañanakaxa, ukhamata nanakax ch'aman sarantañataki, aka uraqin utjir suma achunakapat manq'asiñataki, kusisit jakañatakiraki, ukatsti wawanakaxampiru, allchhinakaxampir tutipäkaspas ukham wiñayatak jaytañataki.

Salmos 139:21

Tatay, jumar uñisirirux uñisiraktwa; jumar qallasirirusti jisk'acharaktwa.

Éxodo 23:31

Uraqiman qurpanakapax akhamäniwa: Mar Rojo qutata, Mar Mediterráneo jach'a qutkama, ukatsti wasarata Éufrates sat jawirkama. Nayaw uka uraqinakan jakir jaqinakarux amparamar katuyäma, jumasti nayraqatamat jupanakar alisnuküta.

Éxodo 34:12

“Mantapkäta uka uraqin jakirinakampix janiw jumanakax kuna arust'äwsa lurapxätati, jupanakax jan walt'añaruw puriyapxiristam.

Éxodo 34:16

jan ukax, phuchhanakap jumanakan yuqanakamampiw jaqichapxaspa, ukatsti juchanak lurasa diosanakapar yupaychapxaspa ukapachasti, diosanakaparuw yuqanakamax yupaychapxarakispa.

Malaquías 2:11

Judá markax Tatitumpi arust'äwir mantatapxa janiw phuqkiti, Jerusalén markansa, Israel uraqinsa wali axtaskay juchanak lurapxi. Judá markasti jan wali sarnaqañanakampiw Tatitun munat qullan utap q'añuchi, Judá markankir jaqinakax k'ari diosanakar yupaychir warminakampiw jaqichasipxi.

Romanos 1:32

Kuntix Diosax arsuwayki uk sum yatipxi, khitinakatix ukham lurapki ukanakan jiwayatäñapsa yatipxarakiwa, uk yatkasas lurasipkakiwa, mayninakan ukham luripansa kusisipxiwa.

Romanos 12:9

Maynit maynikamax chiqpach chuymampi munasipxam, ñanqha lurañ apanukupxam, ukatsti aski lurañar katuyasipxam.

1 Corintios 15:33

Jan sallqjayasipxamti. Kunjämtix säwix siski: “Jan wali jaqinakampi sarnaqañax, aski saräwinak chaqtayi” sasa.

Apocalipsis 2:4

Ukampis jumatak arsuñaxaw utjitu: qalltan utjkäyätamsa uka munasiñamax janiw utjkxtamti.