1 Reyes 1:9 - Qullan Arunaka DC

⁹ Mä urusti, Adoniasax mä jach'a manq'äwi wakichäna Zohélet sat qarqa jak'aru, ukasti Roguel sat uma jalsu jak'ankiwa. Uka manq'äwitakisti ovejanaka, urqu vacanaka, lik'i vaca qallunak kharirayäna, ukatsti taqi jilanakaparu, reyin wawanakaparu, Judá uraqinkir reyin taqi luqtirinakaparuw jawsayäna;

Aymar Bibliia 1986

⁹ Qhä tiemponjja Adonías chachajj mä jach'a mank'äwi waquichäna Zohelet sat uca karka jac'aru, ucasti Rogel sat uma jalsu jac'ancänwa. Ucatsti ovejanaca, orko vacanaca, uqhamarac wali liq'i vaca kallunaca qharirasinjja, jawsayänwa take jilanacaparu, reyin wawanacaparu, uqhamarac jawsayaraquïnwa Judá orakenquir reyin take sirvirinacaparusa;

Qullan Arunaca

⁹ Qhä tiemponjja Adonías chachajj mä jach'a mank'äwi waquichäna Zohelet sat uca karka jac'aru, ucasti Rogel sat uma jalsu jac'ancänwa. Ucatsti ovejanaca, orko vacanaca, uqhamarac wali liq'i vaca kallunaca qharirasinjja, jawsayänwa take jilanacaparu, reyin wawanacaparu, uqhamarac jawsayaraquïnwa Judá orakenquir reyin take sirvirinacaparusa;

1 Reyes 1:9 Jak'a apnaqawi uñst'ayäwi

2 Samuel 17:17

Ukchañkamasti, Jonatán, Ahimaas sacerdotenakax Roguel uma jalsu chiqan suyasipkäna, jupanakax janiw khitimpis markar mantir uñjayasiñ munapkänti, mä uywat tawaquw jupanakar yatiyir saratayna, ukatsti jupanakax jank'akiw David reyir yatiyir mistupxarakïna.

1 Reyes 1:19

Jupasti urqu vacanaka, vaca qallunaka, walja ovejanak kharirayi, ukatsti juma, reyin yuqanakamaruw jawsayi; Abiatar sacerdoterus jawsayarakiwa, ejerciton Joab jilïriparusa, ukampis janiw juma reyin Salomón luqtirimarux jawsaykiti.

1 Reyes 1:25

Jupax jichhürux uruyasiskiwa, urqu vacanaka, vaca qallunaka, walja ovejanak kharirayi. Juma, reyin yuqanakamaruw jawsayi, ejerciton Joab jilïripampiru, Abiatar sacerdotempiruw jawsayaraki. Ukan jupampi manq'asipki, umasipki, akham arnaqasipxaraki: “¡Adonías reyix jach'achatäpan!” sasa.

Proverbios 15:8

Tatitux ñanqha jaqinakan luqtatanakapxa janiw uñjañ munkiti, aski jaqinakan mayisitanakapsti kusisiñampiw katuqi.

Mateo 22:4

Yaqha uywatanakaparuw wasitat khithäna akham iwxt'asa: ‘Jawsayatanakar sapxam, manq'ax wakicht'atäxiwa. Suma vacanaka, lik'i uywanakas khariratäxiwa, taqi kunaw wakichatäxi; manq'äwir jutapxpan’ sasa.

Josué 15:7

ukatsti Acor qhirwat makhatanïna Debir chiqakama, Guilgal tuqi muytanisina, Adumim amsta uñkatasina, qhirwa aynach tuqina; ukatsti qurpax En-semes uma jalsu chiqaw saräna, En-roguel chiqakama;

Josué 18:16

ukatsti qullu aynachkamaw saraqäna, Refaim qhirwat amsta tuqiru, kawkintix Ben-hinom qhirwax qalltki ukkhana. Ukatsti uka qhirwanjam saraqaskakïna, Jebús chiqat aynach tuqina, En-roguel sat uma jalsukama.