1 Pedro 5:8 - Qullan Arunaka DC

⁸ Wal amuyt'asipxam, jank'akïpxarakim, jumanakar uñisir supayasti mä leonar uñtataw warart'asis khitir manq'antañatak thaqhaski.

Aymar Bibliia 1986

⁸ Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

Qullan Arunaca

⁸ Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

1 Pedro 5:8 Jak'a apnaqawi uñst'ayäwi

Ester (hebreo) 7:6

Ester reinasti ukxaruw säna: —¡Nanakar uñisirixa, aka qhuru Amán chachawa! —sasa. Uk ist'asinsti, Amán chachax axsarañat reyina, reinan nayraqatapan walpun mulljasïna.

Job 2:2

Tatitusti juchañchir angelaruw jiskt'äna: —¿Kawkitsa jumax jutaskta? —sasa. Juchañchir angelasti sänwa: —Nayax uraqi maysat maysa muytanïwit jutaskta —sasa.

Salmos 104:21

Leonanakax manq'atjam wararipxi, Diosat manq'a mayisipxi.

Salmos 109:6

Ñanqha lurir jaqiruy taripiripatak ucham, pachpa arxatiripax juchañchpan;

Proverbios 19:12

Reyin q'apisitapax leonan wararitapjamawa; khuyapayasiñapasti, alinakar purxatir sulljamawa.

Proverbios 20:2

Reyin q'apisitapax wararir leonar uñtatawa; jupar q'apisiyirix, jakañap jan walt'añaruw puriyaski.

Proverbios 28:15

Jan wal apnaqir mä qhuru jilïrix, wararir leonar uñtatawa, pist'añan sarnaqir markar t'aqhisiyas apnaqi.

Isaías 50:8

Jak'axankaskiw nayan arxatirixaxa. ¿Khiticha naya tuqi kun saña muni? ¡Jinay taqini sarapxañäni taripirin nayraqataparu! ¿Khiticha kun naya tuqi juchañchasa arsuñ muni? ¡Jutpan ukatsti sarakitpan!

Jeremías 2:15

¿Kunatarak leonanakjama jach'at warart'asis nuwantapxisti? Uraqipxa q'ala tukjat antutawayapxi, markanakapasti ninampi nakhantayata, janirakiw khitis ukanakan qhiparkxiti.

Jeremías 51:38

Taqi jupanakasti leonanakjamaw wararipxani, león qallunakjamaw uxupxarakini.

Ezequiel 19:7

Reyinakan utanakapsti q'alpun t'unthapïna, markanaksa q'al t'unjarakïna; wararitapampisti taqi akapacharuw khathatiyäna.

Ezequiel 22:25

marka apnaqirinakamasa leonanakjamaw jaqinakarux manq'antapxi; pachpa uraqipan katutanakaparus warart'asisa wikhanuqapxi, taqi imasitanakapsa, qamir yänakapsa q'al lunthatjapxi, walja warminakaruw ijma uñjasiyapxaraki.

Daniel (hebreo) 6:24

24 (25) Uka qhipatsti, kawkïr jaqinakatix Daniel tuqi jan wali amtapkatayna ukanakaruw reyix irptayanïna, uka jaqinakasti warminakapamppacha, wawanakapamppachaw leonanakan putupar jaquntat uñjasipxäna; janïraw sumsa putu manqhar puripkänti ukkhaw leonanakax jupanakar manq'antäna.

Oseas 11:10

Jupanakasti Tatituruw arkapxani, jupasti mä leonjamaw wararini. Wararitapatsti, jupankirinakax khathatt'asisaw inti jalanta tuqit jutxapxani.

Oseas 13:8

Qallunakap chhaqhayasir jukumarir uñtataw jupanakarux jikxatä, ukatsti chuymapsa jisk'a jisk'a tukjä. Mä leonar uñtataw jupanakarux pachpan manq'antä; ch'uminkir laq'ur uñtataw jupanakarux tukjarakï.

Joel 3:16

16 (16) Uka urun Tatitux Sión qulluta, Jerusalenatpach art'atap ist'asiyani, ukkhasti, alaxpachas, akapachas khathatiniwa. Ukampis israelitanakarux Tatitun markapätapatxa, arxataniwa.

Amós 1:2

Amós profetax sänwa: Tatitux Jerusalén markana, Sión qullutpacha wali jach'a arumpi art'ki ukapachaxa, uywa manq'añ chhuxllanakas q'alaw pharsxi, Carmelo sat qullus wañsxarakiwa.

Amós 3:4

kunsa katjki ukkhaw leonax ch'umin jach'at warari; manq'añax utjki ukkhaw león qallunakax putupan uxupxi;

Amós 3:8

¿Khitirak jan sustjaskaspa leonan wararitap ist'asasti? Tatitutix parlam saspaxa, ¿khitirak jutir urunakat jan yatiykaspasti?

Zacarías 11:3

Awatirinakax jach'at wararipxi ukkha suma ch'uxña chhuxllanakan q'ala tukjatätapata. Leonanakan wararitapas ist'asiwa, Jordán jawir thiyan suma ch'uxña pampanakan tukjat uñjasitapata.

Zacarías 3:1

Ukxarusti Tatitux mä unañchäwin Josué jilïr sacerdoteruw uñacht'ayitu, jupasti Tatitun angelap nayraqatan sayt'atäskänwa. Josué sacerdoten kupïxapansti supayaw sayt'atäskäna jupar juchañchañataki.

Mateo 13:39

jan wali jathampi phawantirix pachpa supayawa. Yawthapiñ pachasti akapach tukuskan uka uruwa, yapu apthapiristi angelanakawa.

Mateo 24:42

“Jumanakax suyapxapunim, kunürutix Tatitux jutkan uk janiw yatipktati.

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Mateo 4:1

Ukatsti Jesusax Ajayumpi wasarar irpataw uñjasïna, ukan supayan yant'atäñapataki.

Mateo 4:11

Ukat supayax sarawayxäna, Jesusarusti angelanakaw luqtir jutapxäna.

Marcos 4:15

Yaqhip jaqinakax thakhir purkis uka jathanakar uñtatawa. Diosan arunakap ist'apkis ukspachaw supayax jutasin chuymanakapat uka arunak q'al lunthatsuwayi.

Lucas 21:34

“Amuyasipxam, chuymanakam janiy qalarayasipxamti; jan wali lurañanakampi, machañanakampi, aka uraqin llakisiñanakampi, ukatarak taqi ukanakax akatjamat sipitar uñtat khä urux katuntasipkiristam, uka urusti akapachan jakir taqi jaqinakxaruw jutani.

Lucas 21:36

Jumanakax wakicht'atäpxam, Diosat mayisipxapunim, ukhamat taqi ukanak luraskani ukat jaltapxañamataki, ukatsti Jaqin Yuqap nayraqatan uñstapxañamataki.

Lucas 22:31

Jesusax sarakïnwa: —Simón, Simón, sum ist'am, supayax jumanakar trigorjam jawq'suñatakiw mayi;

Juan 8:44

Jumanakan awkimax supayawa, jumanakax jupankapxtawa, ukat kuntix supayax munki uk lurapxaraktaxa. Supayax qalltatpach jaqi jiwayiriwa. Janiw jupax kunapachas chiq arskiti, jupan k'arïtap layku. Kunapachatix k'arinak arski ukkhax jupa pachpat parlaski; k'arïtap layku, k'arin awkipätap laykuraki.

2 Corintios 2:11

Ukhamat Supayax jiwasar jan atipjkistaniti, ñanqha amtanakap sum yattanxa.

Efesios 4:27

Janiy supayampi jak'ayasipxamti.

Efesios 6:11

Diosax churapktam uka nuwasiñ yänakampi jark'aqasipxam, ukhamat sallqantir supayarux saykatañäni.

1 Timoteo 2:15

Ukampis warmix wawanïsina, lurañanakapa phuqhasin qhispiyasini, jupatix iyawsañampi, munasiñampi, q'uma kankañampi suma amuyt'ampirak sarnaqani uka.

1 Timoteo 2:9

Warminakasti kunatix isisiñäki ukhamak isisipxpan, janiy ñik'utanakapsa jiljañamp k'anasipxpati, janirak qurimpisa, llijkir qalanakampisa, jila alan isinakampis k'achachasipxpati.

1 Timoteo 3:11

Warminakasti uka kipkarakiw sum sarnaqañapa, janiw aru apnaqirïñapäkiti, taqi kunan askïñapawa, arsutap phuqhirïñapawa.

1 Timoteo 3:2

Uka irpiristi, jan khitinsa kamskay jaqïñapawa, mä sapa warmini, q'uma chuymani, amuyt'ir chuymani, yäqasir chuymani, qurpacht'ir chuymani, yatichañatakis suma wakicht'atäñapawa,

2 Timoteo 4:17

Ukampis Tatituw yanapt'itu, ch'am churarakitu, qhispiyasiñ arunak parlañaxataki, khitinakatix Tatitur jan uñt'apki uka jaqinakan ist'apxañapataki. Tatitux jiwañat qhispiyitu, leonan lakapatsa qhispiykitaspa ukhama.

Tito 1:8

Jan ukasti, utapar sart'irir katuqañatakix jank'akïñapawa, taqirus khuyapt'ayirïñapawa, suma amuyun jaqi, chiqapa, Tatitur katuyat aski jaqi, suma yatichatarakïñapawa.

Tito 2:12

Uka khuyapayasiñapaw juchampi, akapachar munañampi apanukuñ yatichistu, ukat aka uraqinxa mä suma amuyumpi, chiqapa, Tatit chuymaraki sarnaqañasa,

Tito 2:2

Chuyman jilïrinakasti jan kamskayäpxpan, axsart'añani, suma amuyuni, suma iyawsañani, munasiñani, yant'anakar saykatañatakis ch'amañcht'ata.

Tito 2:4

ukhamat tawaq warminakarus chachapar munañ yatichañataki, wawanakapar munañ yatichañatakiraki,

Tito 2:6

Waynanakarus suma amuyunïpxañapatak iwxt'am.

Santiago 4:7

Ukhamasti Diosaruy jaysapxam. Supayampisti q'iwtasipxam, jupasti jumanakat jaltxaniwa.

1 Pedro 1:13

Ukatpï jilatanaka, kuntix lurapkäta ukanakat wal amuyt'asipxam, mä suma jakañan sarnaqapxarakim. Taqi chuyma suyt'apxam, kuntix Diosax khuyapayasiñapan jumanakar churapkätam Jesucristox jutkani ukkhaxa.

1 Pedro 4:7

Taqi kunan tukusiñapax jak'ankxiwa, ukatpï jumanakax wali amuyt'amp sarnaqapxañamaxa, Tatiturus mayisipxañamaxa.

Apocalipsis 12:10

Ukatsti mä jach'a aru alaxpachan ist'ta, uka arusti sänwa: “Tatitusan qhispiyasiñapampi, munañanïñ kankañapampi, marka apnaqañapampix purinxiwa; Jesucriston munañanïñ kankañapax purinxiwa. Jilanakasar k'arintas juchañchirix jaqunukutäxiwa, uruy aruma, jilanakasar Dios nayraqatan juchañchirix jaqunukutäxiwa.

Apocalipsis 12:12

Ukalayku, ¡kusisipxam, alaxpachanaka, ukan utjirinakas kusisipxam! Ukampis, ¡kunakïkan uraqimpina qutampin jakirinakatakixa! Supayasti urunakapan juk'akïxatap yatisinxa jumanakampi katuntasiriw wali q'apisit saraqani” sasa.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 20:10

Sallqjir supayasti nina azufre qutar jaquntataw uñjasini, kawkirutix k'ari profetampi uka jach'a axsarkañ animalampix jaquntat uñjasipkarakïn ukaru. Ukan uruy aruma taqpachan t'aqhisipxani, wiñayan wiñayapataki.

Apocalipsis 20:2

Uka angelasti dragonaruw katuntäna, nayrapachan utjir katariru, ukasti Supayawa. Katuntasinsti waranqa maratakiw ñach'antäna.

Jueces 14:5

Ukhamasti, Sansonax awkipampi, taykapampiw Timná markar saräna. Kunapachatix Sansonax markan uva yapunakapar purkän ukkhaxa, mä leonaw warart'asis jupar jalxatäna.