1 Pedro 5:10 - Qullan Arunaka DC

¹⁰ Ukampis uka mä juk'a urunakan t'aqhisipxatamatsti, Diosax jumanakarux chiqap tukuyapxätam, ch'amani jan unxtkay sayt'ayapxarakïtam. Uka Dios pachpaw jach'a munasiñapan jawsistu, Jesucristomp wiñayatak chikäñasataki.

Aymar Bibliia 1986

¹⁰ Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

Qullan Arunaca

¹⁰ Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

1 Pedro 5:10 Jak'a apnaqawi uñst'ayäwi

Salmos 119:28

Jach'a jachañan uñjasta; ¡arsutanakamampiy chuymacht'ita!

Salmos 138:7

Chijinakar purkta ukapachaxa, jumaw jakañaxar imtaxa; ch'amamampiw timanakaxan amparapat qhispiyistaxa.

Salmos 86:15

Jumasti, Tatay, khuyapayasir Diosätawa, llamp'u chuymani, munasiñani, aski Diosätawa.

Salmos 86:5

Tatay, jumax munasiñanïtawa, juch pampachirirakïtawa; jumar art'asirinakatakix munasirïtawa.

Zacarías 10:12

Nayaw markaxarux ch'am churä, jan axsarasaw sutixar sarantapxarakini. Naya, Tatituw uk arsta.”

Zacarías 10:6

Tatitux siwa: “Nayätwa Israelan Tatitupaxa, markaxan mayisitanakap ist'araktwa. Nayaw Judá wila masit saraqirinakarux ch'am churä, José wila masit saraqirinakarusti nayaw qhispiyarakï. Wasitat uraqiparux irpxä, jupanakat khuyapayasitax layku. Janis jupanakar apanukkiriskäyäta ukham jichhax amuyasxapxani, jupanakar khuyapayasiñax uñacht'ayä.

Lucas 22:32

ukampis nayaw jumatakix mayta iyawsañaman jan pist'añapataki. Jumasti, kunapachatix nayan ukar kuttanxät ukkhaxa, jilanakaman jan mayjt'asiñapatak jupanakar ch'amañcht'am —sasa.

Romanos 15:13

Uka suyt'añ churir Diosasti, jupar iyawsapxatam laykux kusisiñampi, sumankañampi jumanakarux phuqhantpan, Qullan Ajayun ch'amapampisti jilarkir suyt'añ jumanakar churpan.

Romanos 15:5

Diosakiw ch'amampi, chuymachasiñamp churirixa, jupay jumanakarux maynit maynikam suman jakasiñatak yanappan, Jesucriston sarnaqäwiparjama,

Romanos 16:25

Diosaruy yupaychapxañäni, jupaw jumanakarux ch'aman tukuyapxiristam, nayax jumanakar Diosan suma yatiyäwi arunak yatiykta ukarjama, Jesucristo tuqit yatichäwiparjama. Akasti Diosax imantat amtäwinakap uñstaykän ukarjamawa, ukasti akapachax janïr utjkän ukkhatpach imantatäskänwa,

Romanos 9:11

jupanak janïr yurkipana, walsa jan walsa janïr lurapkipan Diosax Rebecar akham säna: “Jilïr wawamax sullka wawaman luqtiripäniwa” sasa. Akasti kunatix qillqatan siski ukhamarjamaw phuqhasïna: “Jacoburux munasïyätwa, Esaurusti uñisïyätwa” sasa. Ukhamat Diosan munañaparjam ajllisiñax phuqhasïna, jupan amtäwiparjama, khitinakarutix jawsañ munki ukanakan luratanakap jan yäqasa.

Romanos 9:24

Ukhamasti Diosaw jiwasanakar jawsistu, mayninakarux judiöpki ukanak taypita, mayninakarusti jan judiöpki ukanak taypitaraki.

1 Corintios 1:10

Jilatanaka, Jesucristo Tatitusan sutipxaruw achikt'apxsma, taqinis mä amtañanikïpxam, jumanak taypin yaqhachasiñanakax jan utjkpati. Mä wawak jakasipxam, mä sapa amtañani, mä sapa amuyuni.

1 Corintios 1:9

Diosax arsutanakap phuqhapuniwa, jupaw jumanakarux jawsapxtam, Jesucristo Tatitusa Yuqapampi mayachat jakañataki.

2 Corintios 13:11

Jilatanaka, kusisitäpxapunim. Jakañanakamansti chiqapapunïpxam. Ch'amañchasipxam, sumankañan jakasipxam; ukatsti munasiñani, samarañ churir Diosax jumanakampïskaniwa.

2 Corintios 4:17

Aka uraqin t'aqhisitasax janiw kunäkisa, tukusirikiwa; ukampis mä jach'a aski jilarkir wiñay kusisiñ apani.

Filipenses 4:13

Criston ch'amapampix taqi kunaruw saykatirista.

Colosenses 2:7

jupxan saphintata, iyawsäwi layku jupxan suma utt'ata, kunjämatix yatichatäpkäyät ukhamaru, ukatsti Diosar yuspagarasaraki.

2 Tesalonicenses 2:14

Ukatakiw Diosax jawsapxtam, nanakax yatiyapksma uka Diosan suma yatiyäwi arunakap tuqi: ukhamat Jesucristo Tatitusan qhapaq kankañap katuqapxañamataki.

2 Tesalonicenses 2:17

jupay chuymanakamar ch'amachpan, ch'aman sayt'ayarakpan, kunatix askïki uk arsupxañamataki, lurapxañamatakiraki.

2 Tesalonicenses 3:3

Ukampis Tatitux phuqhiriwa, jupasti ch'amañchapxätamwa, taqi ñanqhatsa imapxarakïtamwa.

1 Timoteo 6:12

Iyawsäwin nuwasiñäki ukatak wakicht'asim; janipun wiñay jakañ chhaqhayasimti, Diosasti ukatakiw jawstam, jumasti ukarak Diosar iyawsatamat taqinin nayraqatapan arsusktaxa.

2 Timoteo 1:9

Diosaw qhispiyistu, ukatsti qullan markap sayt'ayañatakiw jawsistu, ukasti janiw jiwasan kuna aski luratas laykükiti, jan ukasti jupan amtäwip laykuwa, Diosasti aka uraqix janïra utjkän ukkhatpach munasistäna, ukkhatpacharak Jesucristompix mayachatäxtan.

2 Timoteo 2:10

Ukat taqi kunsa t'aqhista Diosan ajllitanakapar munasitax layku, jupanakan qhispiyasipxañapataki, Jesucristo tuqi wiñay jakañ katuqapxañapataki.

Hebreos 9:15

Ukat Jesucristox machaq arust'äwin sumankthapiyiripaxa, jupan jiwatapampiw nayrïr arust'äwirjamax jaqinakan jucha luratanakapat qhispiyi, khitinakarutix Diosax jawski jupanakar churañatak arskatayna uka wiñay jakañ katuqapxañapataki.

1 Pedro 1:15

Ukampis jichhax kunjämtix jumanakar jawsir Tatitux qullanäki, ukhamarakiy jumanakax q'uma jakañan jakxapxam.

1 Pedro 4:10

Sapa mayniw Diosat kuna luräwinaksa katuqapxtaxa. Uka luräwimpix taqinir yanapt'apxam.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.

2 Pedro 1:3

Tatituw jach'a ch'amapampi churistu taqi kuntix jakañatak munktan ukanakxa, jupar munañsa churarakistu, khititix jach'a ch'amapampi, muspharkañ luräwinakapampi jawskistu ukar uñt'ayasa.

1 Juan 2:25

Chiqpachansa Jesucristox uk churañatakiw arsuwayistu: ukasti wiñay jakañawa.

Judas 1:24

Mä sapa Tatitu, jiwasan Qhispiyirisax, jumanakar imañatak ch'amaniwa, ukhamat jan tinkupxañamataki, ukatsti jan juchani, kusisiñan phuqt'ata, jupan nayraqatapan k'ajkir uñstapxañamatakis ch'amanirakiwa. Juparuy churatäpan yupaychañasa, jach'a kankañasa, ch'amasa, jilïr kankañasa, Jesucristo Tatitus layku, nayra pachasa, jichhasa, wiñayan wiñayapataki. Ukhamäpan.