1 Pedro 4:4 - Qullan Arunaka DC

⁴ Jumanakan uka jan wali luririnakamp jan chikachasxapxatamatxa, jupanakax mayjt'asxapxiwa, ukat jumanakat jan walinak parlapxi.

Aymar Bibliia 1986

⁴ Uca jan Diosar uñt'ir jakenacatakejj mayjt'asiñäjjewa jumanacan jupanac chica uca k'añu luräwinacapan jan chicachasjjapjjatamajja, ucatwa jumanacatjja jan walinaca parlapjjejja.

Qullan Arunaca

⁴ Uca jan Diosar uñt'ir jakenacatakejj mayjt'asiñäjjewa jumanacan jupanac chica uca k'añu luräwinacapan jan chicachasjjapjjatamajja, ucatwa jumanacatjja jan walinaca parlapjjejja.

1 Pedro 4:4 Jak'a apnaqawi uñst'ayäwi

Mateo 23:25

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakax anqäxak qirunaksa, chuwanaksa phiskhurapxtaxa, ukampis manqhax lunthatasiñampi mich'asiñampi phuqhantatäskiwa.

Lucas 15:13

Mä qawqha urutsti sullkïr yuqax, taqi kunap aljantasin yaqha markaruw sarxäna, ukan jan wal sarnaqas qullqip ina ch'usar tukuntäna.

Hechos 13:45

Ukataq jaqinak uñjasinsti, judionakax Pablon arunakapar kutipayañ qalltapxäna, kunayman tuqipxarakïna.

Hechos 18:6

Ukampis judionakax Pablotakiw sayt'asipxäna, kunayman arunakampiw tuqipxarakïna. Ukat Pablox isinakap thalarasis jupanakar säna: —Jumanakaw juchanïsipkäta, wiñay jiwañar mantaskañataki; janiw nayax juchanïkti. Jichhürut uksarux jan judiöpkis uka jaqinakar yatiyiriw sarxä —sasa.

Romanos 13:13

Qhana urunjam jaqjam sarnaqapxañäni. Jach'a manq'äwinakansa, machañanakansa jan sarnaqañäniti, janirak wachuq juch lurañanakansa, jan wali lurañanakansa, ch'axwañanakansa, uñisiñanakansa sarnaqapxañäniti.

Efesios 5:18

Jan machjasipxamti, machjasiñax jan waliruw puriyi; ukatsipana Qullan Ajayumpi phuqhantasipxam.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.

2 Pedro 2:12

Uka jaqinakax jan amuyt'asirïpxiwa, taqi kunsa munañaparukiw lurapxi, jan amuyt'asisaw kuns parlapxi; jupanakasti animalanakjam katurayasisin jiwarayatäñatakiw yuripxi.

2 Pedro 2:22

Ukampis mä säwiw jupanakampix phuqhasiski, ukasti siwa: “Anux waq'aqsutaparuw kutxatasxi, jichha jariqat khuchhisti wasitat ñiq'ir sunt'intxaraki” sasa.

Judas 1:10

Ukampis uka jaqinakax kuntix jan uñt'apki ukanakxat jan wal parlapxi; ukampis yatipki ukanakatxa, kunjämatix uywanakax kuns yatipxi, ukat jan amuyt'apki ukhamäpxiwa, ukat jupanakpach tukjatäpxani.