1 Pedro 3:9 - Qullan Arunaka DC

⁹ Ñanqhat ñanqha jan kutt'ayapxamti, jan wali arutsa jan pachpa arump kutt'ayapxamti. Jan ukasti, jupanakar aski waxt'äwinak churañapatak Tatitur mayipxam, jupasti jumanakarux uka waxt'äwinak katuqapxañamatakiw ajllisipxtam.

Aymar Bibliia 1986

⁹ Jan ñankhat ñankhjja cutt'ayapjjamti, ni jan wali arut jan wali arsa cutt'ayapjjaraquimti. Jan ucasti asqui arumpi cutt'ayapjjam, Diosasti bendición catokapjjañamataquiw jumanacarojj jawsapjjtam.

Qullan Arunaca

⁹ Jan ñankhat ñankhjja cutt'ayapjjamti, ni jan wali arut jan wali arsa cutt'ayapjjaraquimti. Jan ucasti asqui arumpi cutt'ayapjjam, Diosasti bendición catokapjjañamataquiw jumanacarojj jawsapjjtam.

1 Pedro 3:9 Jak'a apnaqawi uñst'ayäwi

Génesis 42:25

Ukxarusti yanapirinakaparuw sarakïna: “Aka jaqinakatakix costalanakapar trigo phuqhantarapipxam, qullqinakapxa costalaparkam uskxapxarakim, thakhitakisti manq'añ wakicht'arapipxam” sasa. Ukatsti ukhamapuniw lurasïna.

Proverbios 17:13

Aski luratat ñanqhampi phuqhir jaqin utapatxa, janipuniw jan walinakax saraqtkaniti.

Proverbios 20:22

Janiy samti: “Ukhamat, ukham lurarakï” sasaxa. Tatitur alkatasim, jupaw atipt'ayaskätam.

Proverbios 28:10

Aski jaqinakaru jan wali thakhinjam irpir jaqirux, jupan wakichat pachpa sipitaruw jalantaskani, aski chiqa jaqinakasti, askinak katuqapxani.

Mateo 19:29

Ukatsti taqi khitinakatix naya layku jaytanukuni: utanakapa, jilanakapa, kullakanakapa, taykapa, awkipa, wawapa, uraqinakapa; jupanakax ukanakat sipan patak ukkhampi katuqapxani, ukatsti wiñay jakañ katuqapxarakini.

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Mateo 5:39

Ukampis nayax sapxsmawa: Jan wal lurktam uka jaqirux, jan kutkatamti; jan ukasti, maynitix maysa ajanut t'axllintätamxa, maysa ajanumppach uñacht'ayam.

Mateo 5:44

Ukampis nayax sapxsmawa: Uñisirinakamar munasipxam, ñanqhachirinakamatakisti Tatitut mayirapipxam.

Marcos 10:17

Kunapachatix Jesusax ukawjat sartawayañampïxän ukkhaxa, mä jaqiw jalakamak ukawjar purinïna, Jesusan nayraqatapar killt'asisin juparux jiskt'äna: —Suma yatichiri, ¿kuna lurañaxas wakisi wiñay jakañ katuqañatakixa? —sasa.

Lucas 10:25

Kamachi yatichir mä jilïriw Jesusamp parlir saräna, jupasti Jesusar yant'añatakiw jiskt'äna: —Yatichiri, wiñay jakañ katuqañaxatakix ¿kuna lurañaxas wakisi? —sasa.

Lucas 18:18

Jilïrinakat mayniw Jesusar jiskt'äna, akham sasa: —Suma yatichiri, ¿kuna lurañaxas wakisi wiñay jakañ katuqañaxatakixa? —sasa.

Romanos 12:14

Uñisirinakamarux askimpiy uñjapxam. Ask lurapxam, janirak ñanqhachapxamti.

Romanos 12:17

Janiy khitirus ñanqhat ñanqha kutt'ayapxamti; jaqinak nayraqatansti aski lurañatak ch'amachasipxam.

Romanos 8:28

Diosan jupar munirinakatak taqi kunsa askïñapatak wakichatap yattan, amtataparjam jawsatäpki ukanakataki.

Romanos 8:30

Diosasti khitinakarutix qalltatpach ajlliski jupanakarux jawsarakiwa; jawsatanakaparusti, aski jaqinakat katuqi; aski jaqinakat katuqasasti, jupamp chikäñapatakiw qhapaq kankañapan ucharaki.

Gálatas 3:14

Ukatpï, kuna askinaktix Diosax Abrahamar arskäna ukax jan judiöpki ukanakatakirakixa. Ukhamasti, Jesucristorutix iyawsañänixa, Diosan arsutaparjamaw Ajay katuqañäni.

Efesios 4:32

Ukatsipana jumanakax suma chuymanïpxam, maynit maynikam khuyapt'ayasisa, purapat pampachasipxam, kunjämtix Diosax jumanakar Cristo tuqi pampachapktam ukhama.

1 Tesalonicenses 5:15

Amuyasipxam, jan khitis ñanqhat ñanqha kutt'aypati. Jan ukasti, aski lurañatakipun ch'amt'apxam, jumanak taypinsa, taqinimpisa.

Hebreos 12:17

Jumanakax yatipxtawa, kunapachatix Esaú chachax awkipat aski waxt'äwi katuqañ munän ukkhaxa, janiw churatäkänti; wal jachkchïn ukas janiw kun lurañas wakiskxänti.

Hebreos 6:14

ukatsti sänwa: “Jïsa, nayax jilarkir aski waxt'äwi churäma, wawanakamsa waljaniruw tukuyä” sasa.

1 Pedro 5:10

Ukampis uka mä juk'a urunakan t'aqhisipxatamatsti, Diosax jumanakarux chiqap tukuyapxätam, ch'amani jan unxtkay sayt'ayapxarakïtam. Uka Dios pachpaw jach'a munasiñapan jawsistu, Jesucristomp wiñayatak chikäñasataki.

1 Samuel 26:11

Tatitux jupan chhijllat reyir jiwayañat imitpan. Ukhamasti ch'ijmañapankki uka lanzapa, ukhamarak umañ wakullapsa apxarum, ukat sarxañäni —sasa.