1 Pedro 3:21 - Qullan Arunaka DC

²¹ Uka umasti bautismo umaruw uñtasïna, uka tuqit jichhax qhispitätanxa. Uka bautismosti janiw janchir q'umachañatakïkiti, jan ukasti Diosar juchanakasat q'umachañapatak mayiñatakiwa; jichhasti Jesucriston jaktäwip tuqirakiw qhispiyistuxa,

Aymar Bibliia 1986

²¹ Uca umasti bautismo umaruw uñtasejja, uca tokeraquiw jichhajj khespitätanjja. Uca bautismosti janiw janchi k'omachañataqui asquïquiti, jan ucasti Diosat mä k'oma chuyma mayiñanquiwa; Jesucriston jactäwip tokeraquiw khespitätanjja,

Qullan Arunaca

²¹ Uca umasti bautismo umaruw uñtasejja, uca tokeraquiw jichhajj khespitätanjja. Uca bautismosti janiw janchi k'omachañataqui asquïquiti, jan ucasti Diosat mä k'oma chuyma mayiñanquiwa; Jesucriston jactäwip tokeraquiw khespitätanjja,

1 Pedro 3:21 Jak'a apnaqawi uñst'ayäwi

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Mateo 28:19

Jichhasti taqi akapachankir jaqinakar nayan arkirinakax tukuyapxam; jupanakarusti Dios Awkina, Dios Yuqana, Dios Qullan Ajayun sutipar bautisapxam.

Marcos 16:16

Khititix iyawskani, bautisaskarakini ukax qhispiyatäniwa, jan iyawsiristi, juchañchatäniwa.

Juan 13:9

Simón Pedrosti Jesusarux sarakïnwa: —Tatay, ukhamax janiy kayunakaxak jariqkistati, jan ukasti amparaxampi, p'iqixamppachay jariqita —sasa.

Hechos 16:33

Ukatsti uka arumpachaw cárcel uñjirix Pablompiru Silasampir chhuxrinakap jariqxäna. Ukatsti jupax bautismo katuqäna utapankirinakas katuqapxarakïnwa.

Hechos 2:38

Pedrosti ukxaruw jupanakar säna: —Tatitur kutikipstapxam, Jesucriston sutipar sapa mayni bautismo katuqapxam, Diosan juchanakamat pampachañapataki, ukhamat jupax Qullan Ajayu churapxätam.

Hechos 22:16

Jichhasti, jan juk'amp suyamti. Sartasim, bautismo katuqarakim, Tatitun sutip aytasis taqi juchanakamat jariqasim’ sasa.

Hechos 8:36

Thakhinsti, uma chiqäwja sarkasaw uka etiope jaqix säna: —Akaxay umaxa; ¿kunarak bautismo katuqañaxatak jark'itaspasti? —sasa.

Hechos 8:37

[Felipex jupar sarakïnwa: —Taqi chuyma iyawsasma ukaxa, bautismo katuqasmawa —sasa. Uka jaqisti sarakïnwa: —Nayax iyawstwa, Jesucristox Diosan Yuqapawa —sasa.]

Romanos 5:14

Ukampisa, Adanan urunakapat Moisesan urunakapkamasti, jiwax juchaninakxar ch'amanïnwa, jupanakan juchapax janiw kamachir jan jaysapkän ukäkänti, kunjämtix Adanax lurkän ukhama, jupasti khititix jutañapäkän ukan uñtasitapänwa.

1 Corintios 12:13

Uka kipkarakiw taqi jiwasanakax judionakasa, jan judionakasa, t'aqhisiyat jaqinakasa, jan t'aqhisiyat jaqinakas bautismo katuqapxtan, mä sapa Ajay tuqi, mä janchik tukuñasataki; taqinis uka pachpa Ajayut katuqaraktan.

1 Corintios 4:6

Jilatanaka, akanaksti jumanakan askimatakiw parlapxsma, Apolosampita naya pachpampit amuyt'ayasa. Nanakat yatiqasis kunatix qillqatäki ukat jumanakan jan saranukuñamatakiw sapxsma, ukhamat maynir munatap laykux jan khitis jach'achasiskañapataki, maynir jan walt'ayasa.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 7:1

Ukhamasti munat jilatanaka, Diosan taqi aka arsutanakapax jiwasatakiwa. Ukatpï taqi kunatix q'añuchkistaspa ukat jithiqtañasaxa, ukatsti janchisana, ajayusansa q'uma sarnaqañasaw wakisi; Diosar axsart'asasti q'uma jakäwi jikxatañatak ch'amachasiñäni.

Gálatas 3:27

Bautismo katuqasinxa, Cristompi mayachatarakiw uñjasipxtaxa, Cristompix mä isimpi isthapitäpkasmas ukhamäpxtawa.

Efesios 5:26

Uksti qullanar tukuyañatakiw ukham luri, uma jariqäwimpi arup tuqi q'umachasa,

Colosenses 2:12

Kunapachatix jumanakax bautismo katuqapkta ukkhasti, Cristomp chik p'amp'antataw uñjasipxtaxa, ukatsti jupamp chika jaktayatäpxaraktawa, Tatitur jiwatat jaktayir ch'aman Diosar iyawsapxatam layku.

1 Timoteo 1:5

Aka arunakan amtäwipax, maynit maynikam q'uma chuymat mistki uka munasiñampi, suma chuymampi, chiqpach iyawsañampi munasiñasawa.

1 Timoteo 6:12

Iyawsäwin nuwasiñäki ukatak wakicht'asim; janipun wiñay jakañ chhaqhayasimti, Diosasti ukatakiw jawstam, jumasti ukarak Diosar iyawsatamat taqinin nayraqatapan arsusktaxa.

Hebreos 10:22

Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.

Hebreos 11:19

Abrahamasti Diosarux jiwatanak jaktayañatak ch'amanïtap uñt'äna; ukatarak Abrahamax wawaparux jiwatanak taypitsa kutsuyaskaspa ukham wasitat katuqxäna.

Hebreos 13:18

Nanakatak Diosat mayipxam, nanakax suma chuymampi lurapxatax amuyasipxta, taqi kunansa suman sarnaqañ munapxarakta.

Hebreos 9:14

Ukampis ukatix ukhamächi ukax, ¡qawqha ch'amanïpachas Criston wilapaxa! Cristosti wiñay jakir Ajayu tuqiw Diosarux jupa pachpa jan q'añucht'at luqtasiwayi, uka wilapaw jiwañar apki uka luräwinakasat q'umachistu, ukhamat jakkir Diosar yupaychañasataki.

Hebreos 9:24

Cristox janiw jaqinakan lurat qullan chiqar mantkänti, ukax chiqpach qullan utar uñtatakïnwa, jan ukasti Cristox pachpa alaxpacharuw mantäna, jichhasti ukan Diosan nayraqatapan jiwasatak mayiski.

1 Pedro 1:3

Jesucristo Tatitusan Awkipar yupaychañäni, jupaw jach'a khuyapayasiñapat Jesucriston jiwatanak taypit jaktatap tuqi machaqat yuriyistu. Ukaw jiwasanakarux suyt'añana jakayarakistu,

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.