1 Pedro 3:16 - Qullan Arunaka DC

¹⁶ suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.

Aymar Bibliia 1986

¹⁶ Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui.

Qullan Arunaca

¹⁶ Chuymanacaman samaratäñataquejja sum sarnakapjjam, uqhamata jumanacan Cristor iyawsapjjatam laycu, uqhamarac asqui luräwinacamat jan wali parlir jakenacajj jan wali parlatanacapatjja jupanacpacha p'enkasipjjañapataqui.

1 Pedro 3:16 Jak'a apnaqawi uñst'ayäwi

Daniel (hebreo) 6:4

4 (5) Ukhamïpan, uñjir jaqinakaxa, marka apnaqirinakasa kunaymanit Danielarux aynacht'ayañ thaqhapxäna, janiw sum apnaqirïkiti sasa reyi nayraqatan aynacht'ayañataki, ukampis Danielax lurañanakap sum luräna, janiw juparux kunjämatsa aynacht'ayirjamäpkänti.

Mateo 5:11

“Kusisipxam kunapachatix jaqinakax nayar arkapxatam layku tuqipxätam, usuchjapxätam, k'arintapxätam ukkhaxa.

Hechos 24:16

Ukat nayax Diosan nayraqatapansa, jaqinakan nayraqatapansa, q'uma chuyman jakasiñpun ch'amachasta.

Hechos 28:22

Ukampis nanakax juman amuyum ist'añ munapxirista; taqi chiqan aka machaq tamat jan walinak arsupxatap nanakax yatipxta —sasa.

Romanos 9:1

Cristor iyawsirjamasti chiqapak arsuskta, janirakiw k'ariskti. Ukhamarus nayan chuymaxax Qullan Ajayun irpatax kunatix chiqäki uk yatiyitu:

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

1 Timoteo 1:5

Aka arunakan amtäwipax, maynit maynikam q'uma chuymat mistki uka munasiñampi, suma chuymampi, chiqpach iyawsañampi munasiñasawa.

2 Timoteo 1:3

Arumas urus Diosat mayiskasax jumat nayax amtasipuntwa, ukat Diosarux yuspagarta, juparurakiw q'uma chuymaxamp arkta, kunjämtix nayra awkinakaxax lurapkän ukhama.

Tito 2:8

sum parlasa, khitinsa jan juchañchañapataki. Ukhamat khititix jiwasxat jan wal parlki ukax p'inqachat uñjasini, janirakiw jiwasanakat kuna jan walsa parlkaniti.

Hebreos 13:18

Nanakatak Diosat mayipxam, nanakax suma chuymampi lurapxatax amuyasipxta, taqi kunansa suman sarnaqañ munapxarakta.

Hebreos 9:14

Ukampis ukatix ukhamächi ukax, ¡qawqha ch'amanïpachas Criston wilapaxa! Cristosti wiñay jakir Ajayu tuqiw Diosarux jupa pachpa jan q'añucht'at luqtasiwayi, uka wilapaw jiwañar apki uka luräwinakasat q'umachistu, ukhamat jakkir Diosar yupaychañasataki.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Pedro 2:15

Diosasti jumanakan aski lurañanakam muni, ukhamat pisi amuyun jaqinakan parlatanakap amukt'ayapxañamataki.

1 Pedro 2:19

Maynitix lurañanakap phuqhañ layku t'aqhischi ukkhaxa, Dios nayraqatan askiwa.

1 Pedro 3:21

Uka umasti bautismo umaruw uñtasïna, uka tuqit jichhax qhispitätanxa. Uka bautismosti janiw janchir q'umachañatakïkiti, jan ukasti Diosar juchanakasat q'umachañapatak mayiñatakiwa; jichhasti Jesucriston jaktäwip tuqirakiw qhispiyistuxa,

1 Pedro 4:4

Jumanakan uka jan wali luririnakamp jan chikachasxapxatamatxa, jupanakax mayjt'asxapxiwa, ukat jumanakat jan walinak parlapxi.