1 Pedro 3:12 - Qullan Arunaka DC

¹² Tatitusti aski jaqinakarux imiwa, mayisitanakaparus ist'arakiwa, ukampis jan wali lurir jaqinakarux janiw ist'kiti.”

Aymar Bibliia 1986

¹² Tatitusti asqui jakenacarojj imiwa, mayisitanacapsa ist'araquiwa, ucampis jan wali lurir jakenacarojj janiw ist'quiti.”

Qullan Arunaca

¹² Tatitusti asqui jakenacarojj imiwa, mayisitanacapsa ist'araquiwa, ucampis jan wali lurir jakenacarojj janiw ist'quiti.”

1 Pedro 3:12 Jak'a apnaqawi uñst'ayäwi

2 Crónicas 16:9

Tatitux kunanakatix akapachan lurasiski ukanak sum uñjaski, ukat khitinakatix taqi chuymampi jupar katuyasipki ukanakar ch'am churañataki. ¡Jumasti luqhir uñtataw ukham lurtaxa! Jichhat uksarusti juk'amp ch'axwañanakaw jumatak utjani” sasa.

2 Crónicas 7:15

Jichhat uksarux aka chiqan mayisitanakaparux taqi chuymaw ist'ä,

Salmos 11:4

Ukampis Tatitux qullan utapankiwa. Tatitun qunuñapax alaxpachankiwa, nayranakapas arikipuniw taqi jaqinakar uñch'ukiski.

Salmos 33:18

Tatitusti iyawsirinakaparux sum uñjaski, munasiñapar katuyasirinakarus imaskiwa,

Salmos 65:2

2 (3) jumax mayisitanakar ist'irïtawa! Taqi jaqinakaw juman ukarux jutapxi.

Salmos 80:16

16 (17) Uka alir khuchhuririmpiru, ninampi phichkatirimpirux q'apisiñamamp tukjam;

Proverbios 15:29

Tatitux ñanqha lurir jaqinakat jithiqtiwa, aski jaqinakan mayisitanakapsti ist'iwa.

Proverbios 15:3

Tatitux taqi chiqankiwa; aski jaqinakampiru, ñanqha jaqinakampiruw uñch'ukiski.

Proverbios 15:8

Tatitux ñanqha jaqinakan luqtatanakapxa janiw uñjañ munkiti, aski jaqinakan mayisitanakapsti kusisiñampiw katuqi.

Jeremías 21:10

Nayasti aka markxarux aski lantxa, ñanqha apaniñ amtta. Aka markxa Babiloniankir reyiruw katuyä, jupasti ninampiw aka markxa phichhantani. Naya, Tatituw uk arsta.

Jeremías 39:12

“Jeremiasarux juma kipka uñjam, janirak kuna ñanqhsa luramti, jan ukasti taqi kuntix maykätam uk churam” sasa.

Ezequiel 15:7

Nayasti jupanakan uñisiriparuw tukurakï. Mä ninatsa jaltasipkaniwa, ukampis yaqha ninaw jupanakarux nakhantani. Jupanakar saykatkä ukkhawa, jumanakax nayan Tatitütax yatipxäta.

Levítico 17:10

“Mä israelitatix, jan ukax yaqha markat jutasin jumanak taypin jakir jaqisa wilanpach aycha manq'kani ukkhax, nayax jupatakiw sayt'äxa, markapatsa jaqunukurakïwa.

Levítico 20:3

Nayasti uka jaqir mutuyañatakiw sayt'ä, ukatsti markap taypitsa apanukurakïwa, nayan qullana utax q'añuchatapata, ukhamarak nayan qullana sutixarus Moloc sat diosar wawap luqtatapampi takisitap layku.

Levítico 20:6

Maynitix ch'amakani layqanakar jiskt'asir sarani, ukat ukanakar arkasarak q'añuchjasini ukasti, nayax jupatakiw phiñasï ukatsti jiwayarakïwa.

Levítico 26:17

Nayasti jumanakar jan walt'ayañatakiw sayt'ä, uñisirinakamas atipjapxätamwa; khitinakatix jumanakar wal uñisipktam ukanakampi t'unjataw uñjasipxäta, jan khitin arktataw jaltxapxarakïta.

Zacarías 4:10

“Tatitun utap lurañ qalltaskäna uk jan yäqirinakaxa, jichhax Zorobabel chachar uka luräwinak tukuyaskir uñjasax kusisipxaniwa” sasa. Uka qhipatsti angelax aka arunakampiw yapt'arakïna: “Aka paqallqu lamparanakax Tatitun nayranakapawa, ukasti taqi akapacharuw uñch'ukiskaraki” sasa.

Juan 9:31

Yatitawa, Diosax janiw khiti jucharararus ist'kiti, jan ukasti khitinakatix jupar yupaychapki, munañap lurapki ukanakarukiw Diosax ist'i.

Deuteronomio 11:12

Tatitu Diosaw uka uraqi uñjaski, marpacharakiw jupax uñch'ukisinki.

Santiago 5:16

Ukalayku, jumanakax maynit maynir juchanakam arsusipxam, ukatsti k'umaraptañatakix sapa maynitak Tatitur mayipxarakim. Mä aski jaqin taqi chuymampi Tatitur mayitapax wali ch'amaniwa.