1 Pedro 3:11 - Qullan Arunaka DC

¹¹ kunatix askïki ukanak lurapxpan, jan wali lurañanak apanukupxpan taqinimpis suman sarnaqasipxpan.

Aymar Bibliia 1986

¹¹ Jan wali lurañatjja jithektasjjañapawa, asquinac lurañapawa. Suman sarnakasiñ thakañapawa, uc arcañaparaquiwa.

Qullan Arunaca

¹¹ Jan wali lurañatjja jithektasjjañapawa, asquinac lurañapawa. Suman sarnakasiñ thakañapawa, uc arcañaparaquiwa.

1 Pedro 3:11 Jak'a apnaqawi uñst'ayäwi

Job 1:1

Uz sat chiqan mä chachaw utjäna Job sutini. Jupasti aski, chiqa jaqïnwa, Diosar axsartirïnwa; ñanqha lurañatsa jithiqtatarakïnwa.

Job 2:3

Ukat Tatitux juchañchir angelar jiskt'arakïna: —¿Job luqtirixar uñjaniwaytati? Janiw khitis uraqin jupjama chiqa, aski jaqix utjkiti, jupax Tatitur axsartir jaqiwa, ñanqha lurañat jithiqtataw jakasi. Jumax ina ch'usatsa yänakapa, uywanakap tukjaykchista ukasa; jupan aski sarnaqäwipax pachpakïskiwa —sasa.

Job 28:28

Jaqinakarusti Diosax sänwa: “Yatiñ kankañax: Tatitur taqi chuyma jaysañawa; ch'ikhi kankañax: ñanqhat jithiqtañawa” sasa.

Salmos 125:4

Tatay, aski jaqinakarux askinakay churam, q'uma chuyman jaqinakarux askinakampiy phuqhantam;

Salmos 34:14

14 (15) Ñanqha lurañat jithiqtasim, askïki ukakpun luram, sumankañ thaqham, qhipap arkarakim.

Salmos 37:27

Ñanqha lurañat jithiqtasim, kunatix askïki ukarak luram, jakañamatakisti utax utjapunïtamwa.

Proverbios 16:17

Aski jaqinakan saräwipax jan walinakat jithiqtañawa; sarnaqäwip imiristi, jupa pachpaw jakañap imasiski.

Proverbios 16:6

Munasiñampi, chiqa kankañampiw jucha luratarux pampachi; Tatitur axsaratap laykuw jaqix ñanqhat jithiqti.

Proverbios 3:7

Janiy sinti yatiñanjam tukumti; Tatitur axsartam, taqi ñanqhat jithiqtam,

Mateo 5:45

Ukhamat jumanakax alaxpachankir Awkiman wawanakapäpxäta; jupaw inti jalsuyani jan wali jaqinakatakisa, aski jaqinakatakisa, juparakiw jallu apayani, aski jaqinakatakisa, jan wali jaqinakatakisa.

Mateo 5:9

“Kusisiñanïpxiw sumankañ utjañapatak ch'amachirinakaxa, jupanakax Diosan wawanakap satäpxaniwa.

Mateo 6:13

Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]

Marcos 14:7

Jan kunaninakax jumanak taypin utjapuniniwa, jupanakarusti kuna pachas yanapasipkätawa, ukampis nayax janiw mä juk'a pachat jumanakampïkxäti.

Lucas 1:79

khitinakatix ch'amakan jakasipki, ukanakar qhantayañataki, jiwasarus samarañ thakhinjam irpañataki.”

Lucas 6:35

Ukampis jumanakax uñisirinakamar munapxañamawa, aski lurapxañamaraki, jan kun katuqañ suyasak mayt'apxam. Ukhamat jumanakan katuqañamax jach'äni, jumanakasti Alaxpach Dios Awkin wawanakapäpxätawa. Diosax jupar jan yuspagaririnakatsa, juchararanakatsa khuyapt'ayasiwa.

Lucas 6:9

Jesusasti mayninakarux sarakïnwa: —May jiskt'apxäma: ¿Kuna lurañas sábado urun wakisi, aski lurañati, jan ukax ñanqha lurañacha? ¿Jaqir jiwañat qhispiyañati, jan ukax jiwayañach wakisi? —sasa.

Juan 17:15

Janiw akapachat jupanakar apsuñamatak mayksmati, jan ukasti Supayat imañamatakiw maysma.

Romanos 12:18

Kawkhakamatix wakiski ukkhakamax taqinimpis suman jakasiñatak ch'amachasipxam.

Romanos 14:17

Diosan qhapaq markapanxa, kun manq'añasa, kun umañasa, janiw wakiskirïkiti, jan ukasti, Qullan Ajay tuqi chiqa kankañan sarnaqaña, sumankaña, kusisiña ukaw wakiskirixa.

Romanos 14:19

Ukhamasti kunatix sumankañar irpki, maynit maynikam ch'amañchasiñar irpki uk thaqtapxañäni.

Romanos 5:1

Ukhamasti, Diosax iyawsäwi laykuw aski jaqit katuqxistu, Diosampi sumankañax Jesucristo Tatitus tuqiw utjistu.

Romanos 7:19

Janiw nayax kuna asktix lurañ munkta uk lurkti, jan ukasti kunatix jan walïki ukak lurta.

Romanos 7:21

Nayax akham amuyasta, aski lurañ munkasas, jan wali lurañarukiw purta.

Romanos 8:6

Janchin munañaparjam lurañax jiwañaruw puriyi; Ajayun munañap lurañasti, wiñay jakañampiru, sumankañampiruw puriyi.

Gálatas 5:22

Ukatsipana, Qullan Ajayun achupax akanakawa: munasiña, kusisiña, samaraña, llamp'u chuyma, taqimpis sumankañ chuyma, khuyapayasiñ chuyma, taqi kunansa phuqhañ chuyma,

Gálatas 6:10

Ukalayku, wakisini ukax, taqinir aski lurapxañäni, juk'ampis iyawsir jilatanakasaru.

Colosenses 3:15

Criston sumankañapay chuymanakam apnaqpan, Diosasti uka amtäwimpiw mä janchir tukupxañamatak jawsapxtam. Ukatsti yuspagarapxapunim.

1 Timoteo 6:18

Kunatix askïk uk lurapxañapatak iwxt'am, aski luräwinakan qamirkipstapxpan, ukatsti kunatix jupanakan utjki uk mayninakar churañatakix jank'akïpxarakpan.

Hebreos 12:14

Taqinimpis sumankañan jakasipxam, q'uma jakañan sarnaqasa; jan ukampisti janiw khitis Tatiturux uñjkaspati.

Hebreos 13:16

Jumanakasti mayninakar aski lurañsa, kunatix utjapktam uk mayninakampi jaljasiñsa jan armasipxamti; uka luräwinakaw Diosarux kusisiyi.

Santiago 4:17

Khititix aski lurañ yatkasin jan lurki ukax juch luraski.

1 Pedro 3:12

Tatitusti aski jaqinakarux imiwa, mayisitanakaparus ist'arakiwa, ukampis jan wali lurir jaqinakarux janiw ist'kiti.”

3 Juan 1:11

Munat jilata, ñanqha lurañanakat jan yatiqasimti, jan ukasti kunanakatix askïki ukar arkam. Khititix ask lurki ukax Diosankiwa, ñanqha luriristi janiw Diosar uñt'kiti.

Jueces 11:14

Jefté chachasti wasitat yatiyirinak amonitanakan reyipan ukarux khithäna,