1 Pedro 2:7 - Qullan Arunaka DC

⁷ Jumanakax Tatituruw iyawsapxta, ukat uka qalax aski qalar tuku; ukampis jan iyawsirinakatakix, kunatix Tatitun arupan siski ukaw phuqhasiski: “Uta luririnakan apanukut qalaxa, mä jach'a wakiskir qalaw tukuwayxi.”

Aymar Bibliia 1986

⁷ Jumanaca, qhitinacatejj iyawsapcta ucanacataquejj uca kalajj wali jila alaniwa; ucampis jan iyawsirinacataquejj, cunatejj Diosan arupajj sisqui ucaw phokhasiscaraqui: “Uta luririnacan apanucut kalajj, mä suma esquin kalaw tucuwayjje” sasa.

Qullan Arunaca

⁷ Jumanaca, qhitinacatejj iyawsapcta ucanacataquejj uca kalajj wali jila alaniwa; ucampis jan iyawsirinacataquejj, cunatejj Diosan arupajj sisqui ucaw phokhasiscaraqui: “Uta luririnacan apanucut kalajj, mä suma esquin kalaw tucuwayjje” sasa.

1 Pedro 2:7 Jak'a apnaqawi uñst'ayäwi

Isaías 28:5

Uka urunxa taqi ch'amani Tatitux mä k'ajkiri muspharkañ pillüniwa, markapan qhiparirinakatakisti, mä suma k'achachäniwa,

Hageo 2:7

Taqi markanak khathatiyarakï, ukatsti qamir yänakap apanipxani, nayan utaxasti k'ajkirirakïniwa.” Taqi ch'aman Tatituw arsu:

Zacarías 4:7

¿Khitïtas jumax jach'a qullu? ¡Zorobabelan nayraqatapan pampar tukutaw uñjasïta! Jupaw qallta qalxa uchantani, nayan utax wasitat lurañataki, markaxax kusisiñat arnaqasini: ‘¡Kunja sumas akaxa! ¡Kunja sumasa!’ ” sasa.

Mateo 21:42

Jesusasti jupanakarux sänwa: —¿Janipunit kunapachas qillqatanak ullarapkta? Uka qillqatanakasti siwa: ‘Utachirinakan apanukut qalax aski qalaruw tukxi. Tatituw ukham luri, ukat muspharat uñjasipxtan’ sasa.

Lucas 2:32

Jupäniw taqi markanakar qhantir qhanaxa, Israel markamar jach'ar aptirisa” sasa.

Lucas 2:34

Ukat Simeonax jupanakar aski waxt'äwip churäna, Jesusan taykaparusti sarakïnwa: —Aka wawax Israelankirinakat waljanin qhispiñapatak uchatawa, waljanin mutupxañapatak uchatarakiwa; jupasti mä chimpüniwa, yaqhipanakax katuqapxaniwa, yaqhipanakasti janiw katuqapkaniti,

Lucas 20:17

Jesusasti jupanakar uñkatasin sarakïna: —Ukhamasti ¿kun sañarak muni, Qillqatanakan siski ukanakasti?: ‘Utachirinakan apanukut qalaxa, munat aski qalaruw tukuwayxi.’

Juan 4:42

Ukat warmirux sapxäna: —Jichhax, janiw juman arsutamatakti iyawsapktxa, jan ukasti, nanak pachpaw jupat ist'apxtxa, jupan akapachan Qhispiyir Cristötap yatipxarakta —sasa.

Hechos 26:19

“Agripa reyixay, ukat nayax alaxpachat katuqat unañchäwir jaysta.

Romanos 10:21

Israelitanakat parlkasasti, Isaías profetax siwa: “Mä urpachaw qallasiri, jan jaysasir markar yanapt'añ munäyäta” sasa.

Romanos 15:31

Judeankir jan iyawsir jaqinakat Diosan nayar imañapatak mayipxarakim, ukatsti kuna yanaptix Jerusalenankir jilatanakatak apkta uk kusisit katuqasipxañapataki,

2 Corintios 2:16

Jan qhispiyatanakatakix uka incienso q'aphix jiwayir q'apjamawa, ukampis qhispiyatanakatakix jakañ churir q'apjamawa. ¿Khitirak ukatak wakicht'atasti?

Colosenses 2:10

jupa tuqirakiw Diosax ch'amap phuqhantapxtam, Cristow taqi munañaninakana, ajayu ch'amanakan p'iqipaxa.

Tito 3:3

Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

Hebreos 11:31

Rahab sat jan wal sarnaqir warmix iyawsäwi laykuw jan ist'asir jaqinakamp chikax jan jiwkataynati, Israelankir uñaqa jaqinakar suma chuymampi katuqatap layku.

Hebreos 4:11

Uka samarañar mantañatakix wal ch'amañchasiñasaw wakisi, jan khitis khä jan iyawsirinakjam sarnaqaskañapataki.

1 Pedro 1:8

Jumanakax Jesucristor jan uñjkasas, juparux munapxtawa, jichhasa, jan uñjkas iyawsasin walrak kusisipxtaxa. Uka jach'a kusisiñanakamasti janiw arunakamp arsuñjamäkiti,

1 Pedro 2:4

Jesucristor jak'achasipxam, jupax jaqinakan apanukut jakkir qalawa, ukampis Diosatakix mä suma ajllit wali jila alan qalawa.

1 Pedro 2:8

Qillqatan saskakiwa: “Aka qalax waljaniruw liwisiyani; waljaniw aka qarqar lanktasipxani,” sasa. Jupanakasti Tatitun arunakapar jan iyawsapxatapat liwisipxi, ukatak uchatarakïnwa.