1 Pedro 2:6 - Qullan Arunaka DC

⁶ Ukatpï Qillqatan sarakixa: “Nayaw Sionan mä qal uchta, ukax mä jach'a wakiskir qalawa, suma ajllit aski qalarakiwa; uka qalar iyawsirix janiw mayjt'askaniti” sasa.

Aymar Bibliia 1986

⁶ Ucataracpï Kellkatan sejja: “Nayaw Sionarojj mä kala uchta esquin kalawa, ajllit kalawa, wali jila alaniraquiwa. Ucar iyawsiristi janiw mayjt'ascaniti” sasa.

Qullan Arunaca

⁶ Ucataracpï Kellkatan sejja: “Nayaw Sionarojj mä kala uchta esquin kalawa, ajllit kalawa, wali jila alaniraquiwa. Ucar iyawsiristi janiw mayjt'ascaniti” sasa.

1 Pedro 2:6 Jak'a apnaqawi uñst'ayäwi

Génesis 49:24

ukampis jumax wali ch'aman amparanakanïtawa, mich'inak antutañsa sum katxäsiraktaxa. ¡Taqi ch'amani Diosax yuspagaratäpan! ¡Awatirin sutiparu, Israelar uñjiriru yuspagaratäpan!

Salmos 40:14

14 (15) ¡Nayar jiwayañatak thaqhirinakax, p'inqachjat jikxatasipxpan! ¡Nayar ñanqha lurañ amtirinakax, mä p'inqa jaltxapxpan!

Salmos 89:19

19 (20) Nayra pachanxa, unañchäwi tuqiw parläyätaxa, iyawsirinakamarusti akham säyätaxa: “Markax taypit jan axsarir chacharuw ajllista, juparuw jach'ar aptta, yanaparakta.

Isaías 28:16

Ukat Tatitux saraki: “Nayawa Jerusalén markatakix mä suma ajllit jila alan qala tukurakï, jach'a wakiskir qaläyäwa, uta qalltan mä wakiskir qalapjamäyäwa. Khititix nayar katuyasis jakanixa, jakäwipax sumakipunïniwa.

Isaías 41:11

Taqi khitinakatix uñisipktam ukanakaxa, p'inqachata, jisk'achjataw uñjasipxani; jumampi nuwasirinakasti q'ala tukjataw uñjasipxani.

Isaías 42:1

“Akaxay, luqtirixaxa, khitirutix nayax uywaskta ukaxa, ajllisitaxawa, jupanarak kusistxa. Ajayuxsa jupxaruw uchta, ukhamat kunatix chiqapäki ukanak taqi markanakar apaniñapataki.

Isaías 46:13

Ukampis jank'akiw jumanakar qhispiyir jutä; janiw kunat qhiparañaxas wakiskiti. Jerusalén markarux nayaw qhispiyasiñ churä, Israel markarus jach'añchäwix churä.

Isaías 50:7

Tatituw nayarux yanapaskitu: ukat jaqin jan wali arunakapax chuym jan ust'aykituti; ukatarak nayax mä qarqar uñtat sum sayt'asta, janirakiw p'inqachjatas uñjaskäti.

Isaías 54:4

Jan axsaramti, janiw mä p'inqa uñjaskätati, janiw kuna jan wali arunaksa sapkätamti, janirakiw kunatsa p'inqaskxätati. Tawaqu kankañaman p'inqachatäkäyät uk armasxätawa, janirakiw mayampsa ijma warmirjam jisk'achapkäyätam uksa amtaskxätati.

Daniel (hebreo) 10:21

Jichhasti sarakïmawa kunatix chiqa qillqatan qillqantatäki ukanakxata: uka angelanakampi nuwasiñaxanxa, Israel markar arxatiri Miguel angelakiw nayar yanapt'itu.’

Zacarías 10:4

Jupanak taypit Wakiskir Qalax mistuni, chhujllu Ch'akurusa, nuwasïwin Mich'i antutt'añasa. Jupanak taypit irpirinakax misturakini.

Mateo 12:18

“¡Uñkatapxam nayan ajllitaxaru, khitirutix nayar luqtañapatak jawsaskta ukaru! Nayax juparux wal munasta, jupasti nayarux kusisiyituwa. Nayan Ajayuxsti jupxaruw uchä, jupasti chiqa kankañax taqi markanakar yatiyani.

Marcos 12:10

Jesusasti saskakïnwa: “¿Janit jumanakax Diosan Arunakap ullarapkta?: ‘Utachirinakan jisk'achat qalax suma qalat uchatäxiwa.

Lucas 20:17

Jesusasti jupanakar uñkatasin sarakïna: —Ukhamasti ¿kun sañarak muni, Qillqatanakan siski ukanakasti?: ‘Utachirinakan apanukut qalaxa, munat aski qalaruw tukuwayxi.’

Lucas 23:35

Jaqinakasti ukan uñch'ukisipkäna; jilïrinakas jupat larusipxarakïnwa: —Yaqhanakarux qhispiyiwa; jupatix Diosan chiqpach ajllit Cristöchi ukax, jupa pachpa qhispiyaspan —sasa.

Hechos 1:16

“Jilatanaka, kuntix Qullan Ajayux David tuqi Judas chachat Qillqatanakan arskatayna ukan phuqhasiñapax wakisïnwa, jupaw Jesusar katuntir jaqinakan irpiripäna.

Romanos 10:11

Qillqatasti siwa: “Jupar iyawsirix janiw pantjaskaniti” sasa.

Efesios 1:4

Diosax Cristo tuqiw ajllisistu, aka uraqix janïr utjkän ukkhatpacha, ukhamat q'umachata, jan akch'a q'añuni jupan nayraqatapankañasataki. Munasiñap laykuw,

Efesios 2:20

Jumanakax mä jach'a utar uñtatäpxtawa, uka utasti apostolunakana, profetanakan yatichäwipxar utachatawa, pachpa Jesucristorakiw utar thurxäsir jach'a qalaxa.

2 Timoteo 3:16

Taqi Qillqatax Diosan amuyt'ayat arunakawa, ukasti yatichañataki, iwxt'añataki, chiqachañataki, q'uma jakañan sarnaqañ yatichañatak wali askiwa,

1 Pedro 2:4

Jesucristor jak'achasipxam, jupax jaqinakan apanukut jakkir qalawa, ukampis Diosatakix mä suma ajllit wali jila alan qalawa.

1 Pedro 2:8

Qillqatan saskakiwa: “Aka qalax waljaniruw liwisiyani; waljaniw aka qarqar lanktasipxani,” sasa. Jupanakasti Tatitun arunakapar jan iyawsapxatapat liwisipxi, ukatak uchatarakïnwa.

2 Pedro 1:20

Ukampis nayraqatax aka tuqit amuyt'apxam: profetanakan qillqat arunakax janiw maynin aliq amuyt'apampiki qhanañchatäkaspati,

2 Pedro 3:16

Jupasti taqi qillqatanakapan akanakxat yatiyapxtam, yaqhip arunakas jan amuyt'añjamäkchi ukasa, jan amuyt'ir jaqinakampi, pisi iyawsañan jaqinakampix uka arunak amuyunakaparjamaw maysar uñtayapxi, kamisatix jupanak pachpa juchañchayasiñatak yaqhawja Qillqatanak maysar uñtayapki ukhama.