1 Pedro 2:18 - Qullan Arunaka DC

¹⁸ Uywatanaka, uywirinakamar ist'apxam, janiw suma jaqinakäki ukanakarukiti, jan ukasti qhurunakäki ukanakarus ist'apxarakim.

Aymar Bibliia 1986

¹⁸ Uywatanaca, uywirinacamaru ist'apjjam janiw suma jakenacäqui ucanacaruquiti, jan ucasti khorunacäqui ucanacarus ist'apjjaraquim.

Qullan Arunaca

¹⁸ Uywatanaca, uywirinacamaru ist'apjjam janiw suma jakenacäqui ucanacaruquiti, jan ucasti khorunacäqui ucanacarus ist'apjjaraquim.

1 Pedro 2:18 Jak'a apnaqawi uñst'ayäwi

Salmos 101:4

Ñanqha lurañ lup'iñanak apanukü: ¡janipuniw ñanqha lurañ munkti!

Proverbios 10:32

Aski jaqix suma arunak arsu; qhuru jaqisti jan wali arunakak parli.

Proverbios 11:20

Tatitux jan wali amtäwin jaqinakarux janiw munaskiti, chiqap sarnaqir jaqinakarusti munasiwa.

Proverbios 3:32

Tatitux luqhi chuyman jaqirux uñisiwa, aski jaqinakampisti sumankiwa.

Proverbios 8:13

Tatitur axsartañaxa, jan walir uñisiñawa. Nayax, jach'a jach'a tukuñarusa, jan walin sarnaqañarusa, k'arisiñarus uñistwa.

2 Corintios 10:1

Naya Pablow jumanakar Criston suma munasiñap layku achikt'asipxsma, jumanak taypin jikxataskta ukkhax “wali axsarir jaqiw” sapkchitu ukasa, jumanakat jayan jikxataskta ukkhasti “wali qhuru jaqiw” sapkchitu ukasa.

Gálatas 5:22

Ukatsipana, Qullan Ajayun achupax akanakawa: munasiña, kusisiña, samaraña, llamp'u chuyma, taqimpis sumankañ chuyma, khuyapayasiñ chuyma, taqi kunansa phuqhañ chuyma,

Tito 3:2

Janiraki khiti tuqsa jan wal parlapxpati, jan ukasti sumankirïpxpan, ukhamarak munasiñan llamp'u chuyma taqinirus uñacht'ayapxpan.

Santiago 3:17

Ukampis khitinakatix Diosat jutir yatiñanïpki ukanakax q'uma jakawinïpxiwa; ukhamarus sumankayirinaka, munasirinaka, llamp'u chuymaninakäpxiwa. Jupanakax khuyapt'ayasirïpxiwa, chiqap uñjirinaka, chiq parlirinaka, sum luririnaka.