1 Pedro 1:23 - Qullan Arunaka DC

²³ Jumanakasti, janiw jiwir jaqit yuripktati, jan ukasti Diosan wiñay jakkir arunakap tuqiw wasitat yuripxtaxa.

Aymar Bibliia 1986

²³ Jumanacasti machakatwa nasjjapjjtajja, janiw jiwir jakenacatti, jan ucasti Diosan arunacapatwa. Uca arunacasti jan jiwiriwa, wiñayataquiraquiwa.

Qullan Arunaca

²³ Jumanacasti machakatwa nasjjapjjtajja, janiw jiwir jakenacatti, jan ucasti Diosan arunacapatwa. Uca arunacasti jan jiwiriwa, wiñayataquiraquiwa.

1 Pedro 1:23 Jak'a apnaqawi uñst'ayäwi

Jeremías 23:28

¡Mä profetatix mä samka samkaschi ukaxa, qhanak sispan mä samkakïtapa, ukampis arunakaxtix katuqchi ukasti, kunjämtix katuqki ukhampach yatiypan! Trigo jipimpi trigo achumpix janiw mayakïkaspati. Arunakaxax ninjamawa, qarqanak jisk'a jisk'a tukjir martilljamawa. Naya, Tatituw uk arsta.

Levítico 11:37

“Uka animalanakan jiwat janchipatix yapuchañ jatharu liwxattani ukasti, uka jathax q'umakïskaniwa;

Malaquías 2:3

“Taqi ch'amanïñamsa nayax apaqapxämawa, ukatsti kawkïr uywanaktix luqtañatak apanipkäta uka uywanakan wanupampiw ajanut qhallkatapxäma, uka wanump chikarakiw pichanukut uñjasipxäta.

Mateo 24:35

Alaxpachampi akapachampix tukusiniwa, arunakaxasti janiw tukuskaniti.

Lucas 8:11

“Aka uñtasïwix akham sañ muni: Jathax Diosan arupawa;

Juan 1:13

Jupanakasti janiw jaqin munañapat janchin yuritäpkiti, jan ukasti Diosan wawanakapäxiwa.

Juan 1:3

Jupa tuqiw Diosax taqi kun luräna; jan jupampisti janiw kuna luratas utjkiti.

Juan 3:3

Jesusasti juparux sänwa: —Qhanak sisma, maynitix wasitat jan yurkanixa, janiw Diosan qhapaq markap uñjkaspati —sasa.

Juan 3:5

Jesusasti juparux sarakïnwa: —Qhanak sisma, khititix umampita Ajayumpit jan yurkanixa, Diosan qhapaq markapar janiw mantkaspati.

Juan 6:63

Ajayuw jakañ churirixa; janchix janiw kunatakis askïkiti. Kunanaktix nayax jumanakar sapksma ukax ajayun jakañ churir arunakawa.

Romanos 1:23

jupanakax wiñay jakir Diosan jach'a kankañapsa, jiwir jaqin lurat diosan uñtasitaparuw jaqukipapxi, jamach'inakaru, asirunakaru, pusi kayun animalanakan uñtasitaparu.

Hebreos 4:12

Diosan arupax jakaskiriwa, ch'amanirakiwa. Purapar arini espadat sipan juk'ampi ariwa, ukasti jaqin ajayupkama, ch'akhapkama, parpapkama purir aruwa; lup'ïwinaksa, chuyma manqhan amtäwinaksa qhanstayiwa.

Santiago 1:18

Jupax ukham munatap laykux jiwasarux chiqa arunakap tuqiw jakañ churistu, jupan luräwipan nayrïr achupäñasataki.

1 Pedro 1:25

ukampis Tatitun arunakapax wiñayatakiwa.” Aka arunakapï suma yatiyäwinakaxa, Jesucriston yatichat arunakaxa.

1 Pedro 1:3

Jesucristo Tatitusan Awkipar yupaychañäni, jupaw jach'a khuyapayasiñapat Jesucriston jiwatanak taypit jaktatap tuqi machaqat yuriyistu. Ukaw jiwasanakarux suyt'añana jakayarakistu,

1 Juan 3:9

Khititix Diosan wawapäki ukax janiw juch lurkiti, Diosat yuritätap layku; Diosan wawapätap laykusti janiw juch lurkaspati.

1 Juan 5:18

Khititix Diosat Awkinïki ukax, juchan jan sarnaqxatap yattan, Diosan Jesucristo Yuqapaw juparux imi, supayasti janiw jupar llamkt'kiti.