1 Corintios 9:22 - Qullan Arunaka DC

²² Kunapachatix pisi iyawsañan jilatanakampi chikäkäyät ukkhaxa, jupanakjamarakiw tukta, jupanakan Cristor iyawsapxañapataki. Mä arunxa, jupanakjamaw tukta, ukhamat mä qawqhanis qhispitäpxañapataki.

Aymar Bibliia 1986

²² Cunapachatejj t'uqha jilatanac taypincta ucqhajj nayajj t'uqhäquiristsa uqhamaraquiw tucta jupanacar jicjjatañataqui. Jupanacjamaw tucta uqhamata jupanacat mä kawkhanirus jicjjatañataqui.

Qullan Arunaca

²² Cunapachatejj t'uqha jilatanac taypincta ucqhajj nayajj t'uqhäquiristsa uqhamaraquiw tucta jupanacar jicjjatañataqui. Jupanacjamaw tucta uqhamata jupanacat mä kawkhanirus jicjjatañataqui.

1 Corintios 9:22 Jak'a apnaqawi uñst'ayäwi

Romanos 11:14

Marka masinakaxan jumanakjamäpxañap munta, ukhamat jupanakan qhispiyasipxañapataki.

Romanos 14:1

Khititix iyawsäwipan t'ukhäki ukarux sum katuqapxam, janirak jupampix jiskhintasipxamti.

Romanos 14:2

Amuyt'añäni, mayninakax taqi kunas manq'añakïkaspas ukham amuyapxi, mayninakasti iyawsäwipan t'ukhätap laykux ch'uxña achunakak manq'apxi.

Romanos 15:1

Khitinakatix iyawsañan ch'amanïktan ukanakax, pisi ch'amanin t'ukhachasiñanakap jiwasankkaspas ukham apañasawa, janiw jiwasax kuntix munktan uk thaqhañasäkiti.

Romanos 15:2

Taqi jiwasanakaw jaqi masisarux kusisiyañasa, ukatsti jupan askipatakiw taqi kunsa lurañasa, purapat jiltañasataki.

1 Corintios 10:33

Nayasti, taqi kunan taqinir kusisiyañatakiw ch'amachasta, janiw nayan askïñaxak thaqkti, jan ukasti mayninakan askïñap thaqta, ukhamat qhispiyasiñ jikxatapxañapataki.

1 Corintios 7:16

Cristor iyawsir warmi, ¿kunjämatarak chachamar qhispiyasma uk yattasti? Cristor iyawsir chacha, ¿kunjämatarak Cristor jan iyawsir warmimar qhispiyasma uk yattasti?

1 Corintios 8:13

Ukalayku, manq'ataxämpitix jilaxar juchar puriystxa, janiw aycha manq'añaxax wakiskxiti, juchar jan lanktayaskañataki.

1 Corintios 9:19

Nayax jan khitin uywatapäkasas taqinin uywataparuw tukta, Cristotak walja jaqinakar jikxatañ layku.

1 Corintios 9:23

Diosan suma yatiyäwi arunakap arsuñ laykuw taqi kunsa lurta, ukhamat uka pachpat katuqañaxataki.

2 Corintios 11:29

Maynitix usuntchixa, nayax usuntaraktwa; maynirutix tinkuyapxchixa, nayax wal llakista.

Gálatas 6:1

Jilatanaka, maynirutix kuna juchar tinkutap uñjapxstaxa, jumanakax Diosankirinakjamax jupan sayt'asiñapatak yanapt'apxam, llamp'u chuymampi parlxayapxam, taqi amuyumpiraki. Ukampis sapa mayni amuyaspan, jupas yant'ataw uñjasirakispa.