1 Corintios 9:21 - Qullan Arunaka DC

²¹ Mä tuqitsti, khitinakatix Moisesan kamachiparjam jan sarnaqapki ukanakan Cristor iyawsapxañapatakix jupanakjamaw nayax tukta, chiqpachansa nayax Diosan kamachiparjamaw sarnaqta, Criston kamachiparjam niyak sarnaqasaxa.

Aymar Bibliia 1986

²¹ Mä toketsti qhitinacatejj jan Moisesan leyinacaparjam sarnakqui ucanac taypinjja jupanacjamaquiraquiw nayajj tucta, chekpachansa Diosan leyiparjama sarnakcta ucasa, Criston leyipanctwa.

Qullan Arunaca

²¹ Mä toketsti qhitinacatejj jan Moisesan leyinacaparjam sarnakqui ucanac taypinjja jupanacjamaquiraquiw nayajj tucta, chekpachansa Diosan leyiparjama sarnakcta ucasa, Criston leyipanctwa.

1 Corintios 9:21 Jak'a apnaqawi uñst'ayäwi

Salmos 119:32

Arsutanakam phuqhañatakix jank'akïtwa, chuymaxarux kusisiñampiw phuqt'ista.

Hechos 15:28

Qullan Ajayutakisa, nanakatakis waljamakiw amuyasi, kunatix lurañax wakiski ukanakxar jan juk'amp jumanakar yaqha lurañanakamp apxataskañaxa:

Hechos 16:4

Taqi uksa markanak sarkasinsti, kuntix Jerusalenankir iglesian apostolunakampi jilïrinakampix iwxt'apkatayna ukanak yatiyapxäna, jupanakan ukhamarjam sarnaqapxañapataki.

Hechos 21:25

Jan judío iyawsirinakarusti nanakax amtapkta uka qillqat apayapxta, akham sasa: “Idolonakar luqtat animalanakan aychap jan manq'apxamti; janirak wilap umapxamti, kunkat jaychjat jiwayat uywanaksa jan manq'apxamti, janirak kuna wachuq jucha lurañanakansa sarnaqapxamti” sasa.

Romanos 2:12

Taqi khitinakatix Moisesan kamachip jan yatkas juch lurapki ukanakaxa, jan uka kamachimpikiw juchañchatäpxani; Moisesan kamachip yatkas juch luririnakasti, uka pachpa kamachimpi juchañchatäpxaniwa.

Romanos 2:14

Jan judiöpki ukanakansti janiw kamachipax utjkiti, ukampis kuntix kamachix siski ukarjamaw lurasipki, kamachix jupanak pachpäkaspas ukhama,

Romanos 7:22

Chuymax manqhansti Diosan kamachip wal munta,

Romanos 7:25

Dios sapakiw qhispiyitani, juparurakiw Jesucristo tuqi yuspagarta. Tukt'ayañataki: Nayax Diosan kamachipar ist'as sarnaqañax wakisitap amuyta, ukampis nayan janchi kankañaxan juchan munañaparjamakiw sarnaqta.

Romanos 8:4

Uksti jiwasanakan kamachirjam phuqhañatakiw lurawayi, jiwasanakax janiw janchin munañaparjam jakxtanti, jan ukasti Ajayun munañaparjamaw jakxtan.

Gálatas 3:2

Jichhax sapxitaya: ¿Moisesan kamachip phuqhatanakam laykuti Diosan Ajayup katuqapxtasti, jan ukax, suma yatiyäwir iyawsapxatam laykuch katuqapxtaxa?

Gálatas 6:2

Jan walt'añanak utjapxätam ukapachasti, maynit maynikam yanapt'asipxam. Ukham lurasaw Criston kamachip phuqhapxäta.

Hebreos 8:10

Kuna arust'äwtix khaya urun Israelampi lurkä ukax akhamäniwa, siw Tatituxa: Nayan kamachinakaxsti amuyuparuw uskü, chuymaparuw qillqantarakï. Nayax jupanakan Diosapäyäwa, jupanakasti nayan markaxäniwa.