1 Corintios 9:13 - Qullan Arunaka DC

¹³ Jumanakax yatipxtawa, khitinakatix Tatitun utapan irnaqapki ukanakaxa, Tatitun utapat jakapxi. Ukampix sañ munta, khitinakatix altaran wilañchanak luqtapki jupanakax luqtat uywanakan aychap manq'apxi.

Aymar Bibliia 1986

¹³ Jumanacajj asquiw yatipjjtajja, templon irnakerinacajja uca pachpa templotwa mank'apjjaraquejja. Altaran sacrificionacajj churasisqui ucanacan yanapasirinacasti, uca pachpa sacrificat aychanacracwa mank'apjjejja.

Qullan Arunaca

¹³ Jumanacajj asquiw yatipjjtajja, templon irnakerinacajja uca pachpa templotwa mank'apjjaraquejja. Altaran sacrificionacajj churasisqui ucanacan yanapasirinacasti, uca pachpa sacrificat aychanacracwa mank'apjjejja.

1 Corintios 9:13 Jak'a apnaqawi uñst'ayäwi

Levítico 21:22

Ukampisa janchipan jan k'umaräpxatapatxa, kuna suma waxt'anaktix israelitanakax apanipkani ukanakat manq'asipkaspawa,

Levítico 22:7

Intix jalantxani ukkhaw q'uma uñjasxani, ukapachaw uka qullan yänakat manq'asxani jupan manq'añapätap layku.

Levítico 6:26

26 (19) Jucha luratat uka wilañcha luqtasinxa, sacerdotex uka pachpat manq'arakini, ukampis kawkhatix qullana chiqäki ukkhan manq'añapa, Tatitump Jikisiñ Carpa anqäxana.

Levítico 7:31

Uka lik'sti sacerdotew altarxar nakt'ayxani, ukampisa jaraphi aychax Aaronampitaki, yuqanakapampitakïniwa.

Números 18:31

ukanaksti kawkhantix munapkani ukawjan wila masinakapamp chik manq'asipkani. Churäwipax ukäniwa, Tatitump Jikisiñ Carpan irnaqatap layku.

Romanos 6:16

Jumanakax askiw yatipxta, jumanakatix mä uywirir jaysañatak t'aqhisiyat jaqjam katuyasipxstaxa, ukhamasti jaysapxatam laykux uka uywirin t'aqhisiyat jaqinakapäpxtawa. Akasti akhamawa, juchar jaysapxät ukasti, uka juchax jiwañaruw puriyi, Diosar jaysapxät ukasti, chiqa kankañan jakapxäta.

1 Corintios 10:18

Israel markat amuyapxam: Wilañcha luqtat uywanakat manq'irinakaxa, Diosampi, altaran luqtapki ukanakampix mayakïpxiwa.

1 Corintios 9:24

Jumanakax yatipxtawa, mä atipasïwinxa, taqiniw jalapxi, ukampis maynikiw churäwi katuqi, uka kipkarak jumanakax churäwi katuqañkam jalapxam.

Deuteronomio 10:9

ukat Leví ayllunkirinakax jilanakap taypin jan uraqinïpkiti, jupanakan katuqäwipax Tatituwa, kamisatix Tatitux arskäna ukhamarjama.

1 Samuel 2:28

Israel markan taqi ayllunakap taypitsti, nayan sacerdotenakäpxañamatakiw ajllisipxsma, altaraxan wilañcha luqtapxañamataki, incienso nakt'ayapxañamataki, ukhamarak sacerdote isimp isthapt'at nayraqataxankapxañamataki. Ukhamarus nayra awkinakamarux israelitanakax nakt'at luqtäwi Tatituru churki taqi uka waxt'äwinakat manq'apxañapatakix churarakta.