1 Corintios 9:12 - Qullan Arunaka DC

¹² Mayninakatix jumanakat ukham katuqchixa, nanakatakix ukat juk'ampi katuqañaw wakisi. Ukampis janiw nanakax taqi ukat arsusipkti, Diosan suma yatiyäwi arunakap qhanañchañ jan jark'atäñap laykux amukiw mutupxta.

Aymar Bibliia 1986

¹² Yakhanacajj take ucanacwa jumanacatjja catokapjje. Ucanacat sipansa nanacaw jumanacat take ucanaca catokapjjañanacajjajja. Ucampis janiw nanacajj take ucanacatjja arsusipcti jan ucasti take cunansa amuquïsipctwa Tatitun arunacap parlañajj jan jaytatäñapataqui.

Qullan Arunaca

¹² Yakhanacajj take ucanacwa jumanacatjja catokapjje. Ucanacat sipansa nanacaw jumanacat take ucanaca catokapjjañanacajjajja. Ucampis janiw nanacajj take ucanacatjja arsusipcti jan ucasti take cunansa amuquïsipctwa Tatitun arunacap parlañajj jan jaytatäñapataqui.

1 Corintios 9:12 Jak'a apnaqawi uñst'ayäwi

Génesis 24:56

Ukampis uywatax sänwa: —Janiy jark'apxistati. Diosaw nayarux saräwixan yanapaskitu, ukhamasti uywirixan utapar khithanukxapxita —sasa.

Nehemías 4:8

8 (2) Ukatsti taqiniw mayak amtapxäna Jerusalenar ñanqha luras t'unjaña.

Lucas 11:52

“¡Ay, kamachi yatichirinaka, kamacht'apkakïta! Jumanakax yatiñ punkun jist'arañap katuntasipxtaxa; janiw jumanak pachpas ukar mantapktati, janirakiw mantañ munirinakarus mantayapktati.

Hechos 18:3

Aquilamp Priscilampix carpanak luririnakänwa. Pablosti ukanak lurañ yatirakïnwa, ukat jupax jupanakamp chik irnaqañatak ukan qhiparäna.

Romanos 15:22

Chiqpachansa ukat jumanakar uñjt'irix jan jutkti, walja kuti puriniñ munkchïyäta ukasa.

1 Corintios 13:7

Munasiñanïñax taqi kun t'aqhisiñawa, taqi kun iyawsañawa, taqi kun suyt'añawa, taqi kun mutuñawa.

1 Corintios 6:7

Jumanak taypin ch'axwañanak utjatapax janipuniw akch'as walïkiti. ¿Kunatarak chiqapar jan uñjatasti amuk jan mutupxtasti? ¿Janit walïkaspa lunthatayasiñasti?

1 Corintios 9:14

Uka kipkarakiw Tatitux sawayi, khitinakatix Diosan suma yatiyäwi arunakap qhanañchapki ukanakax, uka pachpa irnaqäwit jakapxpan sasa.

1 Corintios 9:15

Ukampis janipuniw nayax kun katuqañatakis maykti, janirakiw mä kun nayar churapxañamatakis qillqanipksmati. Ukham lurkpachaxa, askïspaw nayan jiwxañaxaxa. ¡Janiw khitis uka kusisiñ apaqkitaspati!

1 Corintios 9:16

Nayatakix Diosan suma yatiyäwi arup qhanañchañax janiw kuna jach'achasiñäkisa, uka qhanañchañan wakisipunitap amuyta. ¡Kunakïkan nayatakixa, Diosan arunakap jan qhanañchkirista ukaxa!

1 Corintios 9:18

Ukhamïpansti, nayar kusisiyir waxt'äwix Diosan suma yatiyäwip jan kun mayis qhanañchañawa; ukampix sañ munta, Diosan suma yatiyäwi arup qhanañchatat janiw kunsa katuqañatak maykti.

1 Corintios 9:2

Mayninakatakix inas nayax jan apostolüksti; ukampis jumanakatakix apostolütwa, jumanakan Tatitunkapxatamaw nayan apóstol kankañax uñachayi.

2 Corintios 11:12

Ukampis kuntix lurkta uk luraskakïwa, ukhamat khitinakatix nanakjam tukuñ munas aytayasiñ thaqhapki ukanakax, jan uka amuyunakapan sarnaqasipkañapataki;

2 Corintios 11:20

khitinakatix ch'amampi t'aqhisiyapktam, sallqjapktam, uñisiñat ajanut t'axllipktam ukanakarusa.

2 Corintios 2:12

Kunapachatix Tróade markar Criston suma yatiyäwi arunakap yatiyir purkäyät ukkhaxa, Tatitutak irnaqañax uka markan walipuniw utjäna.

2 Corintios 6:3

Janiw khitirus jan wali sarnaqäwimpi uñacht'ayapkti, nanakan luräwinakaxax jan jisk'achat uñjasiskañapataki.