1 Corintios 8:13 - Qullan Arunaka DC

¹³ Ukalayku, manq'ataxämpitix jilaxar juchar puriystxa, janiw aycha manq'añaxax wakiskxiti, juchar jan lanktayaskañataki.

Aymar Bibliia 1986

¹³ Ucatpï, nayatejj jilajjaru mank'atajjampi juch luraysta ucqhajja, janipuniw aychjj mank'cäti jilajjar jan juch lurayañ laycu.

Qullan Arunaca

¹³ Ucatpï, nayatejj jilajjaru mank'atajjampi juch luraysta ucqhajja, janipuniw aychjj mank'cäti jilajjar jan juch lurayañ laycu.

1 Corintios 8:13 Jak'a apnaqawi uñst'ayäwi

Mateo 17:27

Ukampis jupanakar jan mayjt'ayañatakix qutar saram, ukatsti chawlla katuñ anzuelo umar jaquntam, kawkïr chawlltix katkäta ukan lakapan mä qullqi jikxatäta. Uka qullqsti nayampita jumampit qullqi churañäki uk churanxam —sasa.

Hechos 15:20

Jan ukasti jupanakar mä qillqat apayañaw wakisispa: ‘Idolonakar luqtat manq'anak jan manq'apxañapataki. Janirak axskatas jiwat uywanak manq'apxañapataki, wilan aycha jan manq'apxañapataki. Ukhamarusa, Moisesan kamachipan jark'atäki uka wachuq jucha lurañanak apanukupxañapataki.’

Romanos 14:13

Ukat jiwasanakkamax jan k'umisiñasäkiti. Ukat sipana, jilaman juchar puriñapsa, iyawsañapan aynacht'añapsa jan munapxamti.

Romanos 14:21

Askiwa aycha jan manq'añaxa, vino umañasa, kun jan wal lurañasa, ukanakatix jilamar tinkuyirjamächi ukaxa.

1 Corintios 10:32

Jan khitirus lanktayapxamti; judionakarusa, jan judionakarusa, janirak Diosan iglesiapankirinakarus lanktasiyapxamti.

1 Corintios 10:33

Nayasti, taqi kunan taqinir kusisiyañatakiw ch'amachasta, janiw nayan askïñaxak thaqkti, jan ukasti mayninakan askïñap thaqta, ukhamat qhispiyasiñ jikxatapxañapataki.

1 Corintios 13:5

janiw jan walinak parlañäkiti, janiw jupan jaqïñapak munañäkiti, janiw amuk thithiñäkiti;

1 Corintios 6:12

Mayninakax sapxiwa: “Nayax kuntix munkta uk luraskakiristwa” sasa. Ukax chiqakïskiwa, ukampis janiw taqi kun lurañas askïkarakiti. Jïsa, nayax taqi kunsa lurakiristwa, ukampis nayax janiw kunampis apnaqayasiñaxäkiti.

1 Corintios 9:12

Mayninakatix jumanakat ukham katuqchixa, nanakatakix ukat juk'ampi katuqañaw wakisi. Ukampis janiw nanakax taqi ukat arsusipkti, Diosan suma yatiyäwi arunakap qhanañchañ jan jark'atäñap laykux amukiw mutupxta.

2 Corintios 11:29

Maynitix usuntchixa, nayax usuntaraktwa; maynirutix tinkuyapxchixa, nayax wal llakista.

2 Corintios 6:3

Janiw khitirus jan wali sarnaqäwimpi uñacht'ayapkti, nanakan luräwinakaxax jan jisk'achat uñjasiskañapataki.