1 Corintios 8:10 - Qullan Arunaka DC

¹⁰ Ukhamasti jumatix ukanak yatkasina, yaqha diosanakar luqtañ chiqan qunt'asis manq'äta, ukatsti pisi iyawsañan jilatatix uñjätam ukaxa, uka jilatax uka yaqha diosar luqtat manq'a manq'arakispawa.

Aymar Bibliia 1986

¹⁰ Amuyt'apjjam. Jumatejj uca yakha diosanacan altarapan kont'asisin mank'asmajja, ucatsti mä pisi iyawsañani jilatajj uñjiristam ucan mank'asquirjja, uca pisi iyawsañan jilatajj mank'araquispawa uca c'ari diosanacar loktat mank'jja.

Qullan Arunaca

¹⁰ Amuyt'apjjam. Jumatejj uca yakha diosanacan altarapan kont'asisin mank'asmajja, ucatsti mä pisi iyawsañani jilatajj uñjiristam ucan mank'asquirjja, uca pisi iyawsañan jilatajj mank'araquispawa uca c'ari diosanacar loktat mank'jja.

1 Corintios 8:10 Jak'a apnaqawi uñst'ayäwi

Amós 2:8

Manut jaytat isinakxar winkxatasaw yaqha diosanakar yupaychasax altaran manq'apxi; qullqinak apsusasti, diosanakapan utaparuw vino umirix sarapxi.

Números 25:2

uka warminakasti diosanakapar wilañchanak luqtäwiruw jupanakarux jawsapxäna. Israelitanakax uka manq'äwinakapat manq'apxäna, moabitanakan diosanakapatakiw killt'asipxäna,

Hechos 15:20

Jan ukasti jupanakar mä qillqat apayañaw wakisispa: ‘Idolonakar luqtat manq'anak jan manq'apxañapataki. Janirak axskatas jiwat uywanak manq'apxañapataki, wilan aycha jan manq'apxañapataki. Ukhamarusa, Moisesan kamachipan jark'atäki uka wachuq jucha lurañanak apanukupxañapataki.’

Romanos 14:14

Cristor arkirjamax taqi ukanak sum nayax amuyta: Janiw kuna manq'asa ñanqhäkaspati; ukampis maynitix mä kunan ñanqhätap amuychixa, jupatakix ñanqhäskapuniwa.

Romanos 14:23

Ukampis maynitix pächasis manq'chixa, ukham manq'asax jupapachaw juchañchjasi, jupan kunjämtix iyawski ukhamar jan manq'atap layku; ukham jan iyawsañampi kuna lurañas juchawa.

1 Corintios 10:32

Jan khitirus lanktayapxamti; judionakarusa, jan judionakarusa, janirak Diosan iglesiapankirinakarus lanktasiyapxamti.

1 Corintios 8:4

Yaqha diosanakar luqtat manq'anak manq'añxatxa, niy yattanwa, jaqin lurat diosax akapachan janiw kunäkisa, mä sapa Diosakiw utji.

1 Corintios 8:7

Ukampis janiw taqin chiqa kankañat yatipkiti. Yaqhipanakax yaqha diosanakar yupaychañ yatitäpkän ukanakaxa, uka manq'anakat manq'asipkakiwa, diosanakar luqtatätap amuyasina; ajay tuqin t'ukhätap laykusti, chuymanakapan juchanjamaw amuyasipxi.

1 Corintios 8:9

Ukampis jumanakax amuyasipxam, ukham luratamampiw iyawsäwin pisïpki ukanakarux juchar puriyapxasma.

Jueces 9:27

uka jaqinakasti uva apthapiriw pampar sarapxäna, uka uvat vino lurapxäna, ukatsti mä jach'a phuñchhäwi lurapxäna, diosanakapan utapan manq'asa, umasa, Abimélec chachar ñanqhachasa.