1 Corintios 7:5 - Qullan Arunaka DC

⁵ Ukalayku, jan jumanak purax “janiw” sasipxamti, wakischi ukax arust'asipxam mä juk'a pacha jan jak'asiñataki, uka urunakan Diosat mayisiñataki. Uka qhipatsti wakisiw mayachasipxañama; inampis maynix janchipar jan atipirjamäsax, Supayax juchar puriychispa.

Aymar Bibliia 1986

⁵ Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.

Qullan Arunaca

⁵ Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.

1 Corintios 7:5 Jak'a apnaqawi uñst'ayäwi

Éxodo 19:15

Moisesasti jupanakar sänwa: —Jurpürutak sum wakichasipxam, ukchañkamasti warminakamamp jan mayachasipxamti —sasa.

Éxodo 21:10

Alasiritix uka tawaqumpi jaqichasini, ukatsti yaqha warmimpirak jaqichasin ukaxa, janiw uywatapäkän uka warmipat apaqañapäkiti manq'añsa, isinaksa, warmi kankañapsa.

Joel 2:16

Tatitun markapar tantacht'apxam, ukatsti q'umachapxarakim; chuyman jaqinakaru, wawanakaru, ñuñuskir wawanakamppachar tantacht'apxam. ¡Jichha jaqichasirinakas jaqichasiñ utapat mistunipxpan!

Zacarías 7:3

taqi ch'amani Tatitun utapankir profetanakampiru, sacerdotenakampir akham jiskt'añapatakiraki: “¿Nanakax sapa mara phisqa phaxsi saraqataru, jachañampi ayuno lurañampi phuqhasipkakïti, kunjämatix jichhakam lurasipkta ukhamxa?” sasa.

Mateo 17:21

[Ukampis aka ñanqha ajayux Diosat mayisiñampi, ayuno lurañampikiw alisnukusispa.]

Mateo 19:11

Jesusasti sarakïnwa: —Janiw taqinis uk amuyapkiti, jan ukasti khitinakarutix Diosax amuyt'a churki ukanakakiw amuyapxi.

Mateo 4:10

Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

1 Corintios 7:4

Janiw warmix janchipat munañanïkxiti, jan ukasti janchipax chachapankxiwa, janirakiw chachas janchipat munañanïkxiti, jan ukasti janchipax warmipankxiwa.

1 Tesalonicenses 3:5

Ukat nayax janiw juk'ampi suyañ munkti, jumanakax kunjämäsipktas iyawsäwin uk jiskt'añatakiw khithanta, inampis yant'irix yant'apxiristam ukat wal llakisïyäta, ukhamäspa ukasti nanakan irnaqataxax inamayakïspawa.