1 Corintios 7:34 - Qullan Arunaka DC

³⁴ ukhamat chuymapax payanki. Ukhamarakiw jan chachan warmisa, sapa tawaqus Tatitun yänakapat llakisi, janchinsa, ajayunsa qullanäpxañapataki; ukampis chachan warmix akapach yänakatak llakisi, chachapar kusisiyañampit llakisiraki.

Aymar Bibliia 1986

³⁴ Uqhamaraquiw mä casada warmimpi mä soltera tawakompejja janiw quipcäquiti. Solterajj Tatitun yänacapatwa llaquisi, uqhamarac Diosar catuyatäñata, janchipansa almapansa. Mä casadasti acapach yänacatwa llaquisi chachapar sum sirviñataraqui.

Qullan Arunaca

³⁴ Uqhamaraquiw mä casada warmimpi mä soltera tawakompejja janiw quipcäquiti. Solterajj Tatitun yänacapatwa llaquisi, uqhamarac Diosar catuyatäñata, janchipansa almapansa. Mä casadasti acapach yänacatwa llaquisi chachapar sum sirviñataraqui.

1 Corintios 7:34 Jak'a apnaqawi uñst'ayäwi

Juan 10:13

Uka jaqix qullqi laykukiw awatïna, janiw ovejanak laykuti, ukat jaltawayxi.

Romanos 6:13

Janchimsti jucha lurañar jan katuyapxamti, jucha lurañ yäkaspas ukhama. Jan ukasti, Diosar katuyasipxam, jiwatat jaktir jaqinakjama, janchimsti jupa nayraqatan aski lurañ yäkaspas ukham katuyapxam.

1 Corintios 6:20

Diosaw jumanakarux alasipxtam. Ukat jumanakax janchiman Diosarux waqaychapxañama.

1 Corintios 7:33

ukampis warmin chachasti akapach yänakat llakisi, warmipar kusisiñ churañampit llakisiraki,

1 Corintios 7:35

Aksti jumanakan askimatakiw sapxsma, janiw jumanakar jark'añ laykuti, jan ukasti, Tatitur taqi chuyma luqtas jaqjam jakapxañamataki.

2 Corintios 11:28

Taqi akanakatsa, yaqhanakatsa, sapürupuniw iglesianakat llakista.

2 Corintios 8:16

Diosax yuspagaratäpan, kuna llakisiñatix nayan jumanakatak utjkitu ukarak Titon chuymaparux uchi.

Filipenses 1:20

Nayax p'inqasiñar jan puriñatakiw ch'amachasiskta, ukampis jakaskäsa, jan ukax jiwxäsa, nayan suyt'äwixax nayan ch'amachasitax laykuw Cristox jach'ar aptatäni.

1 Tesalonicenses 5:23

Sumankañ churir Diosax jumanakarux qullanar tukuypan, juparak taqpach jakañam impan, ajayumsa, almamsa, janchimsa jan akch'a q'añuni, Jesucristo Tatitusan jutañapkama.

1 Timoteo 3:5

janitix utap sum apnaqañ yatkchisti, ¿kunjämarak Diosan iglesiap sum sarayaspasti?

1 Timoteo 5:5

Mayni ijma warmitix jan khiti yanapt'irin uñjaschixa, jupax Diosaruw chuymap katuyasi, uruy arumaw Tatitut mayisiraki.

Tito 3:8

Aka arunakasti chiqawa, nayax juman ch'aman sayt'asiñam munta, khitinakatix Tatitur iyawsapki ukanakan askinak lurapxañapataki. Ukanakax taqitakis sumawa, askirakiwa.