1 Corintios 7:30 - Qullan Arunaka DC

³⁰ llakitanakax, kusisitäpkasmas ukhamakiw sarnaqapxañama, kusisiñankirinakasti, llakitäpkasmas ukhamakiw sarnaqapxañama; alasirinakax, janis kunas jumankkaspa ukhamakiw jakapxañama;

Aymar Bibliia 1986

³⁰ Llaquitanacajj janis llaquimpïcaspa, uqhamaraquiw sarnakapjjañapa. Fiestanquirinacasti, janis cusisitäcaspa uqhamaraquiw sarnakapjjañapa; alasirinacasti janis cunsa alasipcaspa uqhamaraquiw sarnakapjjañapa.

Qullan Arunaca

³⁰ Llaquitanacajj janis llaquimpïcaspa, uqhamaraquiw sarnakapjjañapa. Fiestanquirinacasti, janis cusisitäcaspa uqhamaraquiw sarnakapjjañapa; alasirinacasti janis cunsa alasipcaspa uqhamaraquiw sarnakapjjañapa.

1 Corintios 7:30 Jak'a apnaqawi uñst'ayäwi

Salmos 30:5

5 (6) Q'apisiñapax mä juk'atakikiwa, munasiñapasti wiñayatakiwa. Jayp'u tuqirutix jachañax puristanixa, willjta tuqirux kusisiñaw utjxistani.

Eclesiastés 3:4

Jachañ pacha, larusiñ pacha. Llakisiñankañ pacha, kusisiñankañ pacha.

Isaías 25:8

Tatitux wiñayatakiw jiwañarux t'unjani, taqi jaqinakan jachanakapsa picharaniwa, markapan aynacht'atapsti taqi aka uraqpachat chhaqtayxani. Tatituw ukham arsu.

Isaías 30:19

Jerusalenan jakir israelitanaka, janiw juk'ampi jachkxapxätati. Yanap mayisisa arnaqasitamatxa, Tatituw khuyapt'ayasïtam, arnaqasitam ist'asinsti jaysarakïtamwa.

Ezequiel 7:12

Pachax purinxiwa, uka urusti purinxarakiwa. Aljasiritakix janiw kunat kusisiñapas utjkiti, alasiritakis janiw kunat llakisiñapas utjkarakiti. Israel markan jach'a jach'a tukutapatsti q'apisiñampiw mutuyarakïxa.

Lucas 16:25

Abrahamasti juparux sänwa: ‘Wawa, amtasim, jumax jakañaman askinak katuqtaxa, Lazarosti jan walinak katuqi. Jichhasti akan jupax kusisiñ katuqxi, jumarusti t'aqhisiñaw wakt'tam.

Lucas 6:21

“Kusisiñanïpxtaw manq'at jichha awtjayasirinakaxa, jumanakasti sist'atäxapxätawa. “Kusisiñanïpxtaw jichha jachirinakaxa, qhiparusti larusipxätawa.

Lucas 6:25

“¡Ay, kunakïpkät jichha sist'atanaka, jumanakax awtjayasipxätawa! “¡Ay, kamachapkakït jichha larusirinaka, jumanakax llakisiñatsa jachapxätawa!

Juan 16:22

Jichhasti jumanakax llakisipxtawa; ukampis nayax wasitat jumanakar uñjapxäma ukapachasti, chuymanakamax kusisiniwa, janirakiw khitis uka kusisiñ apaqapkätamti.

1 Corintios 7:29

Jilatanaka, nayax akham sañ munta: Juk'a pachakiw utjxistu. Ukalayku, warmin chachanaka, chachan warminaka, janis jaqichasitäpkasma ukhamaw jakapxañama;

1 Corintios 7:31

akapachan kuna aski jikxatirinakas, janis kunsa jikxatapkaspa ukhamakiw tukupxañapa, aka uraqin niy tukusiskatap layku.

Apocalipsis 18:7

Kunjämtix jupax jach'a jach'a tukurïkänxa ukhamarak jichhax t'aqhisiyapxam, ayquyapxam; jupax chuymapan amuyiwa: ‘Nayax akan reinar uñtat qunt'atäsktwa, janiw ijmäkti, janirakiw t'aqhiskäsa’ sasa.

Apocalipsis 7:17

qhapaq qunuñ taypinkki uka Corderow jupanakarux ovejanakarjam awatini, jakkir uma jalsunakaruw anakirakini, Diosasti taqi jachanakap nayranakapat phiskhurxani” sasa.