1 Corintios 7:19 - Qullan Arunaka DC

¹⁹ Circuncisión katuqañas jan katuqañas janiw kunäkisa, jan ukasti Diosan arunakapar jaysañaw askixa.

Aymar Bibliia 1986

¹⁹ Janiw waquisquiti circuncidatäñas jan circuncidatäñasa. Ucampis Diosan munañapa phokhañaw asquejja.

Qullan Arunaca

¹⁹ Janiw waquisquiti circuncidatäñas jan circuncidatäñasa. Ucampis Diosan munañapa phokhañaw asquejja.

1 Corintios 7:19 Jak'a apnaqawi uñst'ayäwi

Mateo 5:19

Ukatpï sapxsmaxa, khititix uka kamachinakat mä jisk'a kamachikïkchi ukasa jan phuqkani, janirak jaqinakarus ukarjam sarnaqañapatak yatichkani ukaxa, jupasti alaxpach markan mä jisk'at uñt'atakïniwa. Ukampis khititix kamachi phuqhani, ukat yaqhanakar ukham phuqhañapatak yaticharakini ukasti, alaxpach markan jach'at uñt'atäniwa.

Juan 15:14

Kuntix nayax jumanakar sapksma uktix lurapxätaxa, nayan jila masinakaxäpxätawa.

Romanos 3:30

mä sapa Diosakiw utji: uka Diosaw iyawsañ tuqi aski jaqit katuqi, circuncisión katuqirirusa, jan katuqirirusa!

1 Corintios 8:8

Chiqpachansa kuntix manq'ktan ukax janiw Diosat jayarst'aykistuti; janiw manq'asati askïkañänixa, janirakiw jan manq'asas jan askïkañänitixa.

Gálatas 3:28

Tatit Jesucristor mayachatäxasin, janiw judío jaqïñasa, griego jaqïñasa, t'aqhisiyat jaqïñasa, antutnukut jaqïñasa utjkxiti, chachasa, warmisa yaqhäkiti; taqi jumanakax mayakïxapxtawa.

Gálatas 5:6

Cristo Jesusampi mayakïstanxa, janiw kunatakis wakiskiti circuncisión katuqañasa, jan katuqañasa. Jan ukasti, iyawsañanïñaw juk'amp askixa, uka iyawsañasti munasiñan jakayarakistani.

Gálatas 6:15

Ukhamasti, circuncisión katuqañasa, jan katuqañasa, janiw kunatakis askïkiti; ukatsipana, machaq jaqir tukuñasaw askixa.

Colosenses 3:11

Jichhax janiw wakiskirïkxiti judío jaqïñasa, griego jaqïñasa, circuncisión katuqat jaqïñasa, janirakiw wakiskirïkxiti jaya jaqïñasa, jan amuyt'anïñasa, uywat jaqïñasa, jan uywat jaqïñasa; jan ukasti Cristow taqi kunaxa, jupaw taqi kunankaraki.

Josué 5:5

Egipto markat mistunipkatayna uka chachanakasa, waynanakasa taqiniw circuncisión katuqxapxatayna, ukampisa khitinakatix wasaran yuripkän ukanakax janiw circuncisión katuqatäpkänti.

Apocalipsis 22:14

Jakañ churir quqan achupat manq'asiñatak isinakap t'axsusirinakax kusisiñanïpxiwa, ukhamarak markar punku chiqa mantañ munirinakasa.

1 Samuel 15:22

Ukat Samuelux sarakïna: “Tatitutakix arsutanakapar phuqhañaw juk'ampi sumaxa, wilañchanaka, nakt'at luqtäwinakat sipansa; arsutap phuqhaña, jupar ist'añaw sumaxa, ovej lik'inaka wilañchanak luqtañat sipansa.