1 Corintios 7:17 - Qullan Arunaka DC

¹⁷ Kunjämäskpansaya, sapa mayniw Tatitun churäwinakaparjam jakañapa, kunjämtix Diosax jupar jawski ukhamarakïñapawa. Nayax aka yatichäwi taqi iglesianakar churta.

Aymar Bibliia 1986

¹⁷ Cunjämäscpansaya, cunjämtejj Tatitojj churqui uqhamwa maynejj jacañapa, ucatsti cunjämarutï Diosajj jupar jicjjatqui uqhamwa jacañaparaqui. Uqhamaracwa yatichtjja take iglesianacansa.

Qullan Arunaca

¹⁷ Cunjämäscpansaya, cunjämtejj Tatitojj churqui uqhamwa maynejj jacañapa, ucatsti cunjämarutï Diosajj jupar jicjjatqui uqhamwa jacañaparaqui. Uqhamaracwa yatichtjja take iglesianacansa.

1 Corintios 7:17 Jak'a apnaqawi uñst'ayäwi

Mateo 19:12

Kunayman amuyunakaw jaqin jan jaqichasiñapatakix utji: yaqhip chachanakax jan jaqichasiñatakiw yuri, yaqhiparusti jaqinakaw jan jaqichasir tukuyi, yaqhipanakasti Diosan qhapaq markapar munasitap laykuw, jan jaqichasis jakapxi. Khititix uk amuychixa, ukham amuypan —sasa.

1 Corintios 10:32

Jan khitirus lanktayapxamti; judionakarusa, jan judionakarusa, janirak Diosan iglesiapankirinakarus lanktasiyapxamti.

1 Corintios 11:16

Ukampis maynitix aka tuqit ch'axwañ munchixa, yatiñapawa, janiw nanakasa, janirakiw Diosan iglesianakapas yaqha saräwi uñt'apkti.

1 Corintios 11:34

Maynitix manq'at awtjatächixa, utapan manq'anpan, ukhamat Diosax ukham tantachasitanakamat jan mutuyapkätamti. Yaqha jiskt'anakamarusti, jumanakan ukar purinkä ukkhaw qhanañchapxäma.

1 Corintios 14:33

Diosax janiw pixtuntir Diosäkiti, jan ukasti, sumankañ utjayir Diosawa. Criston iglesianakapan saräwiparjamasti,

1 Corintios 16:1

Diosan markapankirinakatak qullqi apthapt'añ tuqitxa, kunjämtix Galacia suyunkir iglesianakar yatichankta ukarjam lurapxam.

1 Corintios 4:17

Ukat Timoteorux khithanipxsma. Jupax Tatitunkir munat aski wawaxawa. Jupaw Cristo Jesusampi sarnaqäwixat amtayapxätam, kunjämtix taqi chiqansa iglesianakan yatichkta ukarjama.

1 Corintios 7:18

Diosatix mayniru, circuncisión katuqirir jawschi ukaxa, uka circuncisión katuqatap jan imt'pati; circuncisión jan katuqirirutix jawschi ukaxa, janiw circuncisión katuqañapax wakiskiti.

1 Corintios 7:24

Ukhamasti jilatanaka, sapa maynis kunjämtix Diosax jawsapkäyätam ukhamak nayraqatapan sarnaqapxam.

1 Corintios 7:7

Nayax taqinis nayjamäpxañam munirista; ukampis Diosax sapa mayniruw kunayman churäwinak churi, maynirux mayja, mayninakarusti mayjaraki.

2 Corintios 11:28

Taqi akanakatsa, yaqhanakatsa, sapürupuniw iglesianakat llakista.

2 Corintios 8:18

Titompi chikasti mayni jilataruw khithanipxsma, uka jilatatsti taqi iglesianakan wali sum parlapxi, Diosan suma yatiyäwi arunakap yatiyañan wali sum irnaqatap layku.

Gálatas 1:22

Judea uksa tuqin Criston iglesiapankir jilatanakax janïraw ukkhax nayar uñt'apkitänti.

1 Tesalonicenses 2:14

Jilatanaka, kunapachatix jumanakax marka masinakamampi arknaqatäpkäyät ukkhaxa, uka pachparakiw Judeankir Cristo Jesusar iyawsirinakampix lurasïna, jupanakasti judío marka masinakapampi arknaqatäpxänwa.

2 Tesalonicenses 1:4

Ukhamax Diosan iglesianakapan nanakpachaw kusisiñamp jumanakxat parlapxta, llamp'u chuymanïpxatamata, iyawsäwinakam t'aqhisiñ taypin uñacht'ayapxatamata, ukhamarak llakisisin t'aqhisipxatamatsa.