1 Corintios 7:11 - Qullan Arunaka DC

¹¹ Jichhasti walikiwa, warmitix chachapar apanukchixa, sapakiw jakxañapa, jan ukax pachpa chachapampiw sumankthapxañapa. Uka kipkaraki, chachax janiw warmipampix jaljtañapäkiti.

Aymar Bibliia 1986

¹¹ Ucampis mä warmitejj chachapar apanucu ucajja, sapaquiw jacjjañapa, jan ucajj pachpa chachapampiw wasitat chicjjañapa. Uqhamaraqui chachajj janiw warmipampejj jaljtañapäquiti.

Qullan Arunaca

¹¹ Ucampis mä warmitejj chachapar apanucu ucajja, sapaquiw jacjjañapa, jan ucajj pachpa chachapampiw wasitat chicjjañapa. Uqhamaraqui chachajj janiw warmipampejj jaljtañapäquiti.

1 Corintios 7:11 Jak'a apnaqawi uñst'ayäwi

Isaías 50:1

Tatitux siwa: “¡Jan amuyapxamti nayan Israel taykamar apanukutaxa, kunjämtix mä jaqix warmiparux apanukki ukhama, janirak kuna manunak phuqhañatakis jumanakar t'aqhisiyat jaqjam aljataxsa amuyapxamti! Jumanakan jucha lurapxatam laykuw aljatäpxtaxa; Israel taykamasti, jumanakan nayatak sayt'asipxatam laykuw apanukut uñjasi,

Jeremías 3:1

Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Mateo 5:32

Ukampis nayax sapxsmawa, mä chachax warmipan wachuq jucha luratapatak jaljtaspaxa, jan ukhamäkaspa ukasti, jaljtatapampix warmipan juchar puriñap wakichi. Khititix jaljtat warmimpi jaqichaskani ukasti, wachuq jucha luri.

Marcos 10:12

ukampis warmitix chachapar apanukusin yaqhampi jaqichaschi ukaxa, wachuq jucha luraraki —sasa.

Marcos 10:2

Fariseonakasti Jesusar jak'achasisin jupar pantjayañatakiw jiskt'apxäna: —¿Wakisiti mä chachax warmipampi jaljtañapaxa? —sasa.

Lucas 16:18

“Mä chachatix warmipamp jaljtasin yaqhampi jaqichaski ukaxa, wachuqa jucha luri; khititix jaljtat warmimpi jaqichaski ukasti wachuq jucha lurarakiki.

1 Corintios 7:10

Ukampis khitinakatix jaqichatäxapxi ukanakarux sistwa, warmix chachapar jan apanukpati. Ukasti janiw nayan aruxäkiti, jan ukasti Tatitun arupawa.

1 Corintios 7:12

Mayninakarusti nayaw sista, janiw Tatitux siskiti, mayni jilatatix Cristor jan iyawsir warmimpi jaqichatächixa, warmisti uka chachapampi jakañatak amtaschixa, uka jilatax janiw uka warmimpix jaljtañapäkiti.

Deuteronomio 22:19

ukhamarusa, uka jaqix warmipan awkiparux patak qullqi churañapaw wakt'ani, mä israelita aski warmit jan wal parlatapata. Uka jaqisti janiw warmipar irpanukkaniti, jan ukasti jupampix jakaskakiniwa.